أنا كل ليله في خفوقي تزيد جروح = ولا ذقت من طعم السعاده ولا مره
أكابر واقول الوضع طيب وانا مذبوح = ذبحني حبيبي ذبحة محمد الدره
تعدى عليّه ماله بذبحتي مصلوح = وانا لو ذبحني ودي أرتاح من شره
أشوف الغلط بالعين وأقول له مسموح = لكن المصيبه والبلا عاود الكره
شرايين دمي كنها فوق نار تفوح = على نار غدره منها الأشواق محترّه
رغم كل هذا في عيوني هو المملوح = أشوفه هو اللي يسعد القلب ويسره
أدور طريق (ن) فيه باب الرجا مفتوح = مثل من يخل الشوف ويدور الجره
عسى الله يعجل بالفرح والهموم تروح = هو الواحد اللي ينفع العبد ويضره