... الرفقه اللي ماتجي حزة الضيق ..؟؟

اسعد الله اوقاتكم بكل خير


ابيات متواضعه اتمنى ان تحوز على رضاكم0


.


.

الرفقه اللي ماتجي حـزة الضيـق =وقـت العوافـي كلبوهـم رفـاقـه
كل (ن) يقول اني على النايف مويق =من زود هرجه متسع فـي نطاقـه
واليا حدنك ضيّقـات (ن) مغاليـق =درب السلامه من خطرهن شفاقـه
يبين فعل الطيـب بيـن المطاليـق =اليا احتمى الموقف على عرش ساقه
لاجات مابيـن النحـر والعواتيـق =كل(ن) على ماقيل يطلـع عماقـه
اما رسى مثل السـروات وطويـق =ماهزته نـود(ن) اتـت بصطفاقـه
ليث(ن) ولد ضرغام ماهو تلافيـق =للمرجله مجبـول ماهـي عشاقـه
واليا انكشف غيب الضغن والدواليق =خلف السراب اللي صعيب اختراقه
عده من طيور الحقب والحماميـق=ومن البشر باوصاف خطو الهقاقـه
اللـي حياتـه كلهـا بالمشـاريـق=وبين الجماعه يتصف فـي نفاقـه
خله كما طير(ن) قفتـه المسابيـق =ويمحى اثر رجليه صـادق حقاقـه
والحنظله لـو نـورت بالزماليـق =معروف بين الناس مر(ن) مذاقه!!

.


.

تحياتي .. احمد العوفي

صح لسانك وبيض الله وجهك
وشاعر لانستغرب عليك الجزاله
والله يعطيك الف عافيه
وانت انقطعت عن المنتدى فتره واتيت بالكبش السمين يابو فيصل

صح لسانك ملايين اخوي احمد العوفي على النص الرائع وشهاتي فيك مجروحه بيض الله وجهك

........تقبل مرور اخوك/بناخي الزحزوح

صح لسانكـ وعتلا شانكـ

قصيدهـ جزله من شاعر جزل ابدعت وتميزت

صح لسانك يابوفيصل على هالجزله. تقبل اعجابي

الشاعر الذي لا يختلف على شاعريته أثنان أحمد العوفي صح لسانك على هذه الباذخه التي ترتقي بالمتلقي الى فضاءات الشعر الجزل , صراحة قرأت القصيدة وقد كنت نشواناً وان انتقل من البيت الى الذي بعده.

هذا هو الشعر الحقيقي الذي نبحث عنه, وقد لفت إنتباهي القافية والمفردات التي أستخدمت فيها مما يدل على مخزون لغوي لدى الشاعر مما يميز الشاعر ذو المخزون اللغوي عن غيره.

وفي موضوع قصيدتك نقول :

وما أكثر الأصحاب حين تعدهم,,,ولكنهم في النائبات قليل

الله الله يا احمد قصيده جزله ورائعه جدآ
تقبل تحياتي

صح لســآنك شـآعرنا احمدالعوفي

وقصيدهـ جزله ولاهي مستغربه عليك


صح لسانك واعتلى شاانك ويعطيك

العااافيه اخوي احمد

صح لسان الشاعر \احمد العوفي

صح لسانك قصيده جزله