احدن لياشاف اثقل الحمل شاله ***

أحدن ليا شاف أثقل الحمل شاله

واحدن ليا شاف الثقل قال بعدين

واحدن قبل تنخاه يجدع عقاله

واحدن بعد نخواك يسقط من العين

واحدن خريش القلب يخشى ظلاله

واحدن شجاع يدوس روس الثعابين

واحدن يصرصر بالصراير رياله

واحدن رياله ماعرف وجهته وين

واحدن ينومس ذكر طيبه خواله

واحدن عمامه من خواله بريين

واحدن قبل ينطق يثمن مقاله

واحدن يلوط لسانه اقصى الدواوين

واحدن قضى ليله يهوجس لحاله

واحدن قضى في طاعة الرب ثلثين

واحدن يخلي كل امورك سهاله

بالقول لكن فعل ماينفع بشين

واحدن اذا مال الزمان ارتكا له

يثبت مثل مايثبتن الضلاعين


بيوت اعجبتنى واحببت نقلها لكم

يعطيك العافية فارس الكلمه أبداع ومتعودين على أبداعاتك

قصيده رآآئعه واختيار جميل

يعطيك العافيه اخي فارس

ابو العز الف شكر اسعدنى مرورك

منورة اختى رذاذ الف شكر