قصيده مهداه الى الشيخ/ مسير بن عبدالرحمن الدويش

عز الخوي


صح بدنك



ولاهنت على المرور


وودي لك

المشاركة الأصلية كتبت بواسطة عبدالله العوني

بسم الله الرحمن الرحيم


السلام عليكم ورحمة الله وبركاته


أولاً أعتذر عن قل التواجد


وأقدم لكم قصيده موجهه للشيخ مسير بن عبدالرحمن الدويش وعسا أن تشفع لغيابي الغير مقصود



واليكم النص

سلام يامسير سلام=سلام مني واحترام
ينصاك ياشيخن عزيز=وافي ولا لحقه ملام
اعداد ماذعذع براد=واعداد ماساق الغمام
واعداد ماهل المطر=واعداد ماناح الحمام
واعداد من طاف الحرم=لابس من التقوى حرام
دامك من رجالن لها=فعلن ليا صك الزحام
انا اشهد انك يالامير=حشيم ومن روسن حشام
شيخن ولد شيخن عريب=ساسك خوالن مع عمام
كريم سبله ومخبور=وقت الشدايد لك مقام
وان جا نهارن فيه دبك=وقت الملاقا والخصام
تكرب على سرج الحصان=ولا الفرس ام اللجام
تظفر بفعلن منعرف=ماهوب خافي لا لانام
تضرب يمينك للعداه=بالسيف وتقص العظام
فعلن ماهوب ايات فعل=فعلن يورثلك وسام
وسام عزن مع شرف=تمام ياشيخي تمام
واليا تعزوى فيك احد=نقول جود فالسنام
ماهوب مضيومن ابد=دامك معه لا مايضام
شيخي وأعزك يالامير=دويشي ياراع المهام
ماهوب والله مجاملات=ولا كلامن في كلام
ولا محاباه ونفاق=ماهو نظامي هالنظام
الا صدوق بكلمتي=ياشوق زاهية اللثام
من يعرفك مثلي قريب=يبصم لقولي بالبهام
وختامها مني يامير=يانسل دوشانن كرام
اسلم بتسليمة وفا=مقرونتلك باحترام
تسليمتن ترقا سما=تاقف على متن الغمام
والعذر كاننه حصل=تقصير مني بالسلام
تمت وربي يحفظك=يامير ياعال المقام

وسلامتكم

...صح لسانك مليين...لاهنت اخوي عبدالله العوني...

...و يستاهل الممدوح ...تقبل مروري...

اخوي المهاوي


صح بدنك يالغالي


ولاهنت على المرور