هذه القصيدة قالها الشاعر: طامي بن موقد سمار وسمي الزنغوب يسندها على الاخ العزيز الشاعر:ناصر بن هوشان الزنغوب
من ديرة عتيبة نقوم مراسيل
على ونيت تو سدد حسابه
آخر موديل مكمل الوصف تكميل
ماحافه الدلال وألا مشابه
يلفي على اللي مدهل للرياجيل
ماصك في وجه المسايير بابه
تلقى النشاما في محله على الحيل
أما بعيد ديار وألاقرابه
مع دلة يثنيلها البن والهيل
والعود ألازرق شب ناره وجابه
وهذي عوايدنا ولاهي تماثيل
وربعي لها في الكون عز ومهابه
ومن بعدها عن طولة الهرج تفصيل
ونلبس المعنى ونظفي ثيابه
انا جرالي في زماني بهاذيل
وجاني على العوجا ركاب تشابه
فريس يا ناصر على القال والقيل
كل يزكى حجته من نصابه
ويبدلون الصدق بالكذب تبديل
والنذل منهم في المجالس حكابه
ولو يصفق بحر الخليجي على النيل
ونجد يتخالط عجها مع سحابه
صاروا مقافي عن وجيه المقابيل
ولا منهم اللي ينطحون الحرابه
ولا ودي اكتب لأسامي جداويل
تنقد عليه حرب وألا عتابه
وأسندت لك معناي من دون تطويل
وجف القلم عقب إنتهي من كتابه
وختامها عداد وبل الهماليل
وإعداد من طاف الحرم واستعابه
تقبلوا تحيات... أحمد مرزوق سمار وسمي الزنغوب المطيري
المعروف ""بمشعاب الزنغوب"" ""mshab""