تقدم ياحمد العوفي هلا والله ومرحبا

المشاركة الأصلية كتبت بواسطة أحمد العوفي

ناس لاشفتنا بالحلم وانت بمنام = في ظلام ن تفز والرجل بمتونها
وابخس القسم قسمك بالبلاش مايسام = تأكله حي ولا ماتت تشوونها

سرا الليل ياشعراء
×× تذكير ياربع ياجماعه الخير ترا بكرا صلاه يوم الجمعه

اتقدم بالشكر الجزيل الى اخي الشاعر والنجم الخلوق/احمد العوفي
الذي قدم معي هذه المحاورة ونتمنا ااننا قدمنا شي يسر خواطركم لان رضاكم هو الهدف الاسما
كما اتوجه بالشكر الجزيل الى كافة الزملاء من اداريين واعضاء وشعراء وزوار ومتابعين على الحظور الراقي والمشرف الذي صاحب محاورة اليوم ايضا شكر خاص لاخي الاستاذ:ابو راكان الذي قام بالعمل الدؤب على تنسيق موعد هذه المحاوره

تقبلو فائق احترامي وتقديري

اخوكم ومحبكم عبدالرحمن العقيلي

ماقصرتوا ياشعارنا.ابوحمد وابو فيصل.واشكر كل من تابع هذه المحاورة.وانتظروا تنسيق المحاورة

المحاورة بتاريخ 2-3/4/1431هـ

عبدالرحمن العقيلي
ياهلا يااحمد العوفي عليك السـلام=يبن قومٍ حياض المـوت يردونهـا
هات بعض الكلام وخل بعض الكلام=وقول كلمتك خل الناس يوحونهـا


أحمد العوفي
البقا يالعقيلي ولابتك ماتضـام=لابتن تروي الشلفا ومسنونهـا
الكلام و شهوده حاضره بالانام=سلعتي الذهب بالسوق مثمونها


عبدالرحمن العقيلي
شد حيلك يابو فيصل وشد الحزام=الذيابه عليـك تحـدم سنونهـا
خايفٍ لايجي من حرب بكره ملام=وصل العلم لاتخفيه من دونهـا


أحمد العوفي
حر والحر وكره فوق روس القمام=صيرمين يقض كتوف مقرونهـا
احتمي بالمواقف لابتـي والمقـام=حرب كافي واحد فـاق مليونهـا

عبدالرحمن العقيلي
القمم زارها حتى فـروخ الحمـام=والجبال الطيور البيـض يرقونهـا
انتبه جونا صابه غبـار وغمـام=واحسب حساب للهرجه ومضمونها

أحمد العوفي
القمم ساميـه لوكـار تسمـو لسـام=وابيض الطير طيرك ماكل ابطونهـا
وخلت جو ن تقوله من جنوب ن وشام=وعج جـوك مـع غيومـه ياهونهـا

عبدالرحمن العقيلي
انت من عرض ناسٍ عائشه بالظلام=تكـره النـار والملـه يحبونـهـا
ارتفع لاجلهم سعر الغراء واللحـام=واعلنت به جنيف اللـي يقولونهـا

أحمد العوفي
ناس لاشفتنا بالحلم وانـت بمنـام=في ظلام ن تفز والرجل بمتونهـا
وابخس القسم قسمك بالبلاش مايسام=تأكله حـي ولا ماتـت تشوونهـا

فائق الشكر والتقدير لاخي الشاعر / عبدالرحمن مبدع الحرف الذي تشرفت بالمحاوره معه
واتمنى اني قدمت مايرضي الجميع0
وكل الشكر للجميع حضور ومشرفين واداره0



تقديري واحترامي

يعطيك الف عافيه يابو راكان على التنسيق اللي يريح المتصفح

تقبل تحياتي

المشاركة الأصلية كتبت بواسطة عبدالرحمن العقيلي

يعطيك الف عافيه يابو راكان على التنسيق اللي يريح المتصفح

تقبل تحياتي

ماسوينا شي يابو حمد نحن في خدمة الجميع.فديتك

صح السان الشاعر ابو حمد والشاعر احمد العوفي على هذه المحاوره الرائعه ..

واشكر المشرف العام ابو راكان على هذا التنسيق ..

عبدالرحمن العقيلي
أحــــمــــد الــعـــوفـــي
صحت السنتكم والله يعطيكم العافيه

اخوي الطويل--------- اختي سهام

الف شكر على مروركما

تحياتي