|
||||||
|
||||||
|
||||||
|
 |
 |
 « آخـــر الـــمـــشـــاركــــات » |
|
|||||||
| الشعر العام والفصيح يخص الشعراء الكبار وقصايدهم والشعر الفصيح والقصائد المنقولة للشعراء من غير قبيلة مطير |
 |
| انشر الموضوع |
|
|
أدوات الموضوع |
 غير متواجد حالياً
|
رقم المشاركة : ( 1 ) | |||||||||||||||||||||||||||||
|
(( بعض قصائد الشاعرالكبير سحلي العوّاي البرازي ))
كُتب : [ 01 - 03 - 08
- 09:31 PM ]
((السلام عليكم ورحمة الله وبركاته )) أخواني وأخواتي سوف أعرض لكم نبذه مختصره من قصائد الشاعر الكبير المرحوم سحلي العوّاي البرازي المطيري وهو رحمه الله غني عن التعريف والذي يعتبر من الذين يتميز شعرهم بدقة المعنى ووضوح الوصف وقوة المفردة وسلاسة اللفظ وبلاغة البيان وهو من شعراء مطير البارزين بوقتهم والذي يحفظ القاريء له ويتذوق لمفرداته الشعرية حتى بعد وفاته رحمهم الله . وإليكم بعض قصائده ممّن أحفظ له أو من خلال ماأحتفظ بدفتري الخاص :- هذه القصيدة لشاعرنا المرحوم سحلي العوّاي مسندها للشاعر الكبير /محمد بن خلف الخس اطال الله في عمره , متمنياً بذلك حياة البادية البعيدة عن صخب الحياة المدنية وضجيج محركات معيشتها و هوائها المصحوب بسحب دخانيه كاتمة للانفاس ويقول فيها :
يازين شب النار بارضٍ بياحـي=والزول يزمي لي على مد شوفي والبيت مبني والرعايا ضواحـي=وانته تمشى مع نبات الحروفـي أخير مـن ذبـح بليـا سلاحـي=بقبورة الحيين مثـل الضعوفـي ببيوتنا مثل الدجـاج المداحـي=مغير يم السوق ناخـذ ونوفـي يابو خلف مامن تجدد مراحـي=متشفقن عقب الشداد الردوفـي يابو خلف صاحي ولاني بصاحي=بس أتلفت مثل راس الخروفـي خروفٍ أدلم مايعـرف المتاحـي=وراعيه حاديته عليه الظروفـي أبكي على وقتٍ حضرته وراحي=أتلاه يامحمد زمـان الكسوفـي والقصيده أطول من ذلك وهذا ممّا أحفظ فرد عليه الشاعر محمد خلف الخس حيث قال:
ياسحلي العـواي منتـه مباحـي=ياللي تقول إنك حوالي صفوفـي الفرق واسع للسنيـن إمتراحـي= قدّام أجي وانته تغيـر وتحوفـي لاشك معي انته تحـب المزاحـي=وزلّتك عندي يالسنافي تطوفـي وتقول انا يالخس ماني بصاحـي=وأقول منت بصاحيا ومهروفـي يالّلي تبي وقت له اسنيـن ماحـي=يوم القبايل بين امـانٍ وخوفـي يوم يحدا الخيال قـدم الطياحـي=والوقت زين وبأهل الوقت نوفي يوم إصطفاق امفصمات اللواحـي=فجّ الزّغون مقولمـات الخفوفـي مركوب فرسانٍ تبـوج الفياحـي=دايم لوجه الله عليهـن ضيوفـي دايم يتلون النضـى بالمشاحـي=ايضا ومعهم كـل قبّـا شعوفـي ليا طالع السبار شعل وشقاحـي=قالوا عليها ماسمعـت المعوفـي مافعلهـم بالهندسـه والمساحـي=بالسيف الأملح فعله والكشوفـي كم فارسٍ منهم تجندل وطاحـي=إلى جودوا خضر النمش بالكفوفي مايطلبون الرزق عنـد الشحاحـي=الرزق بيدين الرحـوم العطوفـي أرزاقهم حدر الدخن والصياحـي=مثل السباع مـدورات العلوفـي كم رفرفت راياتهـم بالنجاحـي=واليوم وقتٍ راح جعلـه ذلوفـي يابو فهيد إسحب ذلاق المشاحـي=الجيل الاول له عيـالٍ وقوفـي امطير في ديرة