لايازمان الذل والمهزله ليش؟؟؟

لاوالله الا صار بالوضع تشويش = صار العسل في داخله سم حيه

والغش مصداره وجيهٍ مغاشيش = وقلوبهم بالحسد ماهي خليه

الي ماوده بعض الاوادم تعيش = يبغا حوال الناس دايم رديه

حتيش لو يفتل بالاشناب حتيش = وعينه تناظر يم لقمة خويه

والا الحصان حصان مايرجع كديش= دايم عزومه بالمزاحم قويه

نفسه عزيزه مارضى بالعراميش = ولاهو محسب واجد ولابليه

لايازمان الذل والمهزله ليش؟ = كثرو بك اهل الحقد والعنجهيه

والي على الطولات دايم معاطيش= اشوفهم تال الليالي شويه

وين الرجال الي تهيجن مع الجيش= الي عزاويهم تهزم الغزيه

ووين الرجال اهل الفعول المداغيش= الي تشوش لسلة النافعيه

ووين الرجال مبعّــــدين المطاريش = ما همهم في شمس والا بفيه

ماباقي الا شلةٍ تلعب الشيش = وتلعب على المزمار والسمسميه

وتركض على الموضات وتصفف الريش= واللبس طيحني وصفق عليه

وقصة كدش وسوارتين ودناديش = والصوت ناعم والمشاكل خفيه

وينافسون منقضات العكاريش = والي يسونه يسوون زيه

والا الحصان حصان مايرجـع كديـش

دايـم عـزومـه بالمـزاحـم قـويـه

صح لسانك وبيض الله وجهك
وانت عزومك قويه يابوغلاب وقصيده تتشرف بنأك
شاعرها هذا اللي اقدر اقوله ولساني يعجزعن مديح لان كل كلمه حلوه تسابقني
تقبل ودي قبل ردي
محبك في الله ولد الدويله

صح لسانك ابو عيسى وانت شاعر بكل ماتحمله معنى الكلمه

الله الله الله يابو عيسى هاذي كاسحة اللغام تسلم تسلم

وانت حصان وبن حصان

وين الرجال الي تهيجن مـع الجيـش
الـي عزاويـهـم تـهـزم الغـزيـه

ووين الرجال اهل الفعـول المداغيـش
الـي تـشـوش لسـلـة النافعـيـه

وويـن الرجـال مبعّديـن المطاريـش
مـا همهـم فـي شمـس والا بفيـه

ماباقـي الا شلـةٍ تلـعـب الشـيـش
وتلعـب علـى المزمـار والسمسميـه

وتركض على الموضات وتصفف الريش
واللبـس طيحنـي وصفـق علـيـه

وقصة كـدش وسوارتيـن ودناديـش
والصـوت ناعـم والمشاكـل خفـيـه

وينافسـون منقـضـات العكـاريـش
والـي يسـونـه يـسـوون زيــه

_ _ _ _ _ _ _ _

لا أجد آلكلام اللذي أعبر فيه عن اعجاابي . .

ابو غلاب . .

تقبل شكري و تقديري و اعجااااااااابي . .

صح لسانك واعتلى شانك يابوعيسى على هالقصيدة

صح لسانك يابو عيسى ودائما مبدع

والرجال موجودين والخير باقي

صح لسانك يابوعيسى والله يصلح شباب المسلمين

صح لسانك يابوعيسى ويعطيك الف العافيه

ودمت متميز وصح لسانك ابو عيسي ينتظار جديدك