الرئيسية التسجيل البحث جديد مشاركات اليوم الرسائل الخاصة أتصل بنا
LAst-2 LAst-3 LAst-1
LAst-5
LAst-4
LAst-7 LAst-8 LAst-6

 
 عدد الضغطات  : 27647
 
 عدد الضغطات  : 38676

« آخـــر الـــمـــشـــاركــــات »
         :: شيلات الشاعر عبدالرحمن العقيلي باصوات افضل المنشدين (آخر رد :عبدالرحمن العقيلي)       :: مرثية الشاعر عبدالرحمن العقيلي في والده الشيخ متروك بن صالح العقيلي رحمه الله https: (آخر رد :عبدالرحمن العقيلي)       :: مرثية الشيخ تراحيب بن صالح العقيلي رحمه الله1440هــ (آخر رد :عبدالرحمن العقيلي)       :: حفل الشاب سعود عبد الكريم العقيلي عنيزه (آخر رد :عبدالرحمن العقيلي)       :: حفل الشاب نور بن زبن العقيلي (آخر رد :عبدالرحمن العقيلي)       :: حفل الشاب عبدالله مرداس العقيلي (آخر رد :عبدالرحمن العقيلي)       :: مرثية الراحل الاستاذ عواض بن نور العقيلي رحمه الله (آخر رد :عبدالرحمن العقيلي)       :: عودة بعد غيبة ليست بالقصيرة واعتذار (آخر رد :عبدالرحمن العقيلي)       :: موقف الشيخ هدايه الشاطري شيخ شمل الشطر مع العتيبي والحابوط (آخر رد :الخضيراء)       :: الشيخ هدايه بن عطيه شيخ شمل الشطر مع العتيبي (آخر رد :الخضيراء)      



قسم القصة والقصيدة يعنى بالقصص المدعومة بالشواهد الشعرية.

موضوع مغلق
انشر الموضوع
 
أدوات الموضوع
غير متواجد حالياً
 رقم المشاركة : ( 1 )
عضو ماسي
رقم العضوية : 6019
تاريخ التسجيل : 11 05 2009
الدولة : ذكر
العمر :
الجنس :
مكان الإقامة : في وسط قلب الوطن
عدد المشاركات : 6,084 [+]
آخر تواجد : 01 - 07 - 10 [+]
عدد النقاط : 10
قوة الترشيح : مشعاب الزنغوب is on a distinguished road
الأوسمـة
بيانات الإتصال
آخر المواضيع

التوقيت
افتراضي قصة حمد(قصة حقيقية محزنة)بحظر زفافك

كُتب : [ 27 - 05 - 09 - 07:51 PM ]



السلام عليكم
(بحظر زفافك)

بحظر زفافك ياحياتي بحظر زفاف اللي هويته

وبرزف عشانك لاتحاتي وبهديك كل اللي بغيته

بهديك دمعي وعبراتي والهم لي فيني رميته

بحظر ولو بعرسك مماتي شايل معي قلبن نسيته

واجمل قديم الذكريات والظيم اللي منك خذيته

وبذكر ليالي الماضياتي كنت الوليف اللي اهتويته

كنت الذي لجله اباتي ساهر ونومي ماهتنيته

بهديك في ليلة وفاتي حلم الليالي لي طويته

واعطيك من قلبي امنياتي تلقى الهنا فدربن مشيته

وتعيش في راحه وسباتي ويا الذي عقبي لقيته

اكتب لكم وفالقلب حزن والعين تهل دموع وجروح القلب تزداد طعنات
اكتب وانا فقلبي قهر واشكي قصة عذاب وذل واحزان
اكتب وانا ودي اعاتب واقول وين الوفى وين العهد اللي قطعتيه وياي
خلاص مابقى شي
كل شي راح
انتي راحتج بعذاب غيرج
احاول اعبر عن اللي فقلبي
بس هذا ولاشي من اللي خاطري لج اقوله

