ارتكى لسيـاج عـوج الحنايـا وكسـره

جال هاجوس الضماير من البارح رنيـن =طاري سلط على القلـب خمـه وغـدره
قمت من نومي مااعرف اليسار من اليمين =لين نور الفجـر بيـن شعاعـه وسفـره
احسب انه بين الاضلاع في حصنن حصين =وأثره أمحق مثل طيرن على غصن شجره
راكب اللي لاانسل مثـل زاروق البطيـن =العضود جسام والبـدي مثـل المسطـره
الكـراس اثنيـن ماتوسـع الا راكبـيـن =أجردن بطنـه مصفـح يقـارب لظهـره
كـن كبوتـه سريـر وتمثالـه حلقتيـن =ماعليه من الحجـر لـو يشيلـه بنحـره
لا وقف عند المحطـه يعبـي مصدريـن =مركب الاشناب مايصلـح لـورع ومـره
يمنك فـي العـرق بامـان رب العالميـن =تضرب الفرجه لحالك وكن معـك عشـره
كان وصفه بين اسمه يابو قلبـن فطيـن =هقوة ان الوصف واضـح ولافيـه غبـره
منوت اللي له مع البدو شـان الله يعيـن =في ربيعن معتـرض مابعـد حـت ثمـره
شايفن بنت الهوى طول عنق ورمش عين =وأشقرن من فوق الارداف ينهـال شعـره
كن نهدها من ورى شيلته فنجـال صيـن =ياخذ من الورد الاحمـر جمالـه وزهـره
بري حالي بيـح الصبـر كلـه والكنيـن =ارتكى لسيـاج عـوج الحنايـا وكسـره

منقوووول

مشكور اخوي بدر الممينيح على نقل قصيدة على ماعتقد لـ مبارك السبيعي

يعطيك العافيه وشكرا على التنبيه

مشكور يالبناخي على النقل المميز

تم التنسيق من قبلنا

صح لسان شاعرها
وسلمت يداك على النقل

يعطيك العافيه ابو عيسى وشكرا على مرورك وتشجيعك

صح لسان الشاعر ومشكور اخوي بدر المينيح على النقل

بارك الله فيك وتحياااااتي لك

شرفني مرورك يابن العم وبيض الله وجهك

اسعدني مرورك مشرفنا القدير لك كل التقدير