مهسترين في اذاعة الصبــــاح ,, لا تفوتكم الاذاعه ههههه

غير متواجد حالياً

هااااايو شبآب صبآيآ

هذولي الله يسلمكم مهسترين و زاحفين ,, ولا عمرهم شاركو بالاذاعه

قرر المدير ان يعقابهم على هسترتهم والعقاب هو انهم يسوون اذاعه

استمعو وانصتوا للاذاعه ههههه

علي الدب يجرب الميكرفون:

الو الو ..اخوه سعد المعصقل من وراه "حول حول"

علي الدب :

" مدير المدرسة الفاضل, أبائي المدرسين,

إخواني العيال: سعد ابوعصاقيل سليمان العربجي,

وممدوح القرد وابو شوشه ..

الاستاذ يضرب علي الدب على راسه طااااخ ,إخلص وجع يوجعك
على الدب:

السلام عليكم ورحمة الله وبركاته , أسعد الله صباحكم باليمن والبركات,
خير ما نستهل به اذاعتنا لهذا اليوم ايات عطرة من القران الكريم يتلوها على مسامعكم

الطالب : حمود المطوع.

جا حمود المطوع ويقرا سورة قصيره

علي الدب:

اما الان مع فقرة هل تعلم للطالب حميدان أبو شوشه

حميدان بصوت عالي: هل تدري.

هل تدري إن للذبابة ستة أعين.

هل تدري وإلا ماتدري إن الفار يصيب بمرض الطاعون.

هل تدري وإلا ماتدري أن اذا قطعت شوارب الصرصور يقعد ينكخ الجدران

هل تدري وإلا ماتدري أن لكل قطو برميل زبالة مخصص يسكن فيه وشكرا.

علي الدب :

هل تدري ان بيت حميدان جنب البلدية,

أما الان مع حكمة اليوم والطالب سلوم المفهي

سلوم المفهي يقرب..

يمسك الميكرفون بيد

واليد الثانية في مخباه تحوس يدور الورقة اللي فيها حكمة اليوم.

يطلع الورقه ويقول: "حكمة اليوم "

ويفتح الورقة

ويقرا بصوت عالي

" البضاعة المباعة لاترد ولاتسبدل"

يسكت شوي ويناظر الورقة ويكمل

" شماغ , طاقيتين, شراب العايلة , ثلاث فنايل علاق, , .."

وهو جالس يقرا

ألا بالكف على وجهه من الاستاذ وهو يقول

ياحمااار...طلع الورقه اللي فيها حكمة اليوم مو فاتورة ملابسك" سلوم المفهي,

طيب طيب يدخل فاتورة ملابسة بمخباه

لاتقطع الشرطه حتى ماتلحقك الأشاره وشكرا

علي الدب :

"الاَن مع موضوع الصباح

للطالب:" أخوي سعد أبوعصاقيل"

سعد يفتح ملف أخضر علاق ويقرا,

"اعزائي المشاهدين ,

موضوع حلقة اليوم العطلة الصيفية (مدمن فضائيات)

"لقد رحنا في العطلة الصيفية أنا وأهلي إلي بلدي الثاني لبنان"

علي الدب: تراه كذوب, بالعطلة رحنا لخوالي الي عندهم الجبال الشاهقه .

سعد يلتفت إلى علي الدب بزعل ويكمل" ولكن علي الدب لم يكن معنا" ويطلع لسانه لعلي الدب

رحنا بالطيارة و كانت امي خايفه جدا جدا لانها اول مرة تركب طيارة ,

بس انا اصلا دايما اركبها,

وفي الطيارة جت شغالة الطيارة وجابت لنا القهوه والشاي ثم جت

وقالت اقلطوا على العشاء , وقلطنا بالمقلط مع العفش,

وكان الطيار واقف على روسنا ماسك اللبن وقال سموا على عشاكم,يالله إن تحييكم, وكان مفطحا شهيا.

وخلصنا وغسلنا, وكان مساعد الطيار ماسكن الفاين والطيب وأعواد الاسنان.

وعند ما وصلنا لمطار الملك خالد حقهم,

ذهبت انا لتختيم الجوازات والرخصة والاستمارة ,

وكنت اتحدث لغتهم بطفاقة لاني امي وابوي مامعهم لغة.

وقال لي العسكري : جواز مين هيدا ؟.. فقلت له" بييَ

, وقال: "وهيدا؟" قلت: مييَ

وهيدا ؟ قلت" خيي

وقال " وهيدا؟" قلت : نييَ (أنا) "

وقال لي ابوي ماشاالله عليك ياوليدي إنك بلبل سداح في اللغة اللبنانية الفصحى

, التفت عليه وقلته, أي لا كان , التفت للبناني وقلت له ترى أنا سعودي ماني زيكم, .

وشكله كان مستغرب يحسبني لبناني.

وفي لبنان سكننا في مدينة بيروت مشيط وكانت

مدينة جميله فيها مزارع بكل مكان,

ولا شفت عندهم تراب, علشان كذا مافيهم الاشهب,ورأيت دولا كثيرا, وشفت دولة وماعرفتها,

يوم دققت مكتوب عليها, بورسعيد,

وشفت المملكة العربية السعودية الشقيقة (وش عنده اللبناني).

ثم ذهبنا الي الاهرامات وكل واحد منا ركب له على هرم,

انا ركبت على الهرم الاول

وأخواني واحد ركب الهرم الثاني

وعلي الدب ركب على اكبر الاهرامات الثالث

يلتفت لعليان اجل ا رحنا لخوالي ها.

وكانت رحلة سعيدة, ورجعنا بالسيارة

ومررنا على تونس الخضراء,

والسودان السوداء في الطريق عبينا بنزين بعشرة لاننا فلسنا,

وكملنا الطريق الي أن وصلنا بالرفاء والبنين.

وإلي اللقاء في حلقة القادمة.

علي الدب " أما الان .."

صوت جوال يدق من مخبا علي الدب

ويطلع الجوال والميكرفون بيده وطبعا صوت المتصل واضح لان قريب من الميكرفون وكل الطابور يسمعونه

صوت حرمه:

" ألو .."

علي الدب:

" هلااااااااااااابهالصوت , ممكن نتعرف

الحرمة:

" وجع يمصع ضلوعك .. أنا أمك حصيصة!!"

عليان بصوت مرتبك " يمه"

طلاب ثالث جيم اللي وراه" اسم امه حصيصة ...اسم امه حصيصه
( بما فيهم اخوه سعيد ابوعصاقيل)

علي الدب:

يمه شغلى الرادو, بتشوفينا انا وابوعصاقيل على قناة المدرسة إف إم.

حصيصة:

الرادو مايشتغل, إنت ناسي إن دشنا خربان,علي,

وراك سارقن جوال ابوووك, أنا زاهمه عليه وطلعت لي إنت"

علي الدب:

"ماهو أنا, أنا أصلا صار لي اسبوع ماشفت جوال ابوي"

حصيصة:

اجل اللي تكلم منه وشو ؟؟!!" هذا ماهو أنا, أنا أخوي سعد,

حصيصة:

اشوى احسبه إنت.

علي الدب يلتفت على سعد المعصقل :

" إنت معلم إمي أن الجوال معي يالحروش المروووش"

سعد يحاول يكلم امه في الجوال:

" يمه يمه, حنا الحين في الاذاعة وإنتي على الهوا ..عندك مداخلة والا طبخة؟"

علي الدب ,

والان مع المنسمه (الطباخة) أمي.

حصيصة:

مامنسم الا إنتم وابوكم , وتسكر الخط"

الاستاذ يمسك راس علي الدب وسعد المعصقل ويصكهم ببعض .

طراااااااااااااااااااااااااااااااااااخ وياخذ الجوال.

كمل يالوح فورت لي دمي.

علي الدب:

" اما االان مع نشيدة الصباح

وسليمان العربجي بعنوان "عصفوري الصغير"

علي :

سليمان وش عندك لابس بدلة حمرااااا.

سليمان:
لأني أول مرة بمسك ميكرفون قدام الجماهير.

سليمان ياخذ المكرفون ويقول

أحلي تحية لشباب ثالث جيم اللي على البيست, هههه متأثر

و أحلى تحية للموجه والمدير وأحلى تحية للوكيل بغيابه,

وياشباب اللي يبغى إغنية يكتبها على منديل ويعطيها المدرسين يوصلونها لي..
سليمان العربجي:

"أويلي, أويلي , أويلي أويللللي "

" سود العيووووووون إكبار ....,والشامة حلوووووة

" شايل جمال الكووووون ...وباليني بلوى "

يحط الميكرفون تحت ابطة , متأثر برابح صقر
ويقول" يلا كلنا سوى.. ياثالث جيم"

هالعيووون شلون املها سحر ذوبني بغزلها

(يلتفت لصف أول) بوسه من عندك حبيبي تسوى عندي الدنيا كلها "

طلاب المدرسة كلهم يرددون وراه تسوى عندي الدنياكلهااا
العيووووووووووون ......

ويغنون وتنقلب المدرسة مرقص وهيصة

ودمتم سالمين

تحيآتي

هيبه ملك <<<<<منقول