|
||||||
|
||||||
|
||||||
|
 |
 |
 « آخـــر الـــمـــشـــاركــــات » |
|
|||||||
| الشعر العام والفصيح يخص الشعراء الكبار وقصايدهم والشعر الفصيح والقصائد المنقولة للشعراء من غير قبيلة مطير |
 |
| انشر الموضوع |
|
|
أدوات الموضوع |
 غير متواجد حالياً
|
رقم المشاركة : ( 1 ) | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
( تفو ) عليك وصكّت الخط في الحال<<قصيدة مغازلجيه!!
كُتب : [ 19 - 08 - 07
- 09:59 PM ]
البارحة جاني مـن الحـب مرسـال=من عقب ما بينـي وبينـه خصيمـة وانا ترى في الحـب مانيـب فعّـال=ولا بعـد ولّـع بقلبـي هشيـمـه ولا بعد غنّيت فـي ساعـة وصـال=ولا بعد ذقـت الفـراق وجحيمـه ولا جرى دمعي على الخـد همّـال=ولابعـد جربـت مــرّ الهزيـمـة حتى وردنـي تالـي الليـل جـوال=وانا على شاهي وبسكـوت ديمـة الرقم بايخ لكـن الصـوت قتـال=كنه مثل صـوت المذيعـة حليمـة قالت مساء الخير يـا طيّـب الفـال=قلـت ارحبـي ترحيبـةٍ مستديمـة بالعود والصفـري ودلـة وفنجـال=واجبك يا بنت الأصـول الكريمـة ردت بضحكة ثم قالت وش الحـال؟=قلت اشهد إن الحال عقبك سقيمـة قالت وهي تضحك بعد مثل الأطفال=وانـا بعـد كنـي بدونـك يتيمـة من يـوم قالتهـا تزلزلـت زلـزال=من فجعتي كنـي مسـوي جريمـة قلت ارفعي صوتك ترى مابه ارسال=كـذاب لكـنّ المصيبـة عظيمـة قالت أقول اسمع ترى هرجنـا طـال=ممكـن تصاحبنـي ترانـي وسيمـة واسمي الحقيقي أول حروفـه الـدال=لكـن يسمّونـي البنـات الزعيمـة صحيح أحب الفخفخة واعشق المال=لكـن ترانـي طاهـرة مستقيـمـة ما عندي امغازل ولا (لعب يهّـال)=ما عندي إلا في الشرف والحشيمـة بس الصراحة قلبي لشوفتـك مـال=واصبحت وحدك جالسٍ في صميمه فكّر بعقلك واترك القيـل والقـال=واحذر تطيع اهل العقـول العقيمـة وارسل علي الحين خمسميـة ريـال=أشحن بهـا جـوال أختـي غنيمـة أو طقم غالي فيه خاتـم وسلسـال=أروح بـه فـي عـرس ولاّ عزيمـة قلت الحقيقة مانيب رجـل أعمـال=ولانـي بتاجـر والمـوارد عديـمـة أنا الصراحة شبـه عطّـال بطّـال=وعلاقتـي بالفقـر جـداً حميـمـة والراتب الله يرحم الحـال مـا زال=محـدود والمصـروف ربـي عليمـه والدين بـالآلاف والبنـك شغّـال=ياكـل فلوسـي بالربـا والظليمـة والسوق طايح والغلا ضيّـق البـال=والموت والله صايـر اكبـر غنيمـة قالت تحمّل بـس والحمـل ينشـال=خلك شديد الباس صلـب العزيمـة ياخي تصرّف جعلك اتصيـر نشّـال=أهـم شـي إن النوايـا سليـمـة لابد تفهمني علـى كـل الأحـوال=ما دمت من أهل العقـول الفهيمـة قلت إيه والله فاهم اللي على البـال=لكن تـرى هـذي علينـا قديمـة يا بنت هـذا صايـر اليـوم مـوال=للي تبي تلعب علـى ابـن اللئيمـة يا بنت ما تدرين كـم فيـه محتـال=يلعب على الحبلين وانتـي غشيمـة يا بنت كم من جاهلة دمعها سـال=من عقب ما جات العواقب وخيمـة والبنت لا اقفى عرضها بيد الأنـذال=والله مـا يبقـى لهـا أي قيـمـة قالت تبي ولاّ فخلّك علـى جـال=مهوب ناقصـي نصايـح حكيمـة عز الله إنك للأسف منـت رجّـال=وانك قليل الذوق ما فيـك شيمـة يا لعنبو اللي مـا يسطّـرك بنعـال=حتـى يعلمـك الغـزل يـا بهيمـة ( تفو ) عليك وصكّت الخط في الحال=مدري ( تفو ) هي مدح ولاّ شتيمـة القصيدة منقولة وغير معروف قائلها كما قال ناقلها الأصلي... تعليق ابن مصاول: ( تفو ) عليك وصكّت الخط في الحال .......................................مدري ( تفو ) هي مدح ولاّ شتيمـة هههههههههههههههههههههههه يا راجل ....يا راجل يعني مش عارف معنى (تفوووووووووووووو) ههههههههههههههه قصيدة معبرة جداً لحال بعض المستغلات لرغبات الشباب المغازلجيه ..... الذين ما يطمعون يسمعوا صوت نسائي حتى لو لم تكن المتحدثه إمراءة فيشق القربه وتهطل أمطار كريم سبلا عليها بالدراهم وفي الأخير.... تفووووووووووووووووو هههههههههههههه <<<<المخرج عوز كذا وياكثر من أستغلوا عن طريق الهاتف الجوال بتحويل رصيد او بطاقة سوا أو تحويل مالي مباشر وفي الأخير مالهم إلا...( تفو ) عليك وصكّت الخط في الحال .................................................. ..مدري ( تفو ) هي مدح ولاّ شتيمـة تحياتي للجميع ابن مصاول
|
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
