ملفي مشكور وما قصرت والله يعطيك العافيه ورايتك بيضاء وخلنا نقفلها على أبوزنه هههههههههههه
كما أشكر المنسق أبوراكان والمتواجدين معنا اللي تواجدهم يهمنا للغايه ويعطيهم ألف عافيه وتصبحون على ألف خير
عايض الحريص
سلام الله سلام(ن)ماعليه من الذنوب ذنـوب=ويومن في كـلام مبشـر المظلـوم بالجنـه
ياملفي وش كتبت لصاحبك في بداية المكتوب=عسا الله ما يبارك في رفيق(ن)يختلف ظنـه
ملفي الميزاني
هلا يامرحبا ترحيبتن مابين نـوب ونـوب=على سلم الرجال ولاتخالف منهـج السنـه
وانا وشلون اسوي بك قريت الخط بالمقلوب=وانا ماالحقتهـا شرهـه ولالحقتهـا منـه
عايض الحريص
يدوم لك البقا وأنته عن اللي غايبيـن تنـوب=ولو مانـت أول العنـه لكنـك فـأول العنـه
أبا أحقق معك لين أعرف السالب من المسلوب=ولن كان إحترقت إنقول قبلـك حرقـت البنـه
ملفي الميزاني
ترى قصر الحكم ماياصله طالب ولامطلـوب=لوانك قمت تقـرع يالحريـص كنـك الشنـه
متى حطوك قاضي يالمقاضي وانت ربع رتوب=اثر بعض خسران فـي حكمـه وفـي صنـه
عايض الحريص
ياراعي الوزره اللي تا تجملها بلبس الثوب=عسا قصروك مع الأيام عامرتـن بأهلهنـه
حطوني يوم فرق الناس فالهامه وفالعرقوب=وهالحينه ليال(ن)كل حظ(ن)طـاح شالنـه
ملفي الميزاني
شطبنا حرف واثر السطر كله من عصر مشطوب=يابو بيت(ن) على جرف وذواري الريـح يذزنـه
عساك الهامه اللي نص صوب ونص روّح صوب=بعد جاك العشا اللي بعـد نـص الليـل سونـه
عايض الحريص
تسمى بالمهايط وانت لاعمده ولا منصـوب=بيوتك كل ماهبـت هبايـب جالهـا دنـه
سوات الموتر اللي ما يشغل غير بالسكروب=ولامنه مشى فالخـط جـا لمحركـه حنـه
ملفي الميزاني
اثر عايض على الحرصان من وقت(ن) مضى محسوب=ماغيـر الاســم والا بـاقـي الامــور ماظـنـه
سـوات اللـي تـدر الـروب واحيانـا بلـيـا روب=تحـب الصيـف ميـر المشكلـه لاوطـت الكـنـه
عايض الحريص
أنا معروف وانتـه معرفتـك بعالـم اللبتـوب=عسا ربـي يبـارك بالجهـاز اللـي جمعهنـه
تحب الروب لن الروب عند اهل الشفاء مرغوب=وحقك حافظه لك لايجـي فـي خاطـرك لنـه