العائله بالمطعم

السلااااااااااااااام عليكم ..


هلا والله بالشباب الأحباب والأصحاااااااااب .. طويلين الأشـــناب ..
<<((== مادام به طول اشناب اجل بعض الناس يطلع منه .. لإن مالوه شــنـب ..



اليوم سواليف بس !!!!



اقول ياعيال ..
تذكرون عائلة ابو علي اللي راحوا للمطعم قبل كم شهر ..
ابشركم تراهم وصلوا ..
<<((== وراه يادافع البلى توهم ياصلون
ياكااافي والله لو المطعم بعرعر .. وهم رايحين رجليه ..
..



عاااااااااااد المهم إن ابو علي .. وعياله .. وصلوا للمطعم ..
قال ابو علي لعياله .. هيا ياأولادي .. اولمو الموا .. انزلوا بسرعة ..



فنزل الأولاد مسرعين .. قائلين .. هيه هيه هيه ..ويدلفون الى ارض المطعم ..




فقال لهم ابوهم .. تعالوا هيا اندعسوا كلكم بهالغرفة ..

واجلسوا على هالكرااااااااااااااسي .. وكل اثنين بكرسي .. لأنه ماتكفيكم ..
فجلس الأولاد .. ثم التفت اليهم ابو علي قائلاً .. ماشاء الله لااله الا الله ..

والله ياعيالي على هالزحمة صارت الغرفة تقول بيت فيران ..

بس عااااااااد وش رأيكم بالمطعم .. اطلبوا .. وش تبون بس ..



..........



يبه انا ابي نقانق ..

وش تبي بالنقانق .. كل شي ينفعك يادبشة ..

نقانق .. الله يكرم النعمة تقول ابو سبع وسبعين رجل بس مقصوصات رجليه ..

على طاري ابو سبع وسبعين رجل .. يقولون اذا تبي تعذب ابو سبع وسبعين رجل ..

قل لوه .. البس شراااااااااااااابك ..






يبه يبه .. انا ابي هامبورقر ..

اها بس لاتعيــر امك ..

لا يبه عيارة امي ( ام البقر )

الهامبرقر يعني .. الخبزتين المدورات اللي بينهن لحمة ..





لايبه .. نبي مطبق ..

انت ثور الله يخلف .. وش تبي بوه وهو مطبق .. خذلك شي مفتوش يادبشة ..




انا اقول بس انثبروا .. حتى الأكل ماتعرفون تطلبون .. انا اللي اطلب لكم هاللحين ..
يامعلم : هات لنا حبة دجاج شواية .. وبــــ16 ريال خبز ..
وعطنا قارورة سفن أب عائلي .. و11 كآس .. لإن هالعيال عددهم 22 كل اثنين يشربون بكاس ..




يادافع البلى يابو علي .. والله لو حنا بساسة .. نبي نجتمع كلنا على دجاجة وحدة ..
مير انا هونت مابيه خل عيالك ياكلون ..
<<((== ياويلي زعلت العمه ..




هاللحين يبه مزعجنا .. ابوديكم للمطعم .. وابو ديكم للمطعم ..

اللي يسمعك يقول يبي يحط لنا مفطح .. وإلابوفية مفتوح ووناسة ..

وآخرته .. دجاجة شواية وبــ16 ريال خبز ..

تقول افغاااااااااااانية ..




*********



يبه يبه .. شف هذولا عندهم سمك .. نبي مثلهم ..

لا وعندهم سلطه به زيتونه فوق ..

اها بس حول .. لاتويق على الناااااااااس .. تقعد تطيح وينشلق راسك ..

عاااااد هالمخ اللي بوه يبي يطلع .. والله ياوليدي لو ينشلق راسك أن يطلع تسنه حبة كليجا ..

فاضي من داااخل مابوه شي ..





يبه يبه .. شف هذا يقول لحرمته ..
لبيه ياحبيبتي اطلبي وش تبين .. انت وراك ماتقول لأمي مثله ..


