قصيده ابن فطيس يسب ( حليمه )

ياللي تقول ان الحلا في حليمه=
يالله عسى ربي من الشوف يعميك




عمرك سمعت ان الحلا في بهيمه=
بهيمة في شكلها الشوف مغويك




وين الحلا فيها ووين الحشيمه=
الله بلاها بالخساسه وباليك




قولت حلا فيهاتراها .. ظليمه=
والزين له ناسه عسى الله يهديك




الزين في بنت الرجال الكريمه=
اللي على حق الشرف ماتخليك




اللي تسمى بالشهامه شهيمه=
من دون مكياج بها الزين يكفيك




بناتنا ياجعلهن للغنيمه=
احلى بنات الكون والحق يرضيك




نحمل لهن بقلوبنا كل قيمة=
حنا ذراهن يوم خاب الرجاء فيك




في عزهن يالله طلبتك تديمه=
واستر شرفهن دام كل شيء بيديك




وانا نويت اللي رضخ للهزيمه=
اسمع كلامي زين من قبل لاانهيك




ماظنتي عقلك وعينك سليمه=
تحتاج منهو في كلامك يربيك




سقيم لاقالو مدح له سقيمه=
حتى كلامك صار مثلك يوطيك




لحظه نبي نرجع عصور قديمه=
بقول لك شي يهزك يبكيك




شيء يهز أهل العقول الفهيمه=
ماكل شيء بالمسمى يسميك




تدري من اللي تستحق الحليمه=
ام الرسول اطهر حليمه وتكفيك




العين تبكي من كلامك وضيمه=
لكن عسى ربي بفعلك يجازيك

عمرك سمعت ان الحلا في بهيمه=
بهيمة في شكلها الشوف مغويك

.. مره قويه ..
يعطيك العافيه اخوي
وصح لسان قايلها ..

صح لسان ابن فطيس صراحه قصييده جزله


يعطيك الف عافيه عيد على نقلك ماقصرت

والله هالحرمه عطوها اكبر من حجمها وشكلت هاجس للاعلام العربي
عاشت فلسطين
شكرا اخوي غلى النقل

صح لسانه بن فطيس بس والله ياهو حاقد على حليمه هههههههههه خلاها بهيمه أجل اللي متزوجين (غفر) على قولة عادل إمام وش يقولون؟؟....لا تناظرها يالمري وبس علشان ما تسبها

والله قصيدة فيها معاني قوية موجها للبهيمة حليمة

يعطيك العافية اخوي عيد

صح لسان الشاعر / ابن فطيس
قصيده جزله من شاعر عرف بالجزاله
بس عطا حليمه اكبر من حجمها يوم كتب فيها هالقصيده
مشكور اخوي عيد على نقلك

صح لسان أبن فطيس وانا أحسه يقصد أحد الشعراء اللذي كان يتغززل في جمال حليمه

على ماعتقد لان القصيدة مووجهه لغير حليمه

سلمت يد ناقلها وصح لسان قايلها

امس لميس واليوم حليمة وكل وحدة اخس من الثانية صح لسان بن فطيس وسلمت يدي الناقل

صح لسانك يابن فطيس دائما مبدع وكل الشكر لناقل القصيدة..