وقت ٍ مضى دونه عوا ضاري الذيب ..؟؟

اسعد الله اوقاتكم بكل لخير

اعزائي الكرام


ابيات وجدانيه



اتمنى ان تعانق اذواقكم الراقيه


.


.

لـولا الضلـوع المهدفـات المحاديـب =خطر(ن) علـى قلبـي يخلـي محلـه
ذكر علي فجـوج جـرد(ن) مجاديـب =يـوم العمـر ياسعـود فـي مستهلـه
وقت (ن) مضى دونه عوا ضاري الذيب =اللـي ضلوعـه بالصـدى جاوبـلـه
عنـا تنـحـا راح مـالـه مقـاضـب =اقـفـت علـيـه ايامـهـا والاهـلـه
ياما جلسنـا حـول ذيـك الجراجيـب =دون الهضـاب اللـي صبـا شارفلـه
جلسـت نشامـا بنهـم فايـح الطيـب =وبـن اليمـانـي بالبغـاديـد زلــه
بين الضماير مامشى الشـك والريـب =اصفى مـن اللـي رايـح الديـم علـه
شغم العيـال اللـي قلايـل عذاريـب =مافيهـم الـلـي بالمـجالس تمـلـه
ياسعـود عنّيـت القوافـي مناجـيـب =اللـي هجوسـي ساقهـا وطاوعـلـه
وجده على ماضيـه ولا لـه مطاليـب =غيـره ولا لـه فيـه دقــه وجـلـه
لـك السـلام يامقدم البن والطيب= طلق الحجاج قبل التراحيب فله
وشرواك اهل الكار واهل المواجيب= رد السلام للي تواجه وقله
تطلع علينا الشمس كـل يـوم وتغيـب =غيـر الـدوام ووض وقتـك وصلـه!

.


.



كل الود ... احمد العوفي

صح لسانك اخوي
لاهنت

صح لسانك واعتلى شانك اخوي احمد العوفي على هالقصيدة الشامخة . جزل دائمآ يا ولد حرب .وتقبل اعجابي بالقصيدة.

صح لسانك وبيض الله وجهك
والله يعنيك على الدوام بعد التغييرات الجديده
هههههههههههههههههههههههههههههههههههه

صح لسانك شاعر فحل قصيده فائقه الجمال وبيض الله وجهك وانا انتظر جديدك

تقبل تحياتي اخوك الشاعر / سليط اللسان

مرحبا بك اخوي احمد

قصيدة شاعر متمكن تروي الذائقه صح لسانك

وتقبل مروري

صح السانك وعتلي شانك
وبيض الله وجهك واسعدالله ايامك

صح لسانك واعتلى شانك يابن حرب

شـكــ وبارك الله فيك ـــرا لك ... لك مني أجمل تحية .

صح لسانك واعتلى شانك,,,تقبل مروري

أجدني أقف كثيراً امام هذه الشامخه التي تنقلنا الى الشعر الحقيقي فقد نثرت فيها أعذب المعاني والكلمات وعرفتنا بكلمات أندثرت مثل (جراجيب) مما يدل على محصلة الشاعر اللغوية الكبيره

صح لسانك يالعوفي وانت شاعر متمكن ومكسب للمنتديات

وتستاهل الوسام وهو يزهابك ياولد حرب

أبن مصاول