ياجرحي استأذنك بانام لي ساآآآآآعه....!!!

ياجرحي استأذنك بانام لي ساعه
وارجوك وادخل على الله لاتصحّيني

لي خمسة ايام اعيش السّمع والطّاعه
ولك خمسة ايام تامرني وتنهيني

والمشكله جت عروق القلب فزّاعّه
..مايكفي انك سرقت النوم من عيني

اصبحت انا القاز وانت امسيت ولاّعه
..شبيتني يلعن اهلك وش يطفّيني

دكتور وممرضه وابره وسمّاعه
في كل ليله ولايدرون وش فيني

ياسيدي الجرح قلبي يشتكي راعه
لا الذنب ذنبي ولا الموضوع بيديني

حبيت واخلصت واثر الحب فقّاعه
روّح وباقي يموتني ويحييني

غيري هدر دم عشق وللاسف باعه
غيري قتل كل حب بحد سكيّني

وانا الي اصبحت للأخطاء شمّاعه
وادفع ثمن كل غلطه من محبيني

قبلي في العشق ناس وتشكي اوجاعه
قالوا متاهه وانا جيته برجليني

بدايته سلسله ..والنّفس طمّاعه
اغراني ادري ولا في شي يغريني

واليوم لو قلت يااهل الحب وطباعه
انتوا على دينكم وانا على ديني

اجبرني الجرح اعيش السّمع والطّاعه
حتى ولو قلت له ياجرحي اعفيني

من خمسة ايام وانا في رجا ساعه.
.وان جيت بانامها جرحي يصحّيني

((((منقووووووول ))))

رذاذ المطر صح لسان صاحب النص وتشكر على هذا النقل الجميل
لك تحياتي؛؛؛؛؛؛؛؛؛؛؛

نص راقي جداً نشكر لك اختيارك الموفق اختي رذاذ المطر وصح لسان شاعرها

منــووورين ,,
يعطيكـم آلف عآفيييه
دمتم بخييير ..

يعطيك العاافيه اختي على الانتقااء الرفيع وبنتظاارر جديدك .....تحيااتي لـــــــــك.........

ويعافيك يارب نورتي

يعطيك العافيه رذاذ

العفو جبر منووووور

صح لسان الشاعر ولاهنتي أختي رذاذ المطر على النقل

شاكره لك مرور ك العطر