زيارة الموازين للدوشان

في يوم الخميس الموافق 8/8/1430قمنا انا واخواني الكرام بدر بن ناصر بن مدلج وعبدالمحسن بن ضيف الله بن مدلج ومشدد بن هويل بن مشدد والشيخ الفاضل حمد المنجره
بزياره الى عدد من ديار الدوشان في منطقة الصمان وحيث انا تلقينا دعوه رسميه من أبناء الشيخ عبدالعزيز بن محمدالبدر الدويش واثناء رحلتنا قمنا بزيارة بعض رموز القبيله وهم مذكورين بالقصيده التاليه
والرحله موثقه بالصور والتقارير وتطرق لها اخي ابن مصاول وانا سوف انزل لكم القصيده فقط واترك تفاصيل الرحله لاخواني الكرام

اناومحسن وابومقرن تمشينا = فديار علوى هل الردات والهيه

وابن مشدد على الرحله مخاوينا = مشدد هويل من روس الشقرديه

والمنجره خوته تسوا ملايينا = ابو فهد يسعد الروحات والجيه

على الرفيعه وشيخ مطير لفينا = عند الدويش المسمى نعم طاريــَه

ومن مجلسه قام هو مرحبٍ فينا = وقولة هلا عند ابو تركي طبيعيه

ورحنا لهايف وفي بيته تغدينا = ابن الشريــَف وناره دائماً حيـــــه

والعصر فالعاذريه كلنا جينا = في مجلس ابن الحميدي زانت الجيه

وفي مطربه عند عبدالله تقهوينا = الشيــــخ عبدالله الهـــزاع ياحيــــه

ومن عقب هذي على الفرَيده الفينا = بضيافة الي لهم حشمه وجاهيـــــه

جينا لعبدالعزيز وهــــــو داعينا = ابن محمد قــليـــل الي فعـــل زيه

ال المحمد بوقــفـــتهم سلاطينا = سلايل الطيب والعزوه دويشــــــيه

بقـــــدومنا كلهم قامـــو مهلينا = والعود الازرق يدور وكيف بريه

وتجمعو عندنا كل الميامينا = كل القبايل من اطراف السعوديه

وجت فقرة الشعر ثم قمنا وغنينا = ومسجلتنا القـــــــنوات الفضائيه

رحلة تعارف ومنها مستفيدينا = حتى ولو وضعنا بالدار طرقيه

والفضل للي على الطوله مضرينا = الي من فعول جده فيه ماريه

بدر نعده من رموز الموازينا = له التحيات مربوعه ومثنيه

صح لسانك يابن غلاب ويستاهل المدح كل اللي ذكرتهم

صح لسانك يابن غلاب على القصيدة وماقصرت انت وربعك الي معك تقبل تحياتي

صح لسانكـ يابن غ ـلآب

ويستاهلون ربعك الي معك ولاقصرتو

كانت ستكون زيارة عابرة يطويها النسيان حالها حال أغلب الزيارات

لو لم يكن فيها شعر ابن غلاب حاضرا ورائعا

ليس في هذه القصيدة فحسب بل ماتم إلقاءه في هذا الحفل المهيب من قصيدة نالت إستحسان الجميع مما جعل التصفيق

الحار يصاحبه القول با اللسان تمجيدا لتلك القصيدة



بيض الله وجهك أبا عيسى

ونعم ياذوي ميزان وبيض الله وجيهكم

بيض الله وجهك يا بن غلاب أنا اشهد انك مجمل بحضورك وقصيدك ولقد نالت قصيدتك العصما التي القيتها في الحفل استحسان الجميع فبارك الله فيك وفي شعرك يا سليل الأبطال .

المشاركة الأصلية كتبت بواسطة راس الضلع

صح لسانك يابن غلاب ويستاهل المدح كل اللي ذكرتهم

صح بدنك ابو احمد وشكرا على المداخله

المشاركة الأصلية كتبت بواسطة أبو راكان

صح لسانك يابن غلاب على القصيدة وماقصرت انت وربعك الي معك تقبل تحياتي

صح بدنك اخي الكريم وشكرا لك

المشاركة الأصلية كتبت بواسطة جـبـرالـخـواطـر

صح لسانكـ يابن غ ـلآب

ويستاهلون ربعك الي معك ولاقصرتو

تستاهل الطيب اخي جبر شكرا لك