جرح الخيانه

يعني من قلّ المصايب صـاب هـذا الصـدر ضيـق
ولاّ يـعـنـي مـــن حـــلاة الـحــظ وعْـلــوّ الـمـكـانـه
ذي حياتي من مضيقٍ .. في مضيقٍ .. في مضيق
ولـو بحثـت الصبـر فينـي مـا أجــد للصـبـر خـانـه
عادتـي .. لا ضقـت ادوّر حضـن وعيـون الرفيـق
مشكلـه .. لا صـار ضيقـي منـه واحزانـي عشانـه
يوم قال: اسمـح لـي برجـع وانـت كمّـل هالطريـق
لازم تـقـدّر .. وتـنـسـى .. ننـتـهـي كـــل ٍ وشـانــه
قلـت: صبـرك .. يرحـم الله والدينـك .. مـا أطـيـق
ماني ناقص فـوق جـرح اقدارنـا .. جـرح الخيانـه
حاجـتـي لــك حـاجـة الأيـتـام .. وايـديـن الـغـريـق
طالبـك طلبـه .. ترانـي أعشقـك .. صُـون الأمانـه
وراح مـــا كـنّــه سمـعـنـي والـتـفـت لـفـتـة طـلـيـق
وقـال: أخيـراً مـا بغينـا .. وللفـراق اطـلـق عنـانـه
عـنـدهـا أدركـــت فـعــلاً قـيـمـة الــحــب الـعـتـيـق
وقلـت: هــذي آخرتـهـا .. مــا تـجـاوزت امتحـانـه
ضيق صدر وجرح قلب ودمع عيـن ونشْـف ريـق
هـذا كـل اللـي جنـيـت ومــا قــدرت اجـنـي حنـانـه
أسـتـر لنفـسـي أعـيـش بضـنْـك واحــزان وحـريـق
ولا أمـوت مـن القـهـر وتـكـون موتتـهـا .. جبـانـه
طالـمـا بيـنـي وبـيـن الـمـوت .. مــا حـاجـه تعـيـق
غيـر خوفـي مـن غضـب ربـي وانـا مُسـلـم ديـانـه
يارقيـق الشكـل .. وش خليـت لاحساسـي الرقيـق؟
كــود صـدمـه .. نـارهـا نــار .. ولعانـتـهـا لـعـانـه
لا نويـت امسـح جمـيـع اوراقــي الأولــى .. أفـيـق
وانصـدم فـي واقعـي المُـزري وفـي قسـوة زمـانـه
مدري .. كنّّ الحزن فينـي شـاف لـه نِعـم الصديـق
مـدري .. يمكـن كنـت فعـلاً كفـو للـحـزن وتكـانـه
والـفـرح .. كالـثـوب لـكـن يـبـدو انّـــه مـــا يـلـيـق
دام لـبْـسـه لايّ خـاســر مـــا وراه .. الا الإهــانــه
آآآه ياحـزنـي تـرفّـق .. صاحـبـك جـرحـه عـمـيـق
أشـهـد انّــك يارفـيـق الـعـمـر .. طـيّـحـت المـيـانـه
مثلـي مثـل اللـي يراهـن خـلْـق ربّــي فــي عشـيـق
والبلـى راهـن .. ويـدري خاسـر العـشـق ورهـانـه
ويعني من قلّ الخسايـر صـاب ذاك الشـاب ضيـق
يكفي .. لا هالوقت وقتـه .. ولا مكانـه هـو مكانـه