شاب عمره22سنة واسمه حمد من الشارجة
ذبحه حب وغرام وعشق استمر2سنتين
كان بينه وبين حبيبته عهد ان مهما استوا مايفترقون
وكان مابينهم اتفاق على خطبة وزواج
مرت الايام وحمذ مايذوق النوم قبل ليسمع صوتها
ومايقدر يشكي همومه لأي حد غيرها
وهي ماتقدر تشكي همومها لأي حد غيره
كل مصيبة تستوي كانو يتفقون ويتشاورون لين يحلونها
يوم من الايام طلعت البنت مع اهلها وقال لها حمد غطي ويهج
لأنه يغار عليها حتى من نفسه
حبه غير خلاه يشك فكل خطوة تخطيها يتصل فيها ويقول لها وينج؟
وهي تقوله انها فالمكان الفلاني

حمد:الو حبيبتي وينج؟
(فلانة):انا سايرة بيت خالي فالشارجة
حمد:ياسلام حبيبتي خاطري اشوفج
(فلانة):لا والله يالله مناك انا ماعندي سوالف مواعد
حمد:افا بس انتي نسيتي ان خطبتنا جريبة
(فلانة):حمد انا قلت لك بعدني صغيرة خلني اخلص ويستوي خير
حمد:انزين ما اختلفنا بس عالاقل تخلين امي تزوركم
(فلانة):لا انا اخاف يدرون اني ارمسك
حمد:مافيها شي ان درو تراني احبج وانا صدقت فكلمتي وقلت بخطبج ونحن متفقين
(فلانة):سد السالفة وخلاص نتفق بعدين انا مصدعة من الدرب وراسي يعورني وبرجع بيت خالي وبرقد
ويمكن باجر نظهر نحوط ونرجع العين
حمد:انزين عيل انا ابغي اشوفج لو من بعيد
(فلانة):قلت لك لا
حمد:والله مشتاق لج خاطري اشوفج
(فلانة):......
حمد:مافي مجال؟
(فلانة):لا
حمد:فكري انزين
(فلانة):افف شو افكر خلاص قلت لك مليت من كثر ما اقولك اصبر علي والله ان درو عني بينحروني والسبة انت لاتسببلي مشاكل دخيلك هب ناقصة
حمد:انزين خلاص على راحتج بس لاتعصبين
(فلانة):باي
حمد:باي حبيبتي اتريني بتصل فيج الساعة1
(فلانة):هب على كيفك تحدد الوقت اللي تباه انا يوم بفضى بتصل فيك لاتتصل فيني
**
حمد يتريا اتصال او كلمة استوت الساعة2وعقب الساعة3
الولد وراه دوام وقام يحاتيها
يخاف استوا فيها شي
يتصل ولامايصل؟
افف يتصل احسن ويتطمن عليها واذا كانت مشغولة خلاص باجر يرمسها
**
توت توت توت توت
(تم الفصل)
حمد:شو السالفة سكرت بويهي!
لالا لاتتسرع ياحمد وتحكم عليها
حمد:لا اخاف تكلم غيري
**
ويتصل مرة ثانية
ان الهاتف اللذي طلبته مغلق او خارج نطاق الخدمة حاليا
حمد:افف مابييني رقاد قبل لأعرف شو السالفة
**
ويتريا حمد للساعة4
حمد:بتريا يأذن الفجر وبقوم اصلي وبتصل
اذن الفجر
قام يصلي
**
واتصل
الخط مشغول
حمد:لا لا هب مشغول بتصل مرة ثانية
ويتصل المسكين
مشغول
وبعد مشغول
**
نزل دمع عينه بدون مايحس
حمد:انا ريال كيف اصيح عشان بنت!!
هالكثر تحبها ياحمد والله ماتستاهل كل هذا اللي تسويه عشانها معقوله ترمس غيرك
حمد:انزين ليش مشغول اكيد ترمس حد
شوي ورن تيلفونه
منو تتصورون؟!!
(فلانة)
معقولة!!يوم فضت اتصلت!
رد حمد
(فلانة):الو هلا حمد
حمد:الو هلا
(فلانة):شو راقد؟
حمد:هي شبعت رقاد بعد ومن كثر الرقاد ودي اسولف وياج لين الصبح
(فلانة):تستهبل ولا من صجك كيف تبيني ارمس للصبح انا فيني رقاد الحينة وهب راقدة كنت مشغولة وايد
حمد:شو شغلج؟
