جرحك تجرعته ولا فاد عذرك

مدخـــــل .!

الجرح لو هو ادمي ماحشمته
دمه ثقيل ...وطينته ياثقلها..!

والدمع لو هو صاحبي ما زهمته
وش عاد ابرجي صاحبن لو عملها






ياصاحبي لو جيتني بالمعاذير
جرحك تجرعته ولافاد عذركـ


لاعاد تنشدني ورى ضحكتك غير
ولاعاد تزهمني اذا ضاق صدركـ


تذكر يوم اني اكتب الشعر تصوير
وانا وشعري كلنا تحت امركـ


تذكر سؤالي عنك عساك في خير
وانا وشوقي نحترق وسط جمركـ


زدت بصدودك والغلا طاح بالبير
مدري برود اعصاب او ذا يسرّكـ؟!


روّح زمانك والغلا اصبح اصغير
وصدق الاماني تحترق لو تمرّكـ


ترى غرورك دمر الحب تدمير
راجع ضميرك واحفظ اليوم قدركـ


اما غلا واضح ولا فيه تزوير
والا موادع ..ويكفي الله شرّكـ


أنا امير احساس وفي ظاهر امير
ولامن بغيتك حب ماني بطرّكـ

قصدي شريف ولاعَرِف عكسة السير
وانتا بكيفك ...اجرع اليوم (مرّكـ.!)


ياصاحبي لو جيتني بالمعاذير
جرحك تجرعته ..ولا فاد عذركـ



مــخرج.!


والشعر لو يكتب لغيرك ظلمته
وش لون ابكتب و انت دنيا واملها

والشوق يحرق داخلى لو كتمته
والبسمه اللي في شفاتي خذلها

والشوق يحرق داخلى لو كتمته&&&&والبسمه اللي في شفاتي خذلها

الله على النقل الجميل
تقبلي مروووري

صح السان شاعرها
وتسلمي اختي على النقل
بس المفروض تكتبين اسم شاعرها
وتكتبي منقول وخاصه في الشعر

تحياتي لك

الله لا يهينك أخوي عيد ع المرور .

الله يعطيك العافية

أشكرك أخوي المينيح على التنبيه .. بس والله ما اعرف من شاعرها ..

اسعدني تعليقك ومرورك ..

مشكوره على النقل الرائع أرجوان

زدت بصدودك والغلا طاح بالبير
مدري برود اعصاب او ذا يسرّكـ؟
ابيااااااااااات جدا عذبه تحياتي لك

ابن مشدد "

شويهينه الهيلا "


الله يعطيكم العافية ع المرور ..

اسعدني تواجدكم ..

مشكوره على النقل الرائع أرجوان

العفو أخوي سيف الشجيع . .

لاهنت ع المرور . .