المراجل مالها غير الرجال

هذه القصيدة المتواضعه قلتها صباح هذا اليوم على عجاله وهي من محاولاتي وأرجو ان لا تكون دون المستوى

وا وجودي كل ما هب الشمال=وجد من هو لا قريب ولا أهل
في وسط غربه ولا معه الريال=ويشحذ الأجناب ولباسه طمل
واتعبه كثر التطلب والسؤال=والنتيجه ما لقى حتى الهلل
قلتها واقولها وأضرب مثال=قبل لبدا جاك كل اللي حصل
المراجل مالها غير الرجال =وكل حمل عسر يبغاله جمل
ولو ولد الاش يخدمه المجال=ما أستمر الحال حتى لو كمل
أتحيزم بأبن عم وببن خال=واترك اللي كل ما طاهم زلل
وازهم الطيب وناديله تعال=يوم ولد الاش ما شاف العمل
قلتها من شئ فوق الإحتمال =كل ليله يضوي بصدري همل
أتصبر وانده المقفي تعال=وأثر بعض الطيب فالخايب عَلَل
والله اني حالفٍ يا ابن الحلال=ما تبع الرديان لو جوني سهل
أتجمل واطلب الله الكمال=وآخره صلوا علي سِيد الرسل

ابن مصاول

ياسلام يابو صيف الله
هذه قصيده شامخه وليست محاوله
صح لسانك

صح لسانك يابو ضيف الله وانت رجل شاامخ والقصيده جزله جداً وراقتلي جداً فأستمر يابو ضيف الله الله يوفق

صح لسانك يابو ضيف الله والقصيده جزله من شاعر جزل

ولاهنت

صح لسانك يابوضيف الله .شاعر وابن شاعر

صح لسانك ياابو ضيف الله وتسلم يمينك والشعر ليس بغريب عليك

صح لساانك اخوي
لا هنت

انا صراحة اكثر بيت عجبني .. المراجل مالها الا الرجال == وكل حمل عسر يبغا له جمل

روعة البيت هذا يابو ضيف الله مع انك قلته على عجالة !!

المشاركة الأصلية كتبت بواسطة عبدالرحمن بن غلاب الميزاني

ياسلام يابو صيف الله
هذه قصيده شامخه وليست محاوله
صح لسانك

أبو عيسى لا هنت على المرور والتعليق الغير مستغرب وأنما هي محاولات شعريه جاءت بمناسبتها ولم يكن مخطط لها وجاءت هكذا سريعاً

الف شكر على تشجيعك ونحن نبدي المحاولات وعلى الأخوان أن يبدوا ملاحظاتهم شاكر لهم

صح لسانك ياابو ضيف الله وتسلم يمينك والشعر ليس بغريب عليك