قلب الذهب

صح لسانك اخوي صالح بن عمار

وبيض الله وجهك على هالابيات الجزله


ويعطيك الف عافيه .. وبنتظار كل جديد منك

المشاركة الأصلية كتبت بواسطة صالح بن عمار

قلب المَره صندوق محتاج مفتاح=لا تجهله ياصاحبي حلو الاسلوب
المشكله لو كان له رمز ياصاح=هِنا يحل الصدق ويكون مطلوب
ترى النسا للقلب بستان فواح=يفوح عطره بالمعاليق ويجوب
واكثر خطر للقلب يابنت ذباح=إنه يحب ولا درى فيه محبوب
كل المشاعر صابها نْحيب ونياح=تلبس ظلام الجوف كنّه لها ثوب
رابع بيوت الشعر قدامها طاح=مير البلا لا تفهم البيت مقلوب
زيّنت قافي والمشاعر له اوشاح=كآنه فهمها يآتي القلب وينوب
أبغاه لكن دون قلبه لنا لاح=برق العلاقه ميّع الجوف مكتوب
العمر خيط ٍ فيه الايام مسباح=الخيط بايد والخرز طاح متروب
ارتاح ياعرق الهوى ليه ترتاح..!=راحتك فيها صحة العقل وقلوب
يابنت حوى آدم عياله اشباح=إلاّ بعضهم نادر الوصف مرغوب
ليّن جناب وزين روح ٍ ومزّاح=بين الخلايق طيبة القلب عذروب
والرجل قلبه كوكب اسرار سبّاح=في ظلمة ٍ ما لمّت النور بغروب
بَها جنود الشوق عدوانها امراح=بالعين بارود السهر ثار مشبوب
لا شفت نِكّه خلخل الضلع مجتاح=نبض الغلا بالقلب ما كان محسوب
الشوق ذوّب خافق الود به ساح=قلب الذهب من حبه اليوم مغلوب
يا مَنْ يودي قاف قلب ٍ لها ناح=ازعج سكون ٍ بالمعاليق مصبوب
يْقول صالح ولّع الشمع مصباح=عجّل قبل ما يذبحه صبح ويذوب
يبغاك تسبق طلعة النور مرواح=ويقيم قلب ٍ قدّم الحب مشروب

صح السانك يابو عمار حقيقه ابدعت جداً في هذا النص

تشكر عليه جزيل الشكر

تقبل اعجابي