(فلانة):كنت انظف حجرتي
حمد:حد وياج؟
(فلانة):كيف يعني حد وياج؟انت عارف محد وياي
حمد:انزين تيلفونج وين كان؟
(فلانة):شو هالاسئلة التافهة!
حمد:هذي هب تافهة للأسف انتي ماتعرفين تجذبين
(فلانة):....
حمد:ليش ساكتة؟تكلمين منو؟
(فلانة):ولاحد
حمد:ليش تيلفونج رن وسكرتي فويهي؟
(فلانة):اختي كانت عندي
حمد:انزين عذرتج على هذي والمرة الثانية اتصلت فيج وتيلفونج مغلق
(فلانة):ماكان فيه جرج
حمد:!!انزين وبعدين اتصلت فيج مشغول ترمسين منو؟
(فلانة):انت شو يالس تحقق وياي!؟
حمد:اكيد بحقق هذي من البداية تجذبين اذا خذتج شو بسوي وياج
(فلانة):باي
حمد:لاتسكرين الموضوع
(فلانة):تقهرني فرمستك هذي
حمد:رمستي مافيها شي واعتقد من حقي أسأل لأني لما اتصلت فيج كان الوقت متأخر يعني لاتقولين وحدة من صديقاتي ولا اختي ولا اخوي ولا امي ولا ابوي ولا حد من اهلج
(فلانة):...
حمد:يالله شوفيج ساكته؟!تكلمي
(فلانة):انا ماكنت ارمس حد
حمد:لاتجذبين انتي ترمسين حد
(فلانة):باي
حمد:انتي ترمسين حد غيري؟
(فلانة):قلت لك باي
حمد:اذا سكرتي ماتعرفيني ولا اعرفج
(فلانة):احسن
حمد:....!!بكل بساطة تقولينها؟!
(فلانة):تعبت معاك سنتين وانا اكلمك تتحكم فيني سوي ولاتسوين وتحقق معاي انت اذا خذتني شو بتسوي فيني
**
حمد بدون ليرد عليها
ماعنده حل يسويه سكر بويهها
مسكين دموعه تطيح على خده
ويمسحها ويقول انا ريال ليش اصيح
مر اسبوع عن السالفة ولا اتصال ولا كلمة ولامسج ولا خبر
حمد مشتاق لها ويهي ياترا مشتاقة!!
حمد:اتصل ولا ما اتصل
راشد(ربيعه):اتصل يمكن كانت متضايجة وقالت هالكلام بدون ماتحس ويمكن انت ظلمتها ويمكن الحين تتريا اتصالك ويالسة تتغلا عليك
حمد:تهقى بترد علي؟
راشد:هي الخسرانة اذا ماردت
حمد:بتصل وامري لله
**
حمد:الو
(فلانة):خير؟
حمد:شحالج؟
(فلانة):حالي من حالك
حمد:انا تعبان
(فلانة):عيل حالي غير انا مرتاحة
حمد:افا يعني غيابي يريحج؟!
(فلانة):هي يريحني بتسكر ولا انا اسكر واسمعك صوت القطار(قصدها توت توت)
حمد:ههههههه حلوة منج
(فلانة):انجلع
حمد:افا انجلع وين؟
(فلانة):فجلعة ابليس
حمد:شكرا
(فلانة):عفوا تبي زود؟
حمد:لا مابي شكرا آخر كلام ماتبين تكلميني؟
(فلانة):لا مابي
حمد:ليش؟
(فلانة):بدون ليش مليت منك
حمد:لعبتي وخلصتي والحين حابة تلعبين على غيري
(فلانة):احترم نفسك
حمد:محترم نفسي وهب انتي اللي تعلميني الاحترام
(فلانة):غلطانة لأني رديت عليك
حمد:وغلطان لأني ذليت نفسي واتصلت فيج
توت توت تم الفصل
**
حمد:رشود كله منك يالجلب
راشد:انا شلي!
حمد:انا تعبان تعال سوق بدالي احس اني بعد شوي بدعم
راشد:يالله عن الدلع
حمد:والله هب قادر
راشد:انا والله ماروم راسي يعورني
**
......................
...........
.........
..........
............
.............................
.................................................. ...............................................
تدرون شو استوا؟
حمد اغمى عليه وريله ان**رت
وراشد فالانعاش

راشد الله يرحمه
وحمد تخبل وقطع عن كل الناس وماقام يكلم حد
**
صدمة!!
وبعد صدمة!!
وبعد صدمة!!
الصدمة الاولى فراق فلانة له وتخليه عنه بكل سهولة
الصدمة الثانية ريله اللي ماتتعوض
الصدمة الثالثة والصدمة الاقوى فحياته فراق راشد صديق عمره عنه
**
مرت الايام وحمد حاول ينسى ويتعالج
اخبار حبيبته كانت توصله بسهولة من ربيعتها اللي هي(بنت عمه)
وقالت له بنت عمه انها مسجلة فمنتدى اسمه.....
تقدر تتواصل معاها هناك بدون ماتدري منو انت
وتحاول تلمح لها
حمد كانت نيته يرجع مثل قبل
بس حاول وماقدر من ظروف منعته
يشوفها تكلم فلان وعلان
وتلعب مع فلان وعلان
هو انجرح وحب يجرحها ويرد الصاع صاعين
وحاول
وحاول
وبعد ماتمكن وعرف ربعها وعرف منو تحب
ارتاح لما حاول انه يبعدهم من بعض
لكن بعد ايام
وصلته رساله تقوله:انسى فلانة لأنها انخطبت
حمد:!!انخطبت!!كيف ومتى وليش؟
........
ردت صدمته وردت معاناته
وحب ينقل قصته للناس تقراها وتتعض من هالبنات اللي من اشكالها
وحسبي الله على كل ظالم

والسموحة منكم طولت فالقصة
تحياتي لكم mshab"""""

غير متواجد حالياً
 رقم المشاركة : ( 2 )
عضو ماسي
رقم العضوية : 3957
تاريخ التسجيل : 31 08 2008
الدولة : ذكر
العمر :
الجنس :
مكان الإقامة : آلـِِّـِِّـِِّرٌٍيَـِِّـِِّـِِّـِِّآضًٍ
عدد المشاركات : 1,549 [+]
آخر تواجد : 29 - 04 - 17 [+]
عدد النقاط : 12
قوة الترشيح : ابو تركـــي is on a distinguished road
الأوسمـة
بيانات الإتصال
آخر المواضيع

التوقيت
افتراضي رد: قصة حمد(قصة حقيقية محزنة)بحظر زفافك

كُتب : [ 27 - 05 - 09 - 11:30 PM ]

اتوقع انها مو صحيحة يارجال البنت بدالها بنت

والله أعلم يمكن صدق بس في احد يهين نفسه عشان بنت

البنات الحين هم اللي يحاولون يتمسكون بالشباب >> ما تصدق خبر

اشكرك على نقل معانات هذا الشاب اللي منصدم من حبيبته

>>> قيس وليلى <<<

الف شكر لكــ عزيزي mshab





أنـَـَآ يغلبنـيْ [ هَـَدؤؤئـي ] بْـس لاكِثـرْ الكَـَـَلآم ~

مآنـَـَي بلقمَـَة سهالـَهْ بـ آلحلـَـَؤؤق النـآشفـَـَهْ ..!!
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:39 PM.


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
المجموعة العربية للاستضافة والتصميم

إن إدارة المنتديات غير مسؤولة عن أي من المواضيع المطروحة وانها تعبر عن رأي صاحبها