قصيدة للشاعر تركي بن عطالله الميزاني

قصيده مهداه الى صاحب السمو الملكي الأمير / سلمان بن عبدالعزيز آل سعود أمير الرياض بقدومه من جده الى الرياض بتاريخ 27/8/1428هـ..

يامرحبا ياسيدي سلمان من بعد الغياب = ترحيبةٍ يسبق رعدها في الخيال بروقها
الأرض مشتاقة على شوفك كما شوق السحاب = إلابعد وأكثر ولا نقدر نوصٌف شوقها
وانته لحالك غيث ياغيث الظوامي والركاب = وانته تبارك فيك كل ارض ٍ تمشي فوقها
يامفني الأموال يامعتق من السيف الرقاب = يالصارم الضرغام يامعطي الرجال حقوقها
من طيب راسك فاتح ٍ للخير وأهل الخير باب = تروف في شعبك وترفى حالها وفتوقها
مالك شبيه الله يديمك غير مصقول النصاب = وتشيب وصوفك جزال المفردة وطروقها
اساساً أنته تنوصف فيك النموره والذياب = تأخذ من وصوفك مزاياها وحسن فروقها
من هيبتك تزرع بذور الخوف فاللي مايهاب = ومن سطوتك عين الحسد والظلم تعمي موقها
عالي شموخك والبستك المرجلة لبس الثياب = غلاك يجري في دمي أهل الوطن وعرقها
ياكافل الأيتام ياعين الحقيقة والصواب = من دونك الأرواح نرخصها ونرخص سوقها
الله لايحرمك من فضله ويعطيك الثواب = في ساعة ٍ فيها الأوادم ماتبل حلوقها
يالنادر اللي ماكرك روس العوالي والهضاب = ياللي ماخاليبك عذاب ٍ للطيور وعوقها
عودتك لنا بالسلامة عيد يادمث الجناب = وشوفتك مثل الشمس لا طلت وبان شروقها
تباشري يانجد في سلمان حلاٌل الصعاب = وزفي مشاعر شعبه اللي من غلاه تسوقها
الأرض مشتاقة على شوفه مثل شوق السحاب = إلا بعد وأكثر ولا نقدر نوصٌف شوقها

أخوي سلطان أشكرك على إظافة هذه الرائعه للشاعر تركي2000 شاعر الوطن ويحق له شاعر الوطن أن يمدح رجل مثل سلمان أبن عبدالعزيز...

مالك شبيه الله يديمك غير مصقول النصـاب=وتشيب وصوفك جزال المفـردة وطروقهـا

صح لسان أبو عطالله ...أي قصيده يقولها تركي تعرف أنها له بسبب أسلوبه المتميز في موسيقاها وكلماتها

أخوك ابن مصاول

لاشكر على واجب سرني مرورك اخوي أبن مصاول ..


سلطان الميزاني.

صح لسسسان قايلها وناقلها وماقصرت ياابيض الوجه ياسلطان وكفو والله انت وتركي ومطير كلبيهم وتمنياتي لك بدوام التوفيق تقبل مروري اخو ...شـلـيـآن الشـلآحـي...