واعذاب القلب/ لشاعر حمدان حمد الجعفري المطيري

واعذاب القلب من همـاً غدابـه=كل ما مسا اليل زاد الهـم زادي
مع لذيذ النوم دائم فـي حرابـه=ماهتنت عيني ولاذقت الرقـادي
من هجوساً بالحشى زايد عذابـه=كل مبغا أنساه ياسلمـان عـادي
كني اللي ماشياً يطـرد سرابـه=والسراب يروح والمسكين غادي
ماعرفّها قبل لايحسـب حسابـه=لـو حسبهـا ماتمادىبالعنـادي
تائهاً فكره ومخطي في صوابـه=وان عذلته قال منته بلي هـادي
والدليل مضيعـاً دربـاً مشابـه=ماكسْب نفعه ولامنـه أسّتفـادي
والسبب من هالزمان اللي تشابه=فيه نقّـص الله يمْنـا بزْتيـادي
ينقص بطيبه وزايـد بالخرابـه=لوبغّيت أتعدله حاديـك حـادي
يعّترضّك اللـي يـدور لطلابـه=قال أنا القاضي وذاعلماًوكـادي
ثّـم حوسهـا وخلاهـا نهابـه=مايّفّرق بين الاحمر والسـوادي
رافعاً خشمه ولو محْـداً درابـه=مادرى أنّه حادراً تسعيـن وادي
شايفاً نفسـه فهيمـاً بالخطابـه=لو علومه كلهـا فيهـا أنْتقـادي
يحْسبن الطّيب يوجد عنـد بابـه=مادرا أن الطيب يبغاله مبـادي
قلْه أقْعد مانبا منـك أي أجابـه=ياقليل العْرف خلـك فالحيـادي
والكريم ينوْمس اللي في جنابـه=خوْته تشْرا وهي غاية مـرادي
وانشامـا فعلهـم كـلا ًيهـابـه=كاسبين الطّيْبه وقـت الطـرادي
مجلساً عامـر وعـزاً للقرابـه=بالعشا ء رجالهم صوته ينـادي
الكـرم عنوانهـم كلاًًحكـابـه=مكْرمين الضيف ذربين الايـادي
واخْتصار العلم في مسْكتْ نصابه=من يفيد الناس بالمعروف فـادي

صح لسانك واعتلا شانك

وهنت

صح لسانك أخي حمدان وقصيدة كلها جمال وعذوبة...صح لسانك ويشرفنا تواجدك بيننا

صح لسانك أخوي حمدان حمد الجعفري

صح لسانك ياحمدان على هذه القصيدة

صح لسانك اخوي

صح لسانك يا أبو حمد قصيده لها عذوبتها الخاصه لاهنت يالقرم

صح السانك قصيده جزله

سِلٌمت أنامِلكُ على هذا الكلمات الرِاقٍيه
,, عَسَـاَك عَالـقٌوةَ وَ مَاَ ننـحِرم مِن تَواَصِلكـ مَعنَـاَ ,,
:
,, وَنحن فِيْ إنتِظاَرْ مَاَ يَفِيضٌ بِه قَلَمٌكْ مِنْ جَدِيدْ وَ مٌِميزِ
وٍِصحٌ لسانكـ،
تقبل مروري المتواضع

كل الاحترام والود^_^
أبيات تستحق التميز
لاعدمتكـ، يالغلا
في قمهـ، الِرو’عٌه
ولآهنتـ
تحياتي لكـ،
مـــ‘زعــٌل الِشِمٌري‘