المــعـــــــــــآدله الصعبـــــه..!

غير متواجد حالياً

يهزني لك حنين(ن) ماتحملته=حتى تطيح الدموع وتنشف اهدابي
والشوق ماعمر قلبي جاوب اسألته =ياليت تدري غيابك ويش سوابي
طعم الأغاني فـ\بعدك ماتقبلته=للشعر شعري ولاالأاعجابي اعجابي
والحلم قدام عيني طاح ماشلته =مافيه اقسى من اني افقد احبابي
القلب من بعد مالأشواق اشغلته =كنه يبث الحزن ويطيّر اسرابي
القلب خسران في بعدك معادلته=لازاد عني غيابك زدت بعتابي
فيني حكي عن غيابك بس ماقلته = تعال ناظر عيوني وانت ادرابي
كف المواصل فـ\بعدك كم توسلته = ياخذني يمك او يجيبك على بابي
ياكثر ماجيت في بالي وشاغلته =وياكثر ماحسب وجلك ضعت بحسابي
بالله جرح المفارق كيف حللته = من بعد ماكنت لي اقرب من ثيابي
قلي وش اللي قدرته بس ماطلته = كل ماشوف الامل افتح له ابوابي
كل شي يمكن يجيبك لي حاولته = حتى ولو في مسيري زادت اتعابي
وارد خايب ولابه شي حصلته = وابكي غيابك وتبكي حالي ادرابي
شفني تمثنيت عمري لك واهملته=شفني تبعت الشعور العذب بأركابي
تعال حتى لو شعوري تثاقلته = الدمع جرح لي خدود واهدابي
ياأكثر انسان في هالكون دللته = هوفيه اقسى اني افقد احبابي

غير متواجد حالياً

صح لسان الشاعر

وبيض الله وجهك ياجبر على ادراج مثل كذا ابيات

بس عندي ملاحظه اذا الابيات منقوله تكتب كلمه منقول .. واذا من قصايدك تكتب من كلماتي .. او كلمات الشاعر نفسه

ويعطيك الف عافيه واسف على هالملاحظه

غير متواجد حالياً

الله يعافيك اخوي الغالي مواعيدك سراب

وبالنسبه للمنقول او غيرهـ فيه مشرف مسؤول على القسم

وش لك بالتعب وانت مريحك الله..
وتسلم ولاهنت يالغالي

احترامي لك ..

غير متواجد حالياً

صح لسان شاعرها
ومشكور ياخوي جبر على نقلك الرائع
.
ومثل ماقال اخوي مواعيدك سراب
المفروض انك كتبت كلمه منقول .. حفظاً للحقوق
ولا تتضايق من التنبيه لان هناك ظوابط يجب مراعاتها من الجميع
.
ويعطيك الف عافيه اخوي مواعيدك سراب على اهتمامك ومتابعتك ونحن نكمل بعضنا البعض سواءً مشرف او عضو
.