طيور الفلاحـي=اللي بهم عـز وذرا ومعروفـي بين السعود وبين نسل الصباحي=في نعمةٍ مامثلها فـي الوصوفـي شبعه وامان وراحةٍ وانبطاحـي=ومنين ماوجهت جبـت الألوفـي أيضاً هذه المساجله بين الشاعرين الكبيرين من شعراء امطير الكبار وهم الشاعر الكبير فلاح العراك اطال الله في عمره , والشاعر الكبير المرحوم سحلي العوّاي وقد كان بينهم الكثير من الرديات وقد اخترت لكم هذه الرديه لعلها تحوز على رضاكم وكان البادي فيها الشاعر فلاح العراك ويقول فيها :
يابو سعد نهـار تمشـي مشينـا=فوق الجموس امضولعات المواطي حمرٍ انقلّبهـن علـى ماشتهينـا=غادٍ لهن مع كل خط انشعاطـي ودجنا على الصلب الحمر ثم لقينـا=منازلٍ فيهـا حديـد وقواطـي من عالمٍ من كل فجـن تجينـا=جونا على ريح الدسم والشياطـي لوانهـا فـي سيفنـا مارضينـا=حرام يـا صمّاننـا مـا يهاطـي نمشي وعجلات الفرج في يدينـا=وناخذ من الماص الجديد احتياطي يجي نهارٍ يذكـره مـن نسينـا=تكثر جنايزهم وحـذف القشاطـي يـادار مالـت حقوقـك عليـنـا=منولٍ من جاك يوخـذ جلاطـي واليوم يادار اسمحـي واعذرينـا=حنّا مجوّدنـا جويـد الرباطـي وقد رد الشاعر المرحوم سحلي العوّاي بهذه الابيات قائلا :
حسبي على العرّاك ذكّر علينـا=وانا ماحب الخربطه والغلاطـي هذاك شيٍ(ن) شايفـه لـي اسنينـا=لا تذكّر الغافل ترايـه حباطـي اشوفها ملحا بعـرض البطينـا=لاشك وين اللي يقض الخياطي عقبان نجـد امعقبيـن اليدينـا=عن ماتبي مش الخشوم ابحماطي تحمّـد الله لاتطـيـع اللعيـنـا=اليا حصّلك سدحتٍ وانمغاطـي وان صار يالعرّاك رحنا وجينـا=وفقدت سوق الباميه والبطاطـي القصيده ناقصه بيت أو بيتين للأسف خانتني الذاكره ؟؟؟؟ المعذره فزعل الشاعر الكبير فلاح العراك من القصيد لأن فيها الفاظ مثل (المغفل , الخربطه والغلاطي، افخت أكل الباميه والبطاطي ) وللمعلوميه ان هناك قصايد للعراك وسحلي فيها الفاظ مضحكة جدا من الطرفين لكن العراك رد ايضاً على سحلي فقال :
يابو سعـد نـوك علـى مانوينـا=وقّع على روس الهدف والنقاطـي اللّي تبـا تاطـا لراسـه وطينـا=لوّك تبى تاطا اللي بجلده رقاطـي يابو سعـد مانـي مـن الغافلينـا=أعرف ماحدر الثـرى والبلاطـي ماني بمصريًٍ من فلاليـح سينـا=اللي يحطون البصل والطماطـي ظهور السواني عزوتـي بينينـا=زبن العديم اليـا قبلتبـه تواطـي لاصاح صيّاح الضحى واعتزينـا=قباً نصعطها الأعنّـه اصعاطـي تفرح بنـا خلجـاً تجـر الحنينـا=واليااعتزى في عزوته كل صاطي حنـّا اليـا منـا وردنـا روينـا=إحبالنا جبـرات سيـم ومقاطـي وترى الرجـال تقولـه الاولينـا=حصنٍ مناكيـرٍ وخيـل معاطـي وهناك من يعتقد واخرون يجزمون بأن كل مايقدم من شعر هو نتاج طبيعي لموقف شغاف القلوب ولكن الحقيقة ان هناك شعراء بل اغلبية يرسمون اعماله الادبية وهم من خيال فيحلقون مع أخيلتهم في فضاء الشعر وتكون قصيدة يقول فيها الشاعر الكبير المرحوم سحلي العوّاي وهو شاعر جزل:
الزين والله بين جبّه ومشهـور=لي شافها قلب المشقّا عشقهـا ماجمعت زينة تلاميع وخصور=زين على زينٍ من الله خلقهـا وللشاعر الكبير المرحوم سحلي العوّاي هذه القصيدة في الامير محمد الاحمد السديري ويسندها على إبن أخيه فهيد وللمعلوميّه أنّ الشاعر سحلي تزوّج ولكن لم يأتيه أولاد ويقول فيها :
يافهيـد وقتٍ بينت لـي حـزوزه=أهوش من دونك بحاضر ودينـه مشافت حتى الدوج طاحت قزوزه=من كثر مايسحب علـى بانزينـه من اولٍ جايز وفـوق المجمـوزه=واليوم خلـه نـوح خـلا جنينـه خلّه لعلّه يبـن سحلـي همـوزه=لحقت على العطراء وابو زيد وينه لو آصله كان أشتـري مايعـوزه=ابدّلـه وإلاّ اشتريـلـه مكيـنـه شيخٍ مجرب من وراء الناس نوزه=ماهو بنا كـل العـرب خابرينـه أمارتـه ماهـي عليـه مغـزوزه=ساسٍ عريب وتلّهـا فـي يمينـه محمد الى جتـه اليديـن معيـوزه=زاد بعطاه الى اشتلهبـت سنينـه ياما عطا أطيب ماطلع من طروزه=من وارد السبعـه تفـرق يدينـه وإلاّ خطاة الشيـخ ينكـب فـوزه=يابس عسى تابس يدينـه وعينـه وله هذه القصيده في الامير بدر بن هزاع بن شقير الدويش ويقول فيها وهو يسندها على الشاعر محمد الخس :
عز الله إنّي رحتلي من معازيـب=من عندي البيضاء غشتهم جميعي ريحان يركض لي بكل المواجيب=الضيف لوهـو زبـدةٍ مايميعـي قامت رياجيله تسابق على الطيب=لو طيبهم من أول ماهو طبيعـي لاشك وصّاهم حصان الاطاليـب=للضيف مثل مدلّهات الرضيعـي أمّا الكرم مافيه هرج وتلاعيـب=خطه ورا خط النشامـا وسيعـي ليته درى هـزاع وإلاّ تراحيـب=إن الأمانـه مستلمهـا الوديعـي الا ويعنه في طويـل المراقيـب=يابو خلف لي هقوتٍ ماتضيعـي المرجله عـذرا تزيّـن لخطّيـب=تبيلهـا طيـب وجـدٍ رفيعـي وشامت لبو هزاع ريف المراكيب=اللي يجون البيت من كل ريعـي اللي تجود فيه يلقـى مقاضيـب=متكفلـه كنّـه حـوار الربيعـي وله ايضا هذه القصيدة في الامير حسين بن عادي الديحاني محافظ حفر الباطن سابقا رحمه الله تعالي ويقول فيها:
ياحسين يومنّك عزمت الجماعـه=نسيتنـي ماجبتنـي للعزيـمـه لاعاد ماني في حدود الّلعاعـه=أيضا ولا بينـي وبيـك جريمـه ماني لعصمان الشوارب تباعـه=أنا مـع اولهـم بعـزه وشيمـه ياحسين عندك للنشامـا وداعـه=شيٍ يضيم الناس وانته تضيمـه القز مشبوبٍ على كـل ساعـه=ماليلةٍ قيل استراحـن حريمـه لو أن بنك الراجحي له بضاعه=سوّا الأمور المعجزات العظيمـه حطيت كل الطيب راس الطماعه=العمر يفنـي والليالـي مقيمـه انت أشتريته واكثر الناس باعـه=هو راس مالك من سنين قديمـه حاش المراجل كلها من ذراعـه=دلوه ملاها والضوامي محيمـه وطا على الدنيا بعرف وقناعـه=حلوٍ بحال وحال يزعل خصيمه أرضعته أمّه واخلف الله رضاعه=أبوه وأمه فـي برايـد نعيمـه لعل يفدونه خصايـص رباعـه=اللي تومّرهـم عليهـم ظليمـه لكن هناك قصه طريفه للمغفورله باذن الله الشاعر سحلي العواي نوردها في سياق الحديث هي انه كان مع الامير سلمان بن عبدالعزيز آل سعود في المقناص في خارج المملكه وكان يستيقظ من النوم دائما متاخراً في الصباح بعد أن يفطر الامير سلمان ومرافقيه0 وهنا يطلب الشاعر سحلي فطور من الطباخ وكان (يماني الجنسيه) وكان إسمه عقاب فرد عليه الطباخ لايوجد فطور أنت دائماً تأتي متاخراً بعد الفطور والآن خّلص الفطور وأنا غير مستعد لعمل فطور ثاني . فقال العواي قصيدته التي منها :
ياعقاب مانت عقاب ولد العواجـي=الّلي على خيـل المعاديـن هـذّاب أنته عقابٍ للصحـن والدجاجـي=مثل الضراوي مربطك بين الاطناب فلما سمعها الامير سلمان امر له بفطور خاص كل يوم . وكان من الناس المقربين للامير سلمان . رحمه الله وادخله فسيح جناته . وللشاعر الكبير المرحوم سحلي العوّاي هذه القصيدة التي قالها بعد ان اخذ بخاطره شي عند الامير السديري ( أحتفظ بقصتها) فقال هذه الابيات الشهيرة :
هجي ترى خاطري ملموس=يابكـرتـي يالحويطـيـه تنحري كاسـب النامـوس=معطي البواريـد خرجيـه انا خوي لحبـس حبـوس=مانـي خـويٍ لكـرديـه أنـا لادك بـي هاجـوس=ماني ولـد عـن وعطيـه ماطمن الراس حدر الروس=تزعـل علـي المطيريـه وكان للشاعر الكبير المرحوم سحلي العوّاي أرض في حفر الباطن وقد اغتصبت من قبل متنفذين في المدينه فأخذت فقال عدة قصائد من ضمنهن احدهن في الامير سلمان ولا احفظ منها الا قوله :
يا امير انا ليـّه شبـر قـاع بريقـان=كبر العبـاة وصـار فيهـا جدالـي ياميـر ليـتـك تشـوفـه بالاعـيـان=وتاخذ قياسـه مـن جنـوب وشمالـي اما كذوبٍ وصرت من عرض كذبـان=------------------------ حط النظام يسار مـن غيـر حقـران=راس القلـم منكـم يـهـد الجبـالـي وكذلك قال هذه القصيده في الامير نايف :
ياسيدي زل الشتاء واقبل الصيـف=وانا برجوى معامـلات الحكومـه تلعب بي السرقان لعب على الكيف=رزّت بيارقهـا ونجـد محكومـه وانته عليك من المحلى تواصيـف=الحر حر وماكـر البـوم بومـه ياعل بيت مايذري عـن الحيـف=تصبح معالـم مبانيـه مهدومـه والقصيده أطول من ذلك 00 الحقيقه هنالك مساجلات طريفه بين العواي والعراك وبن قويعان اتذكر منهن ردا للعواي على صحن والعراك اثر مساجله بينهما ولم يذكراه فيها وغضب لانهما امتدحا انفسهما بالشعر وهو يرى نفسه اكبر منهما لاتحضرني الآن ؟؟؟؟ ومن الطرائف المضحكه أيضاً بينه وبين الشاعر فلاح العراك حيث يقول العواي متغزلاً :
ألا ياعيون اللي جفل من فروع تبـل=ترى الناس من سبتك تدرس لها ثوره وانا حالفٍ لا أفتكها لـو تجـر دول=مهو بأجرب واحد وتعبى له النـوره وكذلك من قصيده العراك رداً عليها ولا اتذكر غير اخرها وهو اطرفها حيث يقول العراك:
على الزين ياسحلي تياسر يسار وفل=لها الله عن عودٍ يروعك بقصب زوره ونعمٍ بيمينك مير شيفتك هول هـول=وصايف سعر ماتقبلك كود مسعوره وبالفعل رحمه الله كان شكله مرعباً ؟؟؟ ومن قصائده رحمه الله عندما تولى حسين بن عادي الديحاني منصب وكيل الامارة :
لقيـت كتـب بـعـرض المجـلـة=ترفيع ابو عـادي بصـوت عـواد تستاهلـه ياحسيـن وانـت بمحلـه=مبروك ثم مبروك يامخـرّب الـزاد الطيـب اللـي جانـيـه ماتمـلـه=تنشر لك البيضاء على روس الاشهاد انا احمـد الله حصـل الامـر كلـه=جاه القرار وحصّل الامر من غـاد غصبٍ على عباس هو وابـن هلـه=ولو إبن ..... زعل منه وش عـاد وش عاد لو معهم من ال..... شلـه=سود الوجيه معارضة حق الأجـواد نـاسٍ تجمـع والسـنـع ماتـدلـه=وتفرقوا من مجلس السو وش عـاد اللي حواسيس الـردى سهمـةٍ لـه=يطلق حصانه مير ماياصـل المـاد يامـال ســلالٍ لحـالـه يسـلـه=لاعـاد لاحايـف ولاهـو بهجـاد يجـي يـدور لـه بالأجـواد زلـه=مخادن الشيطـان ملعـون الاجـداد علـى قعـوده كـل بيتٍ يـدلـه=قعود ابو مـره بـلا نطـع وشـداد وليـا لبـس بشتـه وفكـر بظلـه=يقول انا اطيب منك يازعيـم بغـداد ياللـي تجـي كوبـان قلـه وقلـه=منته بحول حسين ياثـور الاكـراد كانـك مكذبنـي تـعـال وتحـلـه=ذولا مـصـاديــر وذولاك وراد جعل اليديـن القاصـرة فـدوةٍ لـه=والمبغضه واللي من الربـع حسـاد ويقول سحلي العواي ايضا هذا البيت في مدح الامير حسين بن عادي الديحاني :
مازهملن مثله بنات الدياحين=ولاجابن الخفرات مثله جنيني
ويقول الشاعر الكبير صحن بن قويعان المطيري في حسين مخاطبا الشاعر سحلي العواي:
اصبت يالعواي في مدحـة حسيـن=مدحك لابو عادي صحيـحٍ وكـادي المـدح لاجالـه شهـود وبراهيـن=ماعـاد ردوه العفـون الحـسـادي ياحلو مـدح مرجحيـن الموازيـن=ومدحٍ بليّـا فعـل راعيـه غـادي وحسين فعله عنه الاجنـاب داريـن=طيبـه يسولـف بالديـار البعـادي دروا به اللي عـن ديـاره بعيديـن=ولـولا فعولـه ماركـب بالشـدادي ابو علي كرّس جهوده علـى الزيـن=لينه رقى فـي راس عيطـه ينـادي المرقا اللي عنـه ال؟؟؟؟؟ مزريـن=عانـه علـى مرقـاه رب العبـادي والمال والمنصب لاهلهن حدى امرين=أمّـا نعـم وإلاّ مــلام وســوادي يبغن مثل حسيـن عـدل القوانيـن=متواضعٍ مـع كـل حـادي وبـادي من جاه ماحاكاه في منطـق شيـن=يهرجـه باسلـوب ماهـو هيـادي ميـزان حـق للموالـي والأقصيـن=مرضي معازيبه وشعـب البـلادي المال مامشّـاه فـي مربـح الديـن=مشّـاه بالمعـروف والخيـر زادي مـشّـاه للأدنـيـن وللمستحقـيـن=واللي يجي للبـاب بيتـه عمـادي يشري الفعـول الطيبـة بالملاييـن=يعطـي ويذخـر للسنيـن الجـدادي يعطي صدا الدنيا غرور المساكيـن=ويذخر خلافه مثل ذخـر المهـادي يبيـه تاريـخ لحيـن بعـد حـيـن=لاما يجي ماجـوج مـع كـل وادي هذا الفخر ياللي على الطيب حرصين=والعمـر يفنـى والسوالـف تعـادي ويقول الشاعر الكبير المرحوم سحلي العوّاي هذه القصيدة :
ياليتني أنقل عباتي يـم سيهـات=واشيل ورعاني وابيـع العمـارة الدار عقب حسين مافيه رغبـات=بعدك علينا يابو عـادي خسـارة خسـارة ياكبرهـا بالخسـارات=شربت من عقب الحلاوة مـرارة أبكي على راع الصخى والمروات=عـزّاه ياعيـن تزايـد عـبـارة البيت مفتوحٍ عـى كـل حـزات=بيته لعصمان الشـوارب زيـارة ياماحلا وان قال ياصقر قم هات=الا ولايبـرد عـن القـز نـاره ياصقر مالي حاجـة بالامـارات=لو تجتمـع بدوانهـا والحضـارة امارةٍ فيها ........... ونفخـات=والا لياجاه الضيف حسن الوقارة وأيضاً يقول الشاعرالمرحوم سحلي العوّاي في الامير حسين بن عادي الديحاني :
يازيـن مكشـاتٍ كشتنـاه ياسعـود=وناسـةٍ ماصـار مثلـه ونـاسـه مشوي ويبرا له حليب مـن الـذود=عقب العشاء كلