السلام عليكم اخواني واخواتي اعضاء المنتدى ارحب فيكم واحد واحد وحياكم الله احب اشاركم بقصيده خاصه جدا واليكم القصيدة اللتي جارني عليها الشاعر :عبدالكريم بجاد الحربي
بسم الله ابدا بالمراسل والقصيد
والـيا وصـل عبـدالكريم ارسـلنا
سلام جاي من الوريد الى الوريد
سـلام يابـن بـجاد جـايك مـننا
على بساط الريح والفايت جديد
نتعب على خوت هل الطيب ولنا
فيهم مكاسب والمكاسب للمزيد
خوت شرف ماهي لحدر ومنحنا
ترقا على روس الجبال اللي صميد
ضلـعانـها ما داسـها منـهـو هـنا
يا وجـد قلبي كل ما ناظـر بعيد
ويا وجد روحي كل ما برقن سنا
خيل على القبله خيالن له رعيد
قلت الخبر جاني عسا ماهو شنا
وارهيت فكري والمعاني ما تحيد
لين انكسر عسر القوافي وانثنا
جاتك من اللي ما نظر يم الهميد
ربعي مطير اهل الفراسه والقنا
وانتم معرفتكم تراهـا النا رصيد
شيكن بغير البنك نـلـقـاله جنا
وصلاة ربي عد ما داب الجليد
على رسول الله محمد سيدنا
رد عبدالكريم ...
بسم الله المـعـبـود خلاق العبيد
الـواحـد اللـي بالـشريـعه عـزنا
وحـي الجـواب الي ما غناه البليد
من شاعرن لا سيـس البنيه بـنا
وان شمخت ما للحديد الا الحديد
سمـعـت طـاري للـتـحدي والطنا
وعزلتها عزل الحصا من جنب حيد
وانته لا جـاتـك بالعـوافـي والـهنا
وخوتك مثل الطلع في خضر الجريد
ماهي بخوت من يعشقون الدنا
يالله تمـد الكـفو بالعمـر الـمـديد
وضعيف الهقوه عسى ما له ضنا
وكلن بفـعله من رصيده يستفيد
ما تـنـفـع الاحـفـاد قـولت جـدنا
ويامخايلن برق الحيا هل من مزيد
ردد يـا مـا شـا الله و لله الـثـنـا
لو هل ماطرها على وادي قديد
اسقت عوايرها عرفات و مـنى
واقبل تحياتي عدد نظم القـصيد
والمـعـدره لن كـان قـصر جـهدنا
وصلاة ربي عد مااستشهد شهيد
عـلـى رسـولـن للـهـدايـه دلـنا
قاسم صح لسانك وصح لسان عبدالريم الحربي ومساجله رايعه وشعار متمكنين
ولا على شعركم اي ملاحضه الله يعطيكم العافيه وبارك الله فيك وفي
شعرك يقاسم قصيده متماسكه ومرتبه الله يعطيك
العافيه وتقبل تحياتي
العز خاواني وديني على دينه=واهل التحدي بطق الهم بالاصباعي
لي هيبتن بينه وآنا شويهينه=ما أحط راسي براس الخبل والراعي
ابحث عن إجزالها وأبعد عن الشينه=والوقت ماغيّر مع العالم أطباعي
الغالي أقدّره وأعرف مثامينه= وبعض الرياجيل ليته يلبس أقناعي