قصيده عن انفلونزا الخنازير

السلام عليكم ورحمة الله وبركاته


الله يبعد هـ المرض عنا وعنكم وعن جميع المسلمين ..


من يوم ماجتنا افلونزا الخنازير
ماعاد نبغي طاري الافلونزا
من اولٍ كانت تعدّي على خير
واليوم يمكن من تجي له يعَزّا
يالله دخيلك من سهوم المقادير
اللي تدزّ الناس فالموت دزّا
حتى مع التطعيم مدري وش ايصير
عُقْب الدوا والحقنة اللي تغزّا
حنّا سمعنا فالمحطات تقرير
مدري صدق راعيه والا تهزّا
يقول هذا اللي يدكّ الطوابير
والموت والتابوت جوفه موَزّا
جاكم من ارضٍ كلبوها خوابير
يئزّها شيطان الاجرام أزّا
تصنع مرض لجل تصرّف عقاقير
وتذبح بشر من شان تزداد عزّا
وحنا بلشنا في فروخ الصقاقير
اللي نبيها في هددها تفزّا
مدري يخلَّى راعي الطير والطير
والا تحزّ رقاب الاثنين حزّا
هذي الدول قامت تسوق القناطير
واتْكز ملياراتها فيه كزّا
ونخاف من عُقب التعب والمخاسير
من طعّموه اليوم بكره يعَزّا



اكيد مفهومــه القصيدهـ عند الجميع .. يعني مايحتاج افسرهـآآ



منقول

أشكرك مهند على النقل الجميل وصح لسان شاعرها

اسعدني مرورك العطر اخوي عز الخوي وشكرا لك

صح لسان الشاعر.ويعطيك العافية على النقل اخوي مهند.وتنقل لشعر العام والفصيح

الله يعطيك العافيه اخوي مهند على النقل الجميل

لاشكر على واجب اخوي ابو راكان والله يعافيك

شكر ابن عسكر ومرورك الاجمل