قصائد مختاره

(بنت الشيوخ)هذي القصيده لشاعر /ضيدان بن قضعان


بنت الشيوخ اللي يسمون العنـود
من كثرها يـا زيـن حتـى قلهـا
وان ذعذعت لي بالهوى مع كل نود
يا مل عينـي بالهـوى يـا ملهـا
البارحه هبت على صوت الرقـود
وأنا علـى ميعادهـا شفـقٍ لهـا
طرقا بهمستهـا تعدّينـي الحـدود
ميـر أحتـرم مقامهـا وجلـهـا
ما في مواريث الفهود إلا الفهـود
وأنـا مواريـد الـذيـاب أدلـهـا





(ألا يا الجادل اللي بيّحت فوق السدود سدود)وهذي القصيده لشاعر عمر الدغيلبي




لا يا دكتور لا تشرح ترى فكري مهو موجود
خذته الجادل اللي تسلب الفكر بمشاهدها
بغيت افهم بغيت اقوم اشارك بس انا محدود
بيوت الشعر اهندسها لجل عينه و اجددها
ألا يا الجادل اللي بيحت فوق السدود سدود
ترى الله يرحم اللي يرحم عباده و يسعدها
كتبنا فيك قاف ٍ ما عليه من العرب منقود
عسى قلبك يحن و طاري الفرقا يبّعدها
تعالي ياحلاة الشعر ابقطف لك من العنقود
ابسمعك البيوت اللي عشانك قمت اعددها
عسى هم ٍ تجرعته من فراقك ماعاد يعود
وعسى الافراح لا شفتك تواعدني و اواعدها
على عهد الوفاء نرجع على ماضيّنا المعهود
ألا يالجادل اللي تغصب الشاعر يمجدها
ألا يالجادل اللي تفهم المنشود والمنشود
مشاهدها بخير الغايه اللي دوم أناشدها
لو ان الشعر من دون الغزل كان الطعم مفقود
و لو ماقلت انا فيك القصايد ليه انا اقصدها
عسى ربي علي يشهد وكل الخلق معه شهود
بنيت الك القصور اللي فوسط القلب موجدها
ختام القول انا بطلب إلهي ربي المعبود
يلم الشمل والعذال لعبتهم ينكدها

صح لسان الشعراء والف شكر لك أخوي أبو العز على النقل

الله يعطيك العافية ياملكه القوافي على المرور ومشكوره