|
||||||
|
||||||
|
||||||
|
 |
 |
 « آخـــر الـــمـــشـــاركــــات » |
|
|||||||
| منتدى الاتصالات والجوال نغمات جوال , مسجات عاطفيه , رسائل غراميه , برامج جوال , مقاطع بلوتوث |
 |
| انشر الموضوع |
|
|
أدوات الموضوع |
 غير متواجد حالياً
|
رقم المشاركة : ( 1 ) | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
أبغى أشتري جوال جديد .! شوركم علي
كُتب : [ 29 - 01 - 11
- 05:32 AM ]
بسم الله الرحمن الرحيم اللهم صلي وسلم على نبينا محمد أفضل الصلاة والتسلم أما بعد : مساكم الله بالخير يا مطير حمران الــعــيــون وكل القبايل الموجودين هنا نظرا لأهمية الجوال في عصرنا الراهن أصبح لابد أن نتقن الأختيار حيث أن هذا الحديد تقدر تكلم منه ربعك وعيال عمك بكل سهوولة >>>> ما جبت شي جديد  لذلك كان علي أن أستشيركم في هذا الموضوع الحساس تهورت وقررت أن أشتري جوال جديد وذلك في ظل تداعيات هذا العصر السريع كل ما واكبت التطور تعدوني ونزلوا ماخوذن ثاني !! قررت أن أستغني عن جوالي الدمعة ( يا قدمــــك !! )  وذلك بعد عشرة عمر دامت أربع سنوات قضينا فيها أمتع اللحظات والليالي وبعد ان رافقني في وناستي و حزني وفي مرضي و اختباراتي وصولاتي وجولاتي وعز الله انه ما قصر ما معي أنا أشهد أنه لحوة ٍ غانمة صبر علي كل هالسنين ما فيه مكان من جسمه إلا وفيه ضربة من كثر ما يطيح لكن أنا أشهد أنه ولد وقت اللوازم ما يغيب .. وإذا صحت فيه جاك من أقصاه وقال لك لبيييييييك يومن بعض الرياجيل يندس لا زهمته .!  طبعا أخوكم المعنّـى يمكن يدخل قائمة غينيس للأرقام القياسية طول رحلتي مع الجوالات ما شريت إلا 3 فقط ما هو بخل .! أو عدم قدرة .. لا والله باستطاعتي أشتري أي جوال أبغاه لكن لقناعتي أن هذا مجرد جوال ولا يوجد أختلافات كثيرة بين الجوالات أيضا تغيير الجوال مشكلة لصعوبة نقل الأرقام والأسماء والرسائل وغيرها من الأمور يعني تقدرووون تقولون كسلان  وفيه حاجة ثانية بعد لو تدري الأتصالات كان أعطوني جائزة عليها في حياتي ما طلعت إلا رقم واحد بس وهو رقمي الحالي ولله الحمد والشكر .. رقم ســـوا بعد وبدووون أسم  هههههههههههههههههههههه مهايطي المهم حتى تعرفون طموحاتي و نظرتي الثاقبة والمحكنة في الجوال الجديد يجب أن تعرفون رحلتي وحكايتي مع هذا الحديد كفانا الله شره أخوكم المعنّـى ليس من الرعيل الأول .! ذلك الجيل اللي ما يشتري الجوال إلا بعد يظهر الشيب فيه و تظهر تجاعيد الأيام على غمّـته ! وليس من الجيل التالي .! ذلك الجيل اللي حين يظهر من بطن أمه يطقون له جوال وشريحة جديدة إنما أخوكم المتواضع من الجيل الأوسط الجيل الذهبي ( أمحق ذهبي إلا جيل النيدو) اللي ما يشتري الجوال إلا بعد ما يخط الشنب عندما خــط الشـنـب استانست لأن الشنب سوف يوفر لي صلاحيات كثيرة منها الجوال أوعدتني عمتي أن تشتري لي جوال عندما يخط شنبي فأصبحت كل يوم أقف عند المنظرة صباحا أتابع نمو النشب وأعد عدد الشعيرات التي تنمو ببطء لدرجة أن بغيت أتهور و أرسم شنب بقلم خطاط ما ينمسح لكن استخرت و هوّدت عن هذا الفعل .. اشترت عمتي الله يعافيها لي جوال ( الـــفــيــصــلــيــة ) وذلك في