في عبااارات العيوون

في عبَارات العيون أشْيَـا كَثيـره تسألـك
دَمْعَها حَكـي وْندَاهـا بَلَّـل الخَـد النـديّ

ما قدرت أرضي غرورك واستحيت آزَعّلِـكْ
كلما لك وانـت تنْهِيْنـي وانـا ارِدّ ابْتِـديّ

دام نَظراتـك مَـدارات وْرجَـا قَلبـي فَلَـك
كَم عن (برج العَرَبْ) يبعد مدى (برج الجدي)

قلت تقريباً عدد مـا عاشِـقْ بْحبَـك هَلَـك
تقصد الا عدّ نِصّ جْروح قلْبـي يَـا بْعَـديّ

قلت لك لا لا ترد تْقول لي مَـا قلـت لـك
المشاعر ما تنام الاّ انت قلت لْهَـا ارقـديّ

وانت يوم الله عَطَاك أحلى الوصوف وْكَمَّلك
كيف تتركني على شَطِّك وانا قلبـي صـديّ

والله ان عروق قلبـي كلّهـا ترتـاح لـك
ليتك الاّ مثل ما خذت بْيـدك خـذت بْيـديّ

من لمَسْت ايدك وانا اتْفَداك واتْفَـدَّى هَلِـكْ
ما دريت أنَّ الهَوى والعشْق باللَّمْس يْعَدي؟

الله على الكلمات الحلوووووووو مشكور على النقل المميز <<<<