(( زيـــــــن مـنـتـــــــوق ))

جتني تشيل أغراضها داخل السوق = تـقول مالـك حق ماتـــلـــد فيــــه

مع زين ممشاها طلع حلو منطوق = سـبحان من صـور جـمال البـــنيــــه

تـلبس عبايه كتف والصدر مفتوق = والى مـشـت ماكـنها الا ســـــــريــه

فجاني الموقف وأنا صرت مطفـوق = وأحترت في وضعي وحـل القـضيه

قالت علامك مـاتبي زين مـنـتوق= وألاتـغلاء ياالبــــديـــوي علـــيــــــه

وقفت أطـــالعها من تحت لافوق = العـــالـــم الـــلـــه كلهـــا جـاذبيـــــــه

قلت أركبي يابنت والعمر مـــلحــوق = نبي نغـــادر زحمـــــة القيصريــه

قالت علامك ترتجف تقل مطقوق = خـــلك ثقيـــل وحـــط يـدك بـــيديــــه

نبي نتمشى داخل السوق بأرفــوق = ونبي نتحدى كــــل هيئـــه وهيـــــئه

قـلت أسمعي يابنت والقلب محروق = روحـــي عـساك بـروحةً دون جيـه

وراحت تشيـل أغراضها وأسمها شوق= والبنت لاقالوا جـــريه جـــــريه

صح لسانك اخوي غنام على هالقصيدة الغزليه.وبنتظار الجديد. لاتبخل علينا يابوحمدان. الف شكر

صح لسانك يابوحمدان على هالقصيده الجميله

صح لسانك ياغنام

صح لسانك اخوي غنام على هالقصيدة الغزليه.وبنتظار الجديد

صح لسانك اخوي غنام وتقبل مروري

أخـــــــــــــواني : -

أبـــــــــــــــــــــــــو راكـــــــــان

ابـــــــــــــــن مـــــــــــشـــــدد


عبدالرحمن بن غلاب الميزاني


دخــــــيل الــــــــــــــغـــــــــلا


مــــلـــــفي المــــــيـــزانـــي


صــح بدنكم وأشكركم على مرو ركم الذي يزودني شرف وياهلا وغلا فيكم , وجعلي ما خلا ولا عـــــــــــدم , دمتم بكل الود .

صح لسانك اخوي غنام وتقبل مرروري

صح لسانك يا ابو حمدان وقصيدة رائعه تحكي موقف عابر في السوق ترجمته الى قصيده , والقلب خضر يا أبو حمدان وانتبه من الهيئة ولا تدهورك هالشوووق.

لا هنت على مشاركاتك الجميلة مع أبناء عمك وانت شاعر والشاعر مثل الطير لا وطن له

صح لسانك يابوحمدان على هالقصيده الجميله