أول ثانوي  واذكر أني ما أمرحت هاك الليل من الوناااسة وقمت أغفصه وأطقطقه حتى بغيت أقطع مصارينه أذكر كان لونه أسود .! ولكن بالرغم من بشاعة لونه إلا أنه كان عندي كنز ثمين كان الفيصلية في ذلك الوقت مركبن طيب ويجمل وقت العزايم والعروس ولكن كالعادة كلها فترة بسيطة حتى نزل الماخوذ الثاني !! الــــــبـــــاندا  الذي سبب طفرة وراثية في السوق و دار حوله الكثير من الجدل المهم صبرت على الفيصيلة ولو أنه طاح من عيني لكن ما ودي أحطم الرجال وانا توني شاريه لكن بعدها طـفـح الـكـيـل ! وبعت الفيصلية على واحد يمني ما طمع يوم شافه وشراه .. وبعته بيعتن طيبة مع أن الدقم ( الأزرار ) حقته كانت مش ولا بد وتهورت وشريت الباندا ( مستعمل ) ما معه ضمان ولا شاحن واستانست هاك الليل وعجزت أنام من الفرحة ! حيث أن الباندا فيه البلية اللي يقال له ( الـــبــلـــوتـــوث ) مرت الأيام بيني وبين الباندا سجالا وكل يوم يكبر في عيني نظرا لقوته العجيبة في تحمل الضربات عندما يسقط مني على حين غرة ولكن ما لبث قليلا حتى ظهر بليـّــة أخرى !! لا والله إلا بلاوي أخرى الدمعة و الفارس والشيطان أعوذ بالله من الشيطان !! هنا طاح الباندا من عيني وتزاعلت أنا وياه وصرت ما أكلمه إلا من طرف خشمي ولكنه ضرب مثالا في التضحية والتفاني عندما طاح مني هاك اليوم في المويه و طلعته منها ولا زال على قيد الحياة ..! وكالعادة كان لا بد من اللحاق بركب التطور وبعت الباندا بعد لحظات وداع مؤثرة وأذكر كان رقم الــ 2 خربان بس مشى على السوادني .. عسى الله يغفر لنا لذلك أشتريت جهاز ( الــدمـــعـــة ) بكرتووونه جديد حتى الشاحن معه ومعه ضمان مشاعل الأتصالات أفضل ضمان في تلك الحقبة الزمنية .! الدمعة وما أدراك ما الدمعة !!  لقد أعجبت بكومة الحديد هذي .. قوة ومنظر وتطور ما شاء الله تبارك الله وكانت هو أطول جوال رافقني الطريق ولكن لكل شيء نهاية .. وهذي هي حال الدنيا حاولت أفهم الدمعة بأن الفراق لا بد منه لكنه قام يتنغور ( يزن ) علي ! و دن الهاشمية وهل العباريات ( الدموع ) وصارت دمووووعه اربع اربع أنا أشهد أنه ما اخطى اللي سماه الدمعه المشكلة أني رحت أمس محل الجوالات علشان أشوف كم يجيب ؟؟ لكن المفاجأة كرشوووني كلهم ولا ساموه حتى بريال ..! لذلك يمكن أحنطه عندي وأخليه ذكرى مثل تمثال الحرية لـــــب الـــمـــوضــــوع بالعربي أبغى جوال : 1) قوي 2) يدعم الجيل الثالث 3 ) بطاريته تـطّــول 4 ) منظر يجمّـل وقت العزايم وقدام خوياي في الكلية 5) سعره مناسب حيث أن الميزانية في حدود 800 ريال وقد تصل 900 ولا بأس جديد أو مستعمل وهناك عدة خيارات متاحة طرحها لي بعض الشباب حسب الترتيب والأفضلية حاليا N 72 N 95 N 86 البلاك بيري ( البيبي ) الله يعافيكم عطوني رايكم ؟؟ أنا بعيد شوي عن أجواء السوق ولا أعرف المزايا والعيوب بالإضافة قد يكون لديكم من التجارب ما يفيدني .. وأوعدكم إن شاء الله إذا شريت واحدن جديد أصوره لكم وأسدحه هنا >>>>> يتحايلكم ههههههه انتهى !!
|
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
وبطاريته بعد سنة تصير ظعيفة وتطفي بسرعه
بس سمعت اللي جربوة يمدحونة
