العام انا ويـاك مـا بيـن المـوادع والرحيـل

غير متواجد حالياً

اللي على شانك دموعي من على خدي تسيـل
. . . . .والعين ماهـو ودهـا.. والقلـب يجبـــر ودهـا
العام انا ويـاك مـا بيـن المـوادع والرحيـل
. . . . .يوم الدموع اتسيـل وكفوفـي عجـزت امدهـا
هذي ظروف الوقت يوم الوقت ما عنـده دخيـل
. . . . .يوم الظـروف اصدهـا وانـا تعبـت اصدهـا
الوقت سيف العشق قطاع القلـوب الـي تميـل
. . . . .واللي يميل امن الهـوا ذالسيـف يلعـن جدهـا
وانا خطاي اني حسبت الحـب ذا عابـر سبيـل
. . . . .يا قلب هـذي ودهـا يـا قلـب هـذي ردهـا
طيش المحبه ما يجر القلـب للـدرب الجميـل
. . . . .حب ،ووفا ،واخلاص كيف الناس هـذي قدهـا
اللي عشق يوفي عشيقة من وفـا هـذا دليـل
. . . . .ان المحبـه باقيـه محـد(ن) يغـيـر عـدهــــا
الفعل يعطيك الغنى والهرج مـن عنـد البخيـل
. . . . .ياللـي عيونـك بالسمـا يـم الثـــريـا لـدهـا
وين انت ياللي من سنه قلبي من افراقك عليل
. . . . .قربك دوا للقلـب يـوم النفـس باحـت سدهـا
ابيك ترجع لي وانا مابـي تـرى غيـرك بديـل
. . . . .وعطيك قلبي تملكـه والنـاس تعـرف ودهـا
ان كان دمعي من على خدي على شانك يسيـل
. . . . .تكفى ،،، على شاني،،، كفوفك،،، يا حبيبي مدها