وانت وراه ماتنزل بعد وتنثبر لااعلقك هاللحين بالسقف ..
من زينك انت وإمك علشان اقوله لبيه ..

اعوذ بالله وش هالعيال كل واحد متعنقط بجدار تقول بعارصة ..






لو سمحت يامعلم .. طرش لي شوية حمص مع شوية كتشب ..
يع .. وع .. يع ..
يبه اللي جنبنا يبي تطريش .. لا ويتشهى بعد .. يبي تطريش حمص بالكتشب ..

ياثور .. هذا كويتي يبي يقول ارسلي بس مايعرف .. يقول طرشلي يعني ارسلي ..
وبعدين لاتقعد تحلت اذنك على الناس كل وانثبر ..





يبه شف سليمان يشرب جغمتين ....
سليمان يالهر يالور يالوارم يالدب يالبحوم .. إشرب جغمة وحدة بس ..




اقول هاللحين منهو لوه هالولد اللي يصيح ..
عيالنا كاملين .. عديهم انتي .. لايصير احد منهم نااااااااااقص ..
1 2 3 4 5 6 7 8 9 .... الخ هذولا 21 وعيالنا 22 ناقص واحد ..
منهوا طيب اللي ناقص ..


مادري منهوا وش يدرين .. لانصير ناسينه بالبيت ..

لا .. انا محضرهم كلهم بالسيارة ..
اقول اشو اني جايبن دفتر العائلة ..
يالله اللي ابقول اسمه يقول حاااااااااااااضر ..

سليمان .. ابراهيم .. محمد .. احمد .. صالح .. الخ .. من اللي باقي اجل ..
.. باقي فهد ماقلت اسمه ..
اوه اجل هو اللي يصيح ..
قم انت ياثور شف اخوك وينه ..



يبه راعي المطعم يبيك ..

نعم يالحبيب .. تآمر بشي ..


أي والله لو سمحت شل ذرك وإطلع من المطعم ..

ولا عااااااد نشوفك مرة ثانية هنا ..

يالله ضفهم ماعندنا عشاء ولا عندنا شي ..

جايبن معك قبيلة كاملة ..

وأخرته حبة شواية وسفن أب العائلة ..


يالله تقلع ولا عااااااااااد نشوفك هنا يالله ..


وخرج ابو علي وذهب الى بيته .. مودعاً بمثل ماأستقبل به من حفاوة وتكريم ..



سي يو ..

وخرج ابو علي وذهب الى بيته .. مودعاً بمثل ماأستقبل به من حفاوة وتكريم ..

هههههههههههههههههه حسبي الله عليك يالحضري وأبو علي يغادر بمثل ما ستقبل به من حفاوة وتكريم وراعي المطعم طاردهم !!!! هههههههههههههه الله يلوم اللي يلومه يا شيخ أجل 22 ورع ودجاجه شوايه وسفن أب العائله!!!!

ههههههههههههههههههه ..........الله من البخل بس هالمره ذي مره ولا أرنبه!!!!

فيه واحد من الربع يقول والله بنت هالحلال ما نفض عندها سروالي وانتم بكرامه إلا وهي حامل هههههههههههههههه

الله يعين الربع اللي موطين رجلينهم ..يالربع بالهداوه بالهداوه ......تروا حليب الورعان صار بــ50 ريال

ههههههههههههههههههههههههه الله يرجك ههههههههههههههههههههههههههه

يبه يبه .. شف هذا يقول لحرمته ..
لبيه ياحبيبتي اطلبي وش تبين .. انت وراك ماتقول لأمي مثله ..


وانت وراه ماتنزل بعد وتنثبر لااعلقك هاللحين بالسقف ..
من زينك انت وإمك علشان اقوله لبيه ..

اقمح حرامه تدبل الكبد

مشكور ياحضري

هههههههههههههه
ياحليله الحضيري والله أثره مونسكم
دمه خفيف دمه شربات على قولة المصريين لا يصير خالطينه له بماء هههههههه