السلام عليكم ورحمة الله وبركاته "
جلست اهوجس واعيد الفكـر واكـره =واشوف فرق امس عن ذاليوم وشلونه
ولقيت دنياً تجـي بالعكـس مفتـره =ولقيت لي عالمٍ ما هيـب مـا مونـه
ما يسلم الواحد من النـاس بالمـره =لو كان يمشي الحالـه مـا يخلونـه
لا شافوا المسلم اللـي كافـي ن شـره =قاموا يلفـون حولـه ليـن يوذونـه
لو سج من زر جيب الثـوب مـا زره =سوو هجـومٍ علـى جيبـه يزرونـه
والله مـدري ورى ذالنـاس محتـره =كنه علـى روسهـم دايـم يشيلونـه
هم مكمن الضعـف لاذمـه ولا سـره =بالضبط يعني ذممهم شبـه مدفونـه
ماتستوي الناس دام النـاس مغتـره =ذا منبع الطيـب ولا ذاك مـن دونـه
والنذل مهما حرصـت وقلـت بتبـره =يضمر لك الكره وينوشك ردى خونـه
ناسٍ تعلت وناس اصغر مـن البـره =في نظرة اللي شكت لـدار محزونـه
من تجربة وقت من دنيـاي منجـره =صوتا كتمته ياعـل الكـل يوحونـه
وانا ادري الوقت مايصفـى ولـه زره =واللـي علـى قـد حالـه إتبلّـوُنـه
كلمات " شجن .
آداء " هزاع المهلكي .
راقـــــــــــــت ليــــــــــــــــ