يــــــا بــــرق

	بسم الله الرحمن الرحيم يــــا بــرق يليي يابـرق يلـي بالسـمـا بـارقـك لاح=واسهرتنـي بابـرق ليـن الصبـاحـي انـا دخيلـك يـوم ريـح الحيـا فـاح=قلي وش اخبـار الحيـا يـوم طاحـي وان كان لك بكرة مع الصبـح مسـراح=خذني معـك دام السفـر لـك مباحـي كان السياحـه فالسمـا وانـت سـواح=انـا بعـد فـاول حيـاتـي سيـاحـي خذني على يمينـك مـع الجـو مـلاح=تـراي فاهـم فـي جميـع النـواحـي ماعـاد باقـي فالعمـر كثـر مــاراح=حتـى نذيـر الشيـب فالوجـه لاحـي لاجيت اغمـض تالـي الليـل وارتـاح=غمضت جفنـي والجسـم مااستراحـي يزورنـي طيـر(ن) يغـرد بـلا جنـاح=سريـع بالجيـه وعـجـل الـرواحـي واطرب لصوت صغيـر السـن لاصـاح=واعتب على فيصـل لكثـر الصياحـي صوته جذبني واحسـب الـورع مـزاح=وقـول لـه ماهـوب وقـت المزاحـي وافـز مـن نومـي ولاقيـه كــد راح=ياحيرتـي يابـرق وشـلـون راحــي قفـا ودمعـه فـوق الاوجـان سفـاح=وش حيلتـه غيـر البكـا والنيـاحـي مايقطـع امـواج البحـر غيـر سبـاح=والطيـر مايشـهـر بلـيـا جنـاحـي سهرت مـن اجلـه ولاذقـت الامـراح=تقول فـي صـدري سهـوم الرماحـي يابـرق كـان لخوتـي منـت مرتـاح=انـا بعـد مالـي ومــال المـراحـي وان كان نورك فالسماء صـار وضـاح=يابـرق مالـك بالطويـلـه صـلاحـي ماشفت لك ضوء تقل ضـوء مصبـاح=من غير ضاحك صـار للنـار ضاحـي نـارا سناهـا صاحبـه هيـل فـيـاح=يجذبـك لاهبـت هـبـوب الريـاحـي شبـة رجـال ماتحـسـب لـلاربـاح=دار السعـد وجـه السعـد والفـلاحـي اليـا لفيتـه لاطيـب الحيـل ذبــاح=يـوم الـردي غيـره يدينـه شحاحـي من غير ابو صالح من النـاس سمـاح=وحنـا نريـد المـعـذره والسمـاحـي اخاف تنـزل عبرتـي وسـط الافـراح=واخـاف قـدم النـاس سـدي يباحـي انـا مـن او ل ياسعـد كنـت جـراح=واليـوم ادوور مـن يعالـج جـراحـي كني كسيـر(ن) بـاول القـوم لاطـاح=من طيحتـه طـاح العلـم والوشاحـي شربت كاس المـر فـي كـاس تفـاح=والـمـر لـلـي مايعـرفـه قـراحـي والطـب مايبـري لـك السـد لابــاح=اللـي يداويـنـي ظـبـي البـراحـي اللي لمحته ياسعـد مـن وراء سنـاح=وجـدي علـى شوفـه بليـا سناحـي ابـو جديـل(ن) فـوق الامتـان لفـاح=بشوفتـه يـاخـوك هـمـي يـزاحـي احـد(ن) يزيـح الهـم ويـداو الارواح=واحد(ن) يجيب الك المرض وانت صاحي

صح لسان الشاعر

صح لسانك يا عبد الرحمن

حاولت أنتقي بيت من القصيدة

ولكن لم اجد أي بيت أفضل من الأخر

لأنها كلها أبيات في قمة الجمال

حي ها الطاري يابو حمد والله انارآيي معروف من قبل
وأنا مغمض بعد هههههههه
يكفي أقول أسطورة وبس
بارك الله فيك
يا الغالي

يابـرق يلـي بالسـمـا بـارقـك لاحو**اسهرتنـي بابـرق ليـن الصبـاحـي
انـا دخيلـك يـوم ريـح الحيـا فـاح**قلي وش اخبـار الحيـا يـوم طاحـي
وان كان لك بكرة مع الصبـح مسـر**احخذني معـك دام السفـر لـك مباحـي
كان السياحـه فالسمـا وانـت سـواح**انـا بعـد فـاول حيـاتـي سيـاحـي



الله الله الله

صح الله لسانك ملايين لاهنت والله ع القصيده الزينه جزل والله

صح السانك يابو حمد وشهادتي فيك مجروحه ..

مبدع كما عهدناك ..

الله الله يا ابوحمد قصيده جزله من شاعرٍ جزل صح لسانكـ

صح لسانك أخوي عبدالرحمن

انـا مـن او ل ياسعـد كنـت جـراحواليـوم ادوور مـن يعالـج جـراحـي

الله عليك يابو حمد

لاتستغرب الجزاله من عبدالرحمن العقيلي

احـد(ن) يزيـح الهـم ويـداو الارواحواحد(ن) يجيب الك المرض وانت صاحي

والله انك صادق يابو حمد

الله الله يا ابوحمد قصيده جزله من شاعرٍ جزل صح لسانكـ