لغز ثمين وعليه جائزه

اتحداكم تعرفون حل الغز هذا الذي سوف اطرحه وهو ثمين جداً
يالله نبا نشوف منهم اطيب العيال والى البنات .
الي يحله له هديه :

يا ويش بنتٍ فوق سن الثمانين = يشوفها العاشق بغاية صباها
خواتها عند البشر بالملايين = ولو عمرها عشرين محدٍ بغاها
وقت الزفاف يرافق البنت بنتين = قدامها وحده اوحده وراها

يالله همتكم يخوان .

,وين الدراهم؟؟؟((الي يسعل مايتوه))


انا أقول أن الحل :

السيارة

عمرها فوق الثمانين أي لها اكثر من ثمانين سنة اختراع السيارات

لو عمرها عشرين محدن بغاها .. الموديل القديم ما احد يبغاه

ووقت الزفاف يرافق البنت بنتين= قدامها وحده ووحده وراها

أي وقت اخراجها من الوكاله توضع عليها لوحات امامية ولوحات خلفية

حلانجد

صح لسانك يا حلا نجد...جبتيها يالدافوره......!!!!

بيض الله وجهك يا حلا نجد والجائزه تراها ( لقب ) وسوف نطلق عليكي اسم رامعة الألغاز من اليوم ورايح

أنظري للغز الثاني يا رامعة الألغاز في الأسفل .

الغز الثاني

انا بنشدكم عن رجل دخل في بطن رجالي = عجيب الله كيف الحي راح الميت في جوفه
أكله الميت في بطنه وصار الحي بحسن حال = تجمل به وقر الحي للميت بمعروفه