عربسات للتلفاز ماهي باللرادي ( سوار الذهب وسعيّد القحم )

سوار الذهب
عربسات للتلفاز ماهي باللرادي
وشفنا سعيد عاد قدام ميعاده
سليمان وش قالك ياهدهد الوادي
كبنك عميلن ياكل الزاد مازاده
سعيد القحم
عربسات للتلفاز وتبث الارصادي
وبعض العرب ريض مراحه ومعواده
سليمان تعرف ماقفه حرب وجهادي
وكم طار بالطرقه يصيده ويصتاده

سوار الذهب
تشغل على الممتاز والاعلى العادي
يحل الجراد وجاه عشرين جراده
مسرتك بلساني محبتك بفوادي
وماتنظر السادات ماعلم الساده

سعيد القحم
ترا من بدا راس الجبل يكشف الوادي
وراع الجمل لازم يسوقه ويقتاده
وانا خابر انك صيغة العنبر الكادي
خفيفن على صدري صدوره وميراده

سوار الذهب
ترى من درا بالجود يدري بالاجوادي
وضاع القصيد ولاتعلمت قصاده
الا يالمحيط الاطلس الاول الهادي
يجي فيك بن شداد ويروح بشداده

سعيد القحم
بعد راح بن شلاح وعزيز البادي
نشوفك تغيب وتحشد القوم لبلاده

الله..صح ألسنة الشاعرين الكبيرين سوار الذهب وسعيد القحم ومحاورة قمة بين هرمين

ولا هنت اخوي راشد على النقل

محاورة رائعة وسبق أن أطلعت على الحفل كاملاً , وهذه المحاورة تتحدث عن محاورة سابقة بين سعيّد القحم وحبيب العازمي ( سليمان وش قال لك ياهدهد الوادي ) , وكانت نوع من العتاب وابداء الملاحظة عن شئ حصل من سعيّد القحم ( الداب الأسود ) في محاورته مع حبيب , وقبل ذلك اراد سوار الذهب أن لايزعل عمه وبطريقة مؤدبة وأن هذا الأمر لن يخبربه الناس بل سيكون عتاب منه الى عمه فقط ( وماشافه السادات ماعلم الساده ) .



وسعيّد القحم للمعلومية هو عم سوار الذهب .

الله يصح السنت شعارنا ويعطيك العافية على النقل المميز

شـكــ وبارك الله فيك ـــرا لك ... لك مني أجمل تحية .