( قلبي فقـير )

بسم الله الرحمن الرحيم
السلام عليكم ورحمة الله وبركاته
/
نعود إليـكم بعد غيــآب /
لظروف خآرجه عن الإراده ,

إليــكم .

قلبي فقـير ,

لا تثير المشآعر عآد قلبي فقير = عن هبوب المحبه مآ لـ قلبي ذرى
المراسيل صلفه وأنت مآلك ضمير = كل ما أتبع خيآلك لاح برق وسرى
كآن قلبك على درب المحبه بصير = إكتب اللي طرى واللي بعد ماطرى !
في كتآب المحبه كآن حرفك كبير = يآ معذّب عيوني قلبي اللي قرى
إنتظر قبل تسأل وش بـ قلبي يصير = شوف حآلك وقلي يالغضي وش جرى
أنت غير البشر وألقآك كل يوم غير = ليه قلبك بـ سوق الحب بآع وشرى
إيه احبك وحبك حب مآله مصير = ياترى وش تكون الخاتمه ياترى
دام في غيبتك هالكون كله صغير = وفي مواصلك جرحي للآسف مابرى
ياتصون المحبه ! يا إنتفارق بخير ! = وأنت تدري بعد ماروح مارجع ورى

ايه احبك وحبك حب مآلـه مصيـر

ياترى وش تكون الخاتمـه ياتـرى
دام في غيبتك هالكون كلـه صغيـر
وفي مواصلك جرحي للآسف مابرى

ياسلام ياسلام
صح لسانك اخوي عبد المجيد
القصيدة راااااااااائعه الله يعطيك العافيه

قصيدة جزلة كما هو المعتاد من الشاعر البحر عبدالمجيد الظويفري , صح لسانك حتى ترضى أخي ولا يطول إنتظارنا لك فنحن نشتاق لجزل القصيد دائماً الذي هو بضاعتك الدائمه..

لقبك من اليوم في منتديات النخبه هو البحر

صح لسانك أخوي عبدالمجيد الظويفري

ياتصون المحبه يانتفارق بخير
وانت تدري بعد ماروح مارجع ورى

صح لسانك اخوي عبدالمجيد على القصيده الجميله دائما كعادتك لاترضى الا بالتميز وانشالله تكون أخر
الغيبات فوجودك يعد مكسبا دمت بخير

الله الله



قصيدة رائعه من روعة شاعرها المميز والمتالق عبدالمجيد الظويفري


صح لسانك يا خال ولاهنت وننتظر جديد بشوق

صح لسانك اخوي عبدالمجيد على القصيده الجزله


يعطيك الف عافيه