أربع عشر شعبان لو شفتها غنج=غنجن على ماضن بدري رشدها
من عقبها مرضان ومبنجن بنج=وراحت ليالي ماعرفنا عددها
سمرن سمار الزين ماهي من الزنج =من شافها لاشك يعرف بلدها
مركابها في جمس والا على رنج=يالعنبو من ذمها واقتصدها
مشي النواعم كنها تدعس أسفنج=الارض ضني ماشكت من جسدها
لاشفتها ياسعود خذ مقصدك وانج=لاتبتلش ياخوك في مابعدها
(فيــــــصل المــــيزاني)
.
التعديل الأخير تم بواسطة ابن الشاعر ; 27 - 11 - 10 الساعة 01:47 PM
الله الله على الابداع ياخوي فيصل قصيده ذات احرف اصيله وشاعريه فخمه صح لسانك حتى ترضى وياهلا بك ويامرحبا بين اخوانك واهلك بمنتدى النخبه والابداع سعدنا بانضمامك الينا وبانتظار كل جديد منك فلا تبخل علينا . وبعد اذنك تم تنسيق القصيده .