قصيدة الحسد ....... لــ فهد المساعد

السلام عليكم ورحمة الله


مساكم الله بالخير


قصيدة الحسد للشاعر الحساس فهد المساعد




الشعر أبوي .. ولا بعد قلت : لبيه
.................... إلا لـ ( بحـّـة وزنه ) و ( صوت قافه )



ماقبلي أحد ٍ قد تربـّـى على يديـــه
.................... ولاغيري أحد ٍ سْـمْــع صوته وشـــافه



أغلـــــيه .. وأخــــــافه .. وأحبـّـه .. وأداريــه
.................... وأخاف لاأفقد دهشتي فــ أكتشافــه



على كثر ما أبيه وأتعب وأنا أبيه
.................... ماقد شكيت لغيمته من جفافه



إن ألتفت في حالي .. الله يحيــيــّـه
.................... و إن ما ألتفت .. ما ألحقت عمري حسافه


ياما على غفله غرقت فــ شواطيه
.................... وياما رمى في قاع صوتي ضفافه


وأمسيت أغني له .. وأشيله .. وأشاكيه
.................... كنـّـي مكوّم كل ماكان طافه !


أحاول أقوى شي مانيب قاويه
.................... وأحاول أقبل شي نفسي تعافه


اسمع من هروج العتب والمسافيه ..
.................... مازوّد حمول التعب والمسافه


ناس ٍ بلوني بالحسد والمشاريه
.................... مافيهم اللي وسط قلبه مخافه ..


لا .. والمصيبه .. ويش أنا منحسد فيه ؟!
.................... في الشعر , ودروب السهر , والكلافه !!


قولوا لذاك اللي ( سهادي ) على ايديه
.................... وش جاه مني ؟! لعنبوها ضعافه


ان كان حاسدني على الشعر والتيه !
.................... يجي يبادلني .. وأخط أعترافه :


يعطيني راحة باله اللي تقدّيــه
.................... وأيامه اللي ماتعرف الصلافه


ونذر ٍ علي لأعطيه .. وأعطيه .. وأعطيه
.................... حتى يملّ من الشعر والصحافه

صح لسان شاعرها وسلمت ايد ناقلها

اشكرك على الحضور

الله الله الله هالشاعر هذا مبدع شكرا اخوي على النقل ولاهنت

صح لسان شاعرها

يعطيك العافية اخوي علي النقل

صح لسان الشاعر الحساس فهد المساعد على القصيدة الجزلة
و الله يعطيك العافية ابو عبيد الشمشم على النقل المميز

صح لسان الشاعر ولاهنت

اشكركم على الحضور

سلمت الايادي على هذا الطرح الراائع
ولك كل الشكر يالغالي

اشكركم على الحضور