وانا بوقع بعشري ماتعودها

هذه قصيده قبل اربع سنوات وكنت مسندها على الراوي منيف عبدالرحمن الشويب

يمنيف نفسي على لاماه محسوده=الله ياكثر حاسدني وحاسدها
مزيونتن يمها الانضار مشدوده=كن القمر فالنحر والشمس في يدها
والخد براق صيفآ لجت ارعوده= وعيونها ارماح وسيوفن تجردها
في كل توصيفها علامة الجوده= من وطية اقدامها لحد جاعدها
وليا تباهت بقصة راس مكدوده=اقول للي مصور زينها زدها
وجدي عليها وجود اللي فقد ذوده=اقفت مع الدبدبه وزرا يجاهدها
وردت اعدودن على الصمان موروده=وقفت ضوامي لهيب القيض جالدها
غزايزآ دقها حقه ومفروده= ورثة اجدودن هلال العود شاهدها
لحق على دربهن من حرته يووده=رجلي ولا شاف عربان ايتنشدها
ودي بها بس بعض الناس مقروده=لاسمعت السالفه قامت تزودها
بيني وبينه دروب الوصل مسدوده=وهل النمايم حبال الغيض تعقدها
واللي سعا لنفاق بكل مجهوده=حاسد ولنقاله الله ليتوسدها
والله ليبطي وهو منال مقصوده=اللي سواته حياتي ماينكدها
ويمنيف صبري سراحه باحت اسدوده= وانجيت ابنسا ذكرت اني معاهدها
ذكرت سلم الهوا والحب وعهوده= وخليت عيني بعبرتها تناشدها
واقول كان الامال ارجوك مفقوده=ادخل على الله جروحي لاتجددها
اطلق سراحي وحبك قطع اقيوده=وانا بوقع بعشري ماتعودها
ويمنيف بعطيك عشرايام معدوده=دور لي الحل ولا الخافيات ادها
عجل تراني بعدي راس ساموده= وان مت يمنيف عزولي قصايدها

صح لسانك يابو حسين يا شاعر الابداع

تسلم يابو عيسى

صح لسانك يابو حسين يا شـــــــــاعـــــر الابـــــــــــداع

صح بدنك يابو احمد وتسلم على هالمداخله

صح لسانك تقبل تحياتي

دائما الشعر له ذائقه لا يكتبها الى من تعمق بها . مبدع وصاحب ذوق رفيع يابوحسين.

تحياتي

علي حميدان الدجيما : شاعر , صاحب شعر حائز على أعلى مواصفات الجودة , فكيف لا تأتي إحدى قصائده مثل هذه حائزة على الجودة والنوعيه؟؟؟

الله ..الله يا أبو حسين صح لسانك وأعتلى شانك

في كل توصيفهـا علامـة الجـوده=من وطيـة اقدامهـا لحـد جاعدهـا

توظيف رائع يا أبو حسين ولا هنت

وجدي عليها وجود اللـي فقـد ذوده=اقفت مـع الدبدبـه وزرا يجاهدهـا
وردت اعدودن على الصمان موروده=وقفت ضوامي لهيب القيض جالدهـا
غزايـزآ دقهـا حقـه ومـفـروده=ورثة اجدودن هلال العـود شاهدهـا
لحق على دربهن من حرتـه يـووده=رجلي ولا شاف عربـان ايتنشدهـا

الأبيات أعلاه حازت على أعلى معايير الجودة لله درك


أبن مصاول

صح لسانك يابوحسين قصيدة رائعه بكل المقاييس انت شاعر مبدع

شويهينه الهيلا مرورك يشرفنا دمتي
بخير وعافيه