فذة حساوي..!

يـابـو مـنـور عَـــز حـالــي للهواوي.=لا رقـص قلـبـه عـلـى بـنـت القـيـاده.
بنـت عـز وجـاه مـن كـفـه سـخـاوي.=عمـرهـا مــا ذاقــت الـفـقـر ونـكــاده.
ابـلــج ومتـغـنـج الـمـوتـر سـمــاوي.=لقبـوه الـحـوت مــا يبـغـى الشـهـاده.
وقّفـت.! غـنّـت لـهـا لـيـت المـنـاوي.=بالـحـلال الـلـي شــرع ربــي لْعـبـاده.
جابتـه صدفـه عـلـى قـلـب ٍ حـيـاوي.=بالظـهـر عِـــزِّه وبالـبـطـن الـسـيـاده.
الثـقـل طبـعـه.! وزيـنـه بالـتـسـاوي.=الله الـلـي صــوره واحـســن عـــداده.
حــظ قلـبـي يارفيـقـي طــاح ثـــاوي.=والحضيـض اللـي مـلـك قلـبـه وداده.
عينـهـا عـيـن الــذي لـلـجـو هـــاوي.=عيـن شيـهـان ٍ شـبـح بــاول هــداده.
لمّـت المشـرق ولـيـل الـحـب كــاوي.=وثـغـر مغربـهـا حَـمَـاره مــن بــراده.
شفتيـنـه راويــه....! فــذة حـسـاوي.=حجمهـا واللـون خِلْـقَـه فــي مـهـاده.
تشتكـي للنـوم.! دوم الـخـد ضــاوي.=وصـف خــده مـاهـو بْـنـوره وغــاده.
فـي سباتـه فـي زفيـره ريـح جــاوي.=وخـوف قلـبـي تـآكـل الـفـذه وســاده.
مشيتـه كنـه عـلـى الموكـيـت يــاوي.=ولحظـة التصويـر مــا تقـبـل اعــاده.
نظرتـه رمـح ٍ يـفـج الـصـدر هــاوي.=والعـنـا فــي داخـلــي مـلـحـه و زاده.
يــا نـسـل قــرم ٍ تـعـديـت الـهـقـاوي.=لا احترق وردي وش ابغى في رماده.
الفكـر يسـرح وهــم القـلـب ضــاوي.=لــه ذرى العينـيـن مـركـوز بْسـهـاده.
كــم قـلـوب ٍ حبـهـا حـالـه عـمــاوي.=وكـم دمــوع ٍ عِقبـهـا حـلّـت سـعـاده.
الفـرح مهجـور فـي عينـي مـسـاوي.=والحـزن وحـش ٍ وقلـبـي لــه بــلاده.

كــم قـلـوب ٍ حبـهـا حـالـه عـمــاوي.
وكـم دمــوع ٍ عِقبـهـا حـلّـت سـعـاده.
الفـرح مهجـور فـي عينـي مـسـاوي.
والحـزن وحـش ٍ وقلـبـي لــه بــلاده



صح لسانك اخوي صالح بن عمار بيض لله وجهك

ويعطيك الف عافيه

يــا نـسـل قــرم ٍ تـعـديـت الـهـقـاوي.

لا احترق وردي وش ابغى في رماده.

الفكـر يسـرح وهــم القـلـب ضــاوي.

لــه ذرى العينـيـن مـركـوز بْسـهـاده.

كــم قـلـوب ٍ حبـهـا حـالـه عـمــاوي.

وكـم دمــوع ٍ عِقبـهـا حـلّـت سـعـاده.

الفـرح مهجـور فـي عينـي مـسـاوي.

والحـزن وحـش ٍ وقلـبـي لــه بــلاده.

كل عام وانت من صوام رمضان وقوامه اخي صالح ...
صح لسانك ابوعمار انت أمبراطور لمملكه شعريه استثارت فضولنا لكي نفتش في زوايا مملكتك قصائدك أدبك الجم الغير منقطع تنهل من عين لاتنضب صح لسانك حتى ترضى دمت بخير

صح لسانك أخي صالح والله يعينك على الفذه الحساوي <<<بس أي نوع من الفذات ؟؟؟أبعد عن الخنيزي والرزيز وخلك مع الخلاص ههههههههههههه

صح لسانك شاعرنا القدير ولا هنت على هذه الإطلالات الرائعه

الله الله
صح الله السانك
ابدعت وامتعت كعادتك استاذي العزيز
كل عام وانت بخيرررررررر

لجميع من شرفني وشرّف متصفحي
أقول
بيّض الله وجيهكم جميعاً وصح أبدانكم
مروركم كــ/العبير يفوح في أركان المتصفح

آل النخبه

تحيه كبيره تليق بسموكم وتقدير لا يواسيه تقدير

ودي للجميع

الله الله صح السانك ابيات رائعه ابدعت اخوي صالح اكما هي عادتك في قصائدك الرائعه
لك تقديري

صح لسانك يابن عمار ابيات جزله تحياتي لك

صح لسانك على القصيده

صح لسانك وشعرك يابو ريان
وعذوبة شعرك كالفذ الحساوي واحلى والله
دمت رائعاً ومميزاً يامبدع
.