فهد المســــــــآآآآعد.. بااايعها

ما كـل ضحكـه تهـزّ القلـب يشبعهـا
وما كـل دمعـه تمـرّ العيـن تبكيهـا
من شاف ضحكة زماني قال : "بايعهـا"
ما يدري اني فقيـرٍ مـا اقـدر اشريهـا
يا اللي نثرتـي سنيـنٍ كنـت اجمّعهـا
تكفيـن هـذي حصـاد العمـر لمّيهـا
كم كنـت اهـدّد بـك الدنيـا والوّعهـا
كـل مـا اذكرتني..واذكّرهـا وانسّيهـا
بيدينـك اللـي احـس وكـن اصابعهـا
تقول : "بدري على الضيقه وطاريهـا"
بعيونـك اللـي اناديهـا وانـا معـهـا
اللّـه ياكـم زعلتـي يــوم اناديـهـا
كنتي تحسبيني اسـرح عـن مدامعهـا
وانا مـا غيـر اتهجّـى رحلتـي فيهـا
اي واللّه اذكر عيونـك يـوم اطالعهـا
اقـرا بهـا انـشـودةٍ كـنّـا نغنيـهـا
كانـت تـروح وتهـجّ البـال واتبعهـا
تاخذ عيونـي مـن الحـزن وتودّيهـا
لايام كنـت ارمـي بدنيـاي واجدعهـا
أيام ما .. كنـت اكحّلهـا.. ولا اعميهـا
طفلٍ سلاحـه دموعـه يـوم يزرعهـا
من فوق خـدّه وكـفّ ابـوه يرضيهـا
اكبـر همومـه مـن دروسٍ يراجعهـا
واقصى طموحه متـى ينجـح ويرميهـا
طفـلٍ وكـل امنياتـه كـان مطمعـهـا
يكبـر وتكبـر هنـوفٍ كـان يرجيهـا
كبَرْت..و كبْرَت.. وضعت..وخفت اضيّعها
خلّيـت همّـي رضاهـا يـوم اداريهـا
كل مـا طعنّـي زمانـي رحـت ادلّعهـا
يوم الزمن ما تـرك لـي غيـر اياديهـا
ما كنت افكّر تجي فـي يـوم واسمعهـا
تقلـب حياتـي مـن اعلاهـا لواطيهـا
حتى اقبلـت تبكـي الدمعـه وتردعهـا
ثم قالت..وكـن موتـي بيـن اشافيهـا:
"جيتك أحلّـف عيونـك قبـل اودّعهـا
ما اشوف دمعة عتبهـا ليـن اخلّيهـا"
تبغـى تـروح وتخلينـي واطاوعـهـا
تبغاني اسكت واقول : "اللّه يهْديهـا!!"
يـا أول احـلام روحٍ كــان دافعـهـا
انـك سندهـا وحاضرهـا وماضيـهـا
يا سنيني اللي قضيـت العمـر اجمّعهـا
يـا ذكرياتـي مـن اولـهـا لتاليـهـا
لا تتركينـي اعيـش العمـر بايعـهـا
ضحكة زماني بدونك ما اقـدر اشريهـا

صح لسان شاعر هالابيات .. وتسلم الايادي على هالنقل المميز ..

يســــــــــلمووو ع المرووور..
تحيــــآآآتي

رائعه من روائع الشاعر العذب /فهد المساعد
ابيات كلها شجن وعاطفه استمتعت جدا بقراءتها
شكراً لذاقتك الفخمه وانتقاءك الفاخر اختي دمعة غلا
.

يسلموووو اختي على المنقول الرائع

تســـــــلم اخوي ابن الشاعر
أنا أحب كل جديــــــــد لهذا الشاعر المتميز لديه اسلوبه الراقي الذي يملك الاخرين..!
ويسلمـــــــــووو خيتـــوو "عنود الصيــــد" على اطلالتــكـ المتميــزه..