الرادارات الجديده للمرور بالرياض انتبهو ..صور سريه..

بسم الله الرحمن الرحيم

اليوم الأربعاء 27 - 1 - 1431 هـ كنت على طريق الإمام محمد بن سعود ( امتداد مخرج 9 ) بعد تقاطعه مع مخرج الملك عبدالعزيز ولاحظت على جانب الطريق باص تويوتا 15 راكب أبيض متعطل مولع الفليشر وفاتح الباب الخلفي , نظرت له نظرة أخيرة و اكتشفت انه مركب قطعه كبيرة يالله يالله لمحتها أثاريها رادار !!!

طبعا تفاجأت وانقهرت على الحركة الجديدة من المرور يعني ماخذين ماخذين قسايم ؟

ولا المشكلة تتدبل بعد شهر بعد !!

كملت طريقي و أنا منقهر بعد مخرج أبو بكر لقيت باص ثاني ونفس الطريقة موقف ومولع فلشر !! وهات ياقسايم والعالم طاااااااايره !!

المشلكة السرعة الرسمية 70 و لا واحد ماشي 70 يعني الكل قسااااايم !!

انقهرت زود الصراحة وقلت وأنا راجع بإذن الله بأديور وأوقف عند وحدة منها وأصورها لكم ..

كملت طريقي وبعد مخرج عثمان وعند جامعة نورة لقيت وحدة ثالثة واقفة !!!!

قلت جابها الله والله و أوقف و أصورها لكم ..

وهذه الصور بالتعليق :




صورة أخرى للكميرة والرادار :



هذه اللي عند جامعة الأميرة نورة بعد ماديورت والله ولافي أمل تشك فيها :



وهذه اللي بعد تقاطع أبو بكر , مسكين خربان عليه الموتر ومولع فليشر !!


وهذه اللي بعد الملك عبدالعزيز :

طبعاً اليوم كانت على طريق الإمام سعود بكرة يمكن في الشفا وبعده في خنشليه وبعده في العليا

المطلوب : خل عنك الفهاوه وتشوّف في الطريق زين قبل لاتسرع والا امش على " تسعيرة " الحكومة

في الأخير أي واحد شاف هالصور فاليعلم اني وفرت عليه كم مخالفة فهل أستاهل منكم كم دعوة
منقول للأمانه..

وربي اني شايف هالسياره على طريق الدمام وانا راح لا طريق مكه وشفت هالسياره على يمين الخط موقفه وفاتح الباب الى ورى

والله انهم بيشيلوون من المخلفات هالعالم هههههههههههههه

<الله يكفينا شرهم

يعطيك العافيه اختي رذاذ المطر على هالمنقوول المميز

ودي وتقديري

,ويعافيك ياااااارب شاكره تواجدك

يعطيك العافيه رذاذ

موضوع مهم للشباب

يعطيك الف عافية

شاكر ه تواجدكم يالغلا لاهنتو

يالربع انتبهوا أي واحد عليه مخالفه يسارع لتسديدها لأنهم هالحين يضاعفون المبلغ إذا لم يتم التسديد خلال شهر وهذا ما حصل لي اليوم

لا هنتي رذاذ على النقل..

يعطيك الف عافية

الله يعطيكم العافيه جميعـــا شاكره لكم زيارتكم ومروركم الكريم

موضوع مهم للي يسرعون
ابو ابراهيم الله يجزاك خير على التصوير
رذاذ المطر يعطيك العافيه على النقل الرائع والمميز وشكرا لك