الحمد لله على السلامة لي وللاهل لمعرفة ماحصل معي ادخل هنا

مســــــــــــــــــــــــــــــــــــــــــــــــ ـــــــــأء الخير على منتدى الغالي اما بعد:

يالله يالله يالله
لك الحمد على السلامة
والله يصار لي شي اولى عساه مايصير لكم ...... قبل دقائق فقط اليوم الساعة 9:00 مساء
يوم الجمعة لليلة السبت الموافق 5/6/1430هـ اليوم
القصة ومافيها اني كنت قاعد على منتدى الموازين الغالي قبل صلاة المغرب والعب معهم لعبة الله يهبلك قنبلة
المهم جتني الوالدة اطال الله في عمرها وقالت لي نبي نروح السوق بعد صلاة المغرب
قلت ابشري قمت عاد انا وطلعت من المنتدى علشان اصلي و اودي اهلي للسوق
رحنا السوق وليتنا مارحنا لكن هذا قدر ومكتوب علينا الروحة
طبعن رحنا على سيارتي من نوع شفرولية كابريس 2000 هذي هي :



نزلت الاهل في السوق ورحت وقفت في المواقف وطفيت السيارة وقعدت اذاكر لختبار الرياضيات

قبل صلاة العشاء خلصوا الاهل وجيت ابي اشغل السيارة وعيت وعيت تشتغل معي ياولد وش المشكلة واروح وافتح الكبوت يمين يسار تطلع المشكلة ان السلف احترق
الوالدة تروعت وايضا اختي التي تحسبني امزح علشانه شفتني اضحك
اجل تبنون ابكي طيب حنا في ديرتنا وش المشكلة
المهم قلت للوالدة الله يحفظها قلت ابي ادق على الوالد وين كان الوالد كان في الشغل والشغل في الشرطة ...
ورتبة ولله الحمد رقيب
قالت امي العزيزة لا لا لا
قلت ليه قالت منبيه يدري لأنها مشكلة عادية ماتستهل ان ابوك يطلع من شغلة ويجي
قلت طيب وش السواة قالت دق على واحد من اخوياك ويجي يعطيك السيارة حقته وتودينا وتجي تاخذه
قلت زين دقيت على خويي ورد ولله الحمد وشرحت له الموضوع وقال ابشر ولايهمك الحين جايك
طبعن خويي يملك سيارة موديلها 85 ددسن غمارة للاسف ما أملك الصورة والا كان وريتكم اياها
جاء خويي الله يعطيه العافية وراح يدور فالسوق على مااودي الاهل واجي اخذه المهم
ركبوا الاهل وانا ناسي سواقة الددسن الـ85
قلت بسم الله وعشقتها بواحد وعيت تمشي ياولد وش المشكلة ومرة ومرة ومرة والسيارة تحوص في محلها
وتفشلت من الناس ولكن مايهم
تدرون وش المشكلة الجلنط وانا اقول السيارة مافيه جلنط لانه قديمه وماتوقعت ان فيها جلنط المهم
فكيت الجلنط ومشيت بعزرة وصلنا الدوار وابتلشت في التعشيق ياولد هذي والله النشبة
مشينا وطلعت السيارة تحوص فينا وعيت تمسك سيدها والسيارات يمين ويسار
ولافيها مرايات جانبيه وابتلشت
الوالدة الله يطول في عمرها واختي وتروني لان مبتلش في الدرقسون والقير
المهم مشينا وبغينا نصدم بس سلمنا ولله الحمد لين وصلنا للبيت واشوا نزلت الاهل ولله الحمد
باقي على ارجع واخذ خويي الى فالسوق يحوم.....
قلت الله يعين ويستر على مشيت ودعوات الوالدة والاخت يدوعن لي اوصل بالسلامة
ورجعت اخوض معركة مع الدركسون والقير الله لايبارك فيه
لكن حيل الله قوي يمكن وده يختبرني
قامت السيارة نحوص فيني اللعن من قبل ماودي اطول عليكم وصلت وعطيت السيارة لخويي الله يجزاه خير ماقصر معي لكن العلة في السيارة
وقعدت سيارتي فالسوق في المواقف الله يستر عليها
واناشاء الله مايصير معكم الي صار معي اليوم ويكفيكم شر الحديد ويكفينها والمسلمين اجمعين

واسف على الاطالة تحياتي mshab"""

الحمد لله على سلامتك وسلامة اهلك
والله انك صادق ان الدرقسون والقير بلشه ههههههههههههه

الله يسلمك لا عادي حنا عندنا ددسن واعرف اسوقها بس سيارة خويي هي البلشة وقديمة رقعه
مشكور على مرورك ....

مشعاب لازم يعطيك دورة راعي الــ 85 عشان سبحان الله

يمكن تحتاج لها >>>> امزح عليك الله يستر عليك

والحمدلله على سلامتك وأهم شي >>> الوالدة >> الغالية

تقبل مرووووووووووووووووووووووووووري

اللله يجزاك خير ومشكور على مرورك المعطر

الحمدلله على السلامه

الحمدالله على سلامتك

هيينه ياارجاال

اجل لو اقولك سالفتي مع الحاشي بتمسك رااسك وتنهبل

والانسان معرض لكل شي الله يستر

يعطيك العافية

الحمدلله على السلامه .......... واين الخطر او الشي الذي تتحمد الله على السلامة منه ..... كلها سوق وسيارتك خربانه وجاك خويك بيض الله وجهه وعطاااك السيارة ال85 والجود من الماجووود ؟؟؟؟ اموووور تصير يوميا على الرياجيل ؟؟؟ واخيرا الحمدلله على السلامة؟؟؟؟ موقف صعب الله خارجك منه ؟؟؟؟

مشكورين على مروركم الله يعطيكم العافية

ورجعت اخوض معركة مع الدركسون والقير الله لايبارك فيه

اخوي مشعاب

ها الحين جزاء المعروف سبعة كفوف الله يهديك
كيف تدعي على سيارة الأجودي ههههههههههههههههه

الحمد لله على سلامة سيارة الرجال ما جاها شيء