هذه القصيده مجاراه للبيت المعروف من قديم الزمان ولايحضرني اسم صاحبه و اللي يقول فيه
لياصرت بالصمان والقيض حاديك = أيا لطيف الروح والا المطيه
وانتم تعرفون ان الصمان ديرة مطير ومستحيل يموت من الضماء والجوع بين مطير .
وكتبت هذه الابيات اتمنى ان تنال اعجابكم وعذروني على التقصير
ليا صرت بالصمـان والقـيض حاديـك = أزبـن مـطـيـر اهـل الـوفا والحمـيــه
واشرب من الماء لين تروى ضواميك = وارقـد تحـت قـصـرٍ مشـيـد وفـيــــه
مـالك ومـال اهـل الشقـاء والـتهـالـيـك = اللـي يـحـبــون الـحـيــاه الـشـقـيــــه
امطـير من شـر الـمـلاقـيـف تحـمـيـك = ويطوعـون اهـل الـنـوايـا الـرديـــه
رجـالــهـم مـن حـر مـاله بــيـعـطـيــك = تـعـودو علـى الكــرم والـعـطـيــــه
وترى الكرم لمطير من دون تـشكـيـك = فـي وقـتـنــا هــذا وفـالـجــاهـلـيــــه
ومطيـر في وقـت الوغـاء والممـالـيـك = بـسـيـوفهـم ضـدو جـيـوشٍ قــويـــه
ومفككـيـن اجـيـوش الاتـراك تـفـكـيـك = خلو زعيـم الـتـرك يـقـعـد ضـحـيــه
اركـو علـيـهـم من خشـوم الـبـلاجـيـك = موتٍ حمـر مـاصـار بالـنـاس زيـــه
هـذي تـرى نـبـذه علـى شـان اوريــك = ان الـمـطـيري مـايـهــاب الـمـنــيـــه
والله كــريـم ولا ومـر بالــتــهــالـيـــك = الـواحـد الـمـعـبـود رب الــبــريـــــه