شاعر المليون2008 م متابعه ..يحدث تباعاً

المشاركة الأصلية كتبت بواسطة سالم رباح

ياابو ضيف الله المبالغ التي استنفذت من مطير كبيرة جدا ولاتخطر على بال ليس مليار لكن كبيرة جدا .


أعطيك أمثلة من أقرب الناس لي أخواني

واحد صوت بأكثر من 7000 ريال والآخر 2500 والثالث 1500 .

هذي 12 الف ريال من عائلة واحدة وشلون بقية مطير الذين لايقلون عن 100 الف شخص ان لم يزيد .

ولا أعتقد أن هناك شخص لم يصوت من مطير العام الماضي لأبو رهف بالذات لأنه اصبح الممثل الرسمي لكل مطير .


لو وضعنا تكلفة 3000 ريال عن كل مطيري في مختلف انحاء الخليج يكون مجموع مااأخذ من مطير يزيد عن 300 مليون ريال سعودي وهذا لأن التصويت كان فاق الحدود المعقولة والحماسة لأبو رهف ورغم انه حميا لأبن العم لكن كانت في جيوب النصابين .

وحتى لانبالغ كثيرا دعنا نقول 150 مليون ريال أذا حسبت تكلفة متوسطة 1500 ريال عن كل شخص رغم أن هذا المتوسط متحفظ .

يعني ياابو ضيف الله 150 مليون ريال ليتنا اعطينا ابو رهف منها 5 مليون وجعلنا 145 مليون لأمور ضرورية ومهمة مثل صندوق سلفة لأبناء القبيلة أو قروض للزواج أو تسديد ديون عن المعسرين من أبناء القبيلة .


أنا يامحدثك تبرعت برسالتين العام الماضي للبرنامج ليس قلة غلاء لأبو رهف لكن لمعرفتي بأن البرنامج مبني على الشجع والطمع والضحك على الناس واستدرار عواطفهم .

لكن ياابو ضيف الله خلك صريح واعطني المبلغ الذي تبرعت به .

هذه السنة ولاقصورا في شعرائنا لكن اتمنى ان لايصوت مطيري واحد يكفي ماصرف العام الماضي يكفي سذاجة وقلة وعي ليس شعرائنا بحاجة ان يوقعونا في الحرج وتصرف أموالنا في غير وجهه والله أعلم أين ستذهب عشرات الملايين .

150 مليون ريال انا أتفق على هذا المبلغ ...اما 900,000,000 مليون فهذه كبيره....

أنا صراحة لم احسب بكم شاركت العام الماضي ولن احسبه لأني لا أستطيع أحصائه وكيف أحسب ما دفعت وانا أبن ميزان؟؟؟؟!!!! الميزاني ما يحسب كم يدفع لولد عمه أبداً...

أما أنا أن تصدر من المطران احد هذه السنة فسوف أصوت حتى النهاية ولا يهمني تذهب لمحمد بن زايد أو غيره المهم انها تسجل بأسم ولد عمي في التصويت

المشاركة الأصلية كتبت بواسطة الحمد لله إني مطيري

تسلم يمانيكم يابني عمي

ومشكورين على التفاعل الطيب

ياإخوان التصويت في شاعر المليون شر لابد منه ولذالك لاننظر للخلف لما كلفنا من مبالغ ماليه باهضه وهي لازالت تؤثر في عيشت كثير من أبناء القبليه الذي تكبدو الكثير من المبالغ لكي يدعمو أخوهم تركي المليون وليس اللألفين ويستاهل ابورهف والشاهد الله

والان نخن الأن فقدنا فارس من فرسان إمطير ولو انه لم يصيب في إختياره هذا مع احترامي للمتطرق له في القصيده

ولكن لازال في امطير فرسان من شاطي الراحه

هلال بن مجيديع المطيري
و
جابر بن غازي المطيري
و
خالد الحميداني المطيري

والكل بهم كفوو

ولكن انا عندي توقعات بسيطه يمكن اكون مصيب به

أنا أقول

أن هلال ابن مجيديع قد يكون المؤهل أكثر من امطير وهذا لسبب بسيط
الا وهو انه عرف بإسم قبيلته ولم يعرف بإسم فخذه او عائلته
والسبب الثاني انه شاعر قديم في الساحه الشعريه وله محبين كثر من غير قبيلة امطير وهذا يعرفه الكثير

مع العلم اني اسمع من اقارب لخالد الحميداني بعض الابيات التي بصراحه صدمتني لانها ابيات قمه في الروعه وتجذب الاسماع والقلوب

ولا ننسى جابر بن غازي الذي أعجب به الشاعر حمد السعيد وشك بأنه هو كاتب الابيات التي قالها وهذا ان دل فإنما يدل بأن خلف هذه الابيات طاقه شعريه رااائعه

ولذالك أبشرررووو يمطير فرسانكم كفووو ويجملون

تحياتي لكم

حياك الله اخوي الحمدلله اني مطيري وقد أثريت الموضوع بهذه المداخلة الرائعه.....وكل الشعراء رائعون ولكن إن تحرك المليون شمالاً او جنوباً فهذا لأن المخرج(محمد بن زايد) عاوز كذا

خبر غريب:

ورد قبل قليل خبر عاجل على الشريط الإخبارى لقناة شاعر المليون خبر مفاده
ــــــــــــــــــــــــــــــــــــــــــــــــــ ــــــــــــــ
إستبعاد الشاعر خالد الحميدانى المطيرى من قبل لجنة شاعر المليون لعدم إلتزامه بشروط وقوانين

برنامج شاعر المليون والتى سبق وأن وقع عليها الشاعر مسبقا

المشاركة الأصلية كتبت بواسطة البريكيتي

اخواني من يجيب لنا قصيده الدويش الاولى
اللي شارك فيه في شاعر المليون النسخه الاولى

حياك اخوي البريكيتي ...واليوم جايب لك قصائد ناصر الدويش وهو من موظفي شركة الأتصالات السعوديه في الخبر:

انا وشلون ابا أبدي في كلامي وانظـم القيفـان=انا وشلون في وضعي وظرفـي ينطـق لسانـي
احاول اخفي احساسي عن اهل الزور والبهتـان=ولكـن كـل ماتطـري عليـه تقلـب الـواني
وانا ماني ولد نايـف ولا ابويـه بعـد سلطـان=ولكن شيخ قـوم وشيختـي مـن فعـل جدانـي
وانا ماني بحي الله...انا واحـد مـن الدوشـان=ولكن وقتـي الأقشـر مكسـر معـك جنحانـي
وانا بالمستوى عندك بسيط ولا وصلت الشـان=ولا الخامس ولا الرابع ولا الثالـث ولا الثانـي
تعبت من الغـلا المكبـوت والتفكيـر والكتمـان=وتعبت من الفروق اللي سبب حزني وحرمانـي
احبك واعشقك واهواك..محبة عاشـق ولهـان=وعلـي الحـرام انـك بعـد سـيـد خـلانـي
وعظيم الحب مايعرف من الله قيمـة الشجعـان=الا ياليـت ماشفتـه ولا جيـتـه ولا جـانـي
دخيل الله وبعـد الله دخيلـك داعـج الأعيـان=ترى فيني من الدنيا حبيبي شفـت مـا أكفانـي
حبيبي كيف اصارحك وكبير اهل الحسد سهـران=وعواذلنـا وحاسدنـا وعـدوانـك وعـدوانـي
وانا عارف بوضعي زين..لا ضايق ولا زعـلان=وانا وش في يدي اصلا ان رحتي لواحـد ثانـي
معك شفت الغرام الـوان والراحـات والتحنـان=ومعك شفت الونين اللي تشاكـا منـه جيرانـي
الا ياكثر ماقد قلت عسـى الله يلعـن الشيطـان=انـا وينـي و وينـك يالزمـان اللـي تحدانـي
انا من قبل اعرف اسم (******) بدنيتي بلشان=وعرفت اسم (*****) وقلت يارحمن غفراني
حبيبـي لا تواخذني...صريـح بوقتنـا التعبـان=ومصير الصراحـه تنتصـر كـان الله احيانـي
وانا مانـي بطمعـان بوجهـي تفتـح البيبـان=صراحـه مطمعـي كلمة...حبيبـي لا تعـدانـي

له ابيات موجهه الى سمو الامير عبدالعزيز بن سعود (( السامر ))

يا قصيدي وانت في وقت اللزوم=لا نخيتك غايتي جزل القصيد
طالبك طلبه ترى ذاليوم يوم=هات كلي اللي تجيده من جديد

الى قوله

هذاك ابو راشد الرجل العزوم = فزعه اللي في زمانه جاء وحيد

وله:

سجل على مر الزمـن يـا شقايـا=واكتب على صدري معذب وهو حي
اللي جهـل بالحـب سبّـب عنايـا=ببديله المكنـون ويفهـم بـلا غـي
جاني يقـول اليـوم خذنـي بقايـا=وان مابقابي شـي خذنـي ولاشـي
يانـور عينـي دوك كـل الخفايـا=حبك حياتي ياغـلا وأكثـر شـوي
تحرقني الرمضا ، وأزود الخطايـا=في دنيتي يازين رمشك لـي الفـي
شربت حبك مير ما اروى ضمايـا=ولو أشربك بضماك ياشربـة المـي
ولو ينقطع وصلـك لفتنـي المنايـا=وأصبح شهيدك في زماني وأنا حي

وله:

أنا مثل اليتيم اللي دموعه تحرق الخديـن=أنا مثل اليتيم اللي ينـوح وحالتـه حالـه
جداه النوح مايدري يجي وإلا يروح منين=وعذابه ياعذابه لو تمر أمـه علـى بالـه
وعذابه لو يجي يم الكبت لو يفتح البابين=ويشوف ثيابها واللي من أمه ماتبقى لـه
بقاله صورةً (لاإمه) تركها في كتاب الدين=عشان ليا درس يشرح لها باالمدرسه حاله
وليا منه نساها وأبتلش في وقته المسكين=تذكر ريحة أمه كل ماسلـم علـى خالـه
وليا منه تذكرها بكى يامال فرقـا العيـن=يشك الثوب من فرقا الحنان وحذف نعالـه
وأنا مثله تعبت وقلت لدنيـا بعـد تكفيـن=تراني ماقدرت أصبر على همي وغربالـه
وانا والله لا همي ديانا ولا بعـد نسريـن=ولا مرفت ولا سوسن ولا نجوى ولا هاله
ألا (ياالبدو) ويني ودنيـا السعـاده ويـن=أشوف الليالي ترفـع الجربـوع وعيالـه

أبن مصاول

المشاركة الأصلية كتبت بواسطة أبن مصاول

انا وشلون ابا أبدي في كلامي وانظـم القيفـان=انا وشلون في وضعي وظرفـي ينطـق لسانـي
احاول اخفي احساسي عن اهل الزور والبهتـان=ولكـن كـل ماتطـري عليـه تقلـب الـواني
وانا ماني ولد نايـف ولا ابويـه بعـد سلطـان=ولكن شيخ قـوم وشيختـي مـن فعـل جدانـي
وانا ماني بحي الله...انا واحـد مـن الدوشـان=ولكن وقتـي الأقشـر مكسـر معـك جنحانـي
وانا بالمستوى عندك بسيط ولا وصلت الشـان=ولا الخامس ولا الرابع ولا الثالـث ولا الثانـي
تعبت من الغـلا المكبـوت والتفكيـر والكتمـان=وتعبت من الفروق اللي سبب حزني وحرمانـي
احبك واعشقك واهواك..محبة عاشـق ولهـان=وعلـي الحـرام انـك بعـد سـيـد خـلانـي
وعظيم الحب مايعرف من الله قيمـة الشجعـان=الا ياليـت ماشفتـه ولا جيـتـه ولا جـانـي
دخيل الله وبعـد الله دخيلـك داعـج الأعيـان=ترى فيني من الدنيا حبيبي شفـت مـا أكفانـي
حبيبي كيف اصارحك وكبير اهل الحسد سهـران=وعواذلنـا وحاسدنـا وعـدوانـك وعـدوانـي
وانا عارف بوضعي زين..لا ضايق ولا زعـلان=وانا وش في يدي اصلا ان رحتي لواحـد ثانـي
معك شفت الغرام الـوان والراحـات والتحنـان=ومعك شفت الونين اللي تشاكـا منـه جيرانـي
الا ياكثر ماقد قلت عسـى الله يلعـن الشيطـان=انـا وينـي و وينـك يالزمـان اللـي تحدانـي
انا من قبل اعرف اسم (******) بدنيتي بلشان=وعرفت اسم (*****) وقلت يارحمن غفراني
حبيبـي لا تواخذني...صريـح بوقتنـا التعبـان=ومصير الصراحـه تنتصـر كـان الله احيانـي
وانا مانـي بطمعـان بوجهـي تفتـح البيبـان=صراحـه مطمعـي كلمة...حبيبـي لا تعـدانـي

أبن مصاول

أبقاك الله
ابن مصاول والله كفو يا ولد ميزان لا يهنون الاخوان

من مده ابحث عنها لكن ما وجدتها .

لك شكري ابن مصاول مره اخرى

اخوك ابو فهد

أبن مصاول أنا أقبل بحكمك هل تعتبر الدويش شاعر
بذمتك ذمه أترك عنك المجاملات وغيرها هل هو شاعر
أثره هو اللي شارك العام وأختفى ماندري وش صار معه
وبعدين وش يقصد الدويش بقوله أنا ماني بحيالله أنا واحد من الدوشان هل يقصد مطير كلها حيالله وهو فقط اللي فوق

أبن جويبر العبدلي: ماضيعنا الا المجاملات

المشاركة الأصلية كتبت بواسطة البريكيتي

أبقاك الله
ابن مصاول والله كفو يا ولد ميزان لا يهنون الاخوان

من مده ابحث عنها لكن ما وجدتها .

لك شكري ابن مصاول مره اخرى

اخوك ابو فهد

هلا أبو فهد
ماعلمتنا هل أعجبتك القصيده

المشاركة الأصلية كتبت بواسطة أبن مصاول

خبر غريب:

ورد قبل قليل خبر عاجل على الشريط الإخبارى لقناة شاعر المليون خبر مفاده
ــــــــــــــــــــــــــــــــــــــــــــــــــ ــــــــــــــ
إستبعاد الشاعر خالد الحميدانى المطيرى من قبل لجنة شاعر المليون لعدم إلتزامه بشروط وقوانين

برنامج شاعر المليون والتى سبق وأن وقع عليها الشاعر مسبقا

والله الحميداني أنا أعرفه شخصياً ويمكن جلست معه أكثر من عشر مرات في أماكن مختلفه عند عدة أصدقاء وهو من أهالي حفر الباطن حي أبن بصيص وأعرف قصيده من قديم وتعجبني بعض قصائده

أما عدم ألتزامه بالقوانين
أنتم علموني بالقوانين الموضوعه ونا أعلمكم أن كان الحميداني يلتزم بها أو لا

الرجال قلبه خضر بالعربي وهذا مهو عيب والا كيف يأتي الالهام ههههههههههههههههههههه

المشاركة الأصلية كتبت بواسطة البريكيتي

أبقاك الله
ابن مصاول والله كفو يا ولد ميزان لا يهنون الاخوان

من مده ابحث عنها لكن ما وجدتها .

لك شكري ابن مصاول مره اخرى

اخوك ابو فهد

ومن قال يا ابو فهد وما سوينا إلا الواجب يا غالي...

المشاركة الأصلية كتبت بواسطة أبن جويبر العبدلي

أبن مصاول أنا أقبل بحكمك هل تعتبر الدويش شاعر
بذمتك ذمه أترك عنك المجاملات وغيرها هل هو شاعر
أثره هو اللي شارك العام وأختفى ماندري وش صار معه
وبعدين وش يقصد الدويش بقوله أنا ماني بحيالله أنا واحد من الدوشان هل يقصد مطير كلها حيالله وهو فقط اللي فوق

أبن جويبر العبدلي: ماضيعنا الا المجاملات

تبي الصدق يا أبو جزاء ولا أبن عمه؟؟؟؟

إن كان تبي الصدق فأنا في الأول يوم نزلت الرد كتبت تعليق أبن مصاول :أن القصائد مبناها ومعناها ضعيف ولكنني رجعت وحررت الموضوع لأجل كلمة الدويش ومن أجل عين تكرم مدينه...

قوله:

وانا ماني بحي الله...انا واحـد مـن الدوشـان=ولكن وقتـي الأقشـر مكسـر معـك جنحانـي

لعله ينقصه كثيراً من حساب الأمور نظراً لصغر سنه وقلة تجربته و تهور الشباب