الشاعر الكبير محمد الخس(عويـة الذيـب)

يقوا الشاعر الكبير:

الله من قلبٍ عوى عويـت الذيـب=ذيب عوى لجت ضلوعـه ولجـي
عليك ياراعـي العيـون المهاديـب=سـودٍ مضاليـلٍ وسـاع ٍ وبجـي
سودٍ تشذب بسرة القلـب تشذيـب=طحت بخطرهن يالله انـك تنجـي
سهومهن تسطي على القلب وتصيب=تخـج صنـدوق المعاليـق خجـي
ياصاحبي حبـك لقلبـي عواقيـب=ارفق علي شـوي قبـل استلجـي
يا اللي عليك عيون الامه مراقيـب=تقـول بيـن شفـاك درٍ يمـجـي
والخد براق المـزون المهاضيـب=اللي رعوده رجت القـاع رجـي
يامنوتـي مافيـه شـك ولاريـب=منساك كود انسى صيامي وحجـي
يابو نهـودٍ شلعـن مقـدم الجيـب=كمشمشٍ عرقه مـن المـاء ينجـي
من فوقهن شقرٍ تغذى على الطيـب=ريح الشمطري في طرفهن يعجـي
ذيل اشقرٍ ينسف خلاف العراقيـب=تطلب عيالـه بالمهـر والترجـي
هزت وزرفـات السبايـا جناديـب=لوما شليل الصبر والمـال هجـي
ذبحتنـي ياسيـد كـل الرعابيـب=فجيت قلبي يأريـش العيـن فجـي
فجن مثل مظراب شلفاء تراحيـب=شلفاءاً تخل الدم الاحمـر يكجـي
لا وردة من كف مـرو المغاليـب=والخيل كاسيهـا ضبـابٍ وعجـي
ياعاذل المشتـاق مابالهـوى عيـب=ماذقت لذاته عسـى امـك تدجـي
لو ذقت من حلوه ومـره تجاريـب=مالمـت طـراد البنـي الغنـجـي
نجل العيون مزعلات الخطاطيـب=شعـوٍ عـذاب مقطعيـن الفرجـي
يم الحبيب اللي هروجـه تعاجيـب=ياعيـن لديلـه ويارجـل سـجـي

أبن مصاول:

يابو نهـودٍ شلعـن مقـدم الجيـب=كمشمشٍ عرقه مـن المـاء ينجـي
من فوقهن شقرٍ تغذى على الطيـب=ريح الشمطري في طرفهن يعجـي

أشهد أنها معطبته

الله من قلبٍ عوى عويـت الذيـب ذيب عوى لجت ضلوعـه ولجـي
عليك ياراعـي العيـون المهاديـب سـودٍ مضاليـلٍ وسـاع ٍ وبجـي

صح لسان الشاعر الكبير محمد الخس المطيري ..
وتسلم انأمل ناقلها ...
تقبل مروري وتقديري ..
اخوي ابن مصاول ..
سلطان الميزاني .

ومن قال سالم وغانم يا سلطان وأشكر مرورك المتألق...

أبن مصاول

يعطيك العافيه على نقل قصايد محمد الخس

مشكور على النقل المميز يابن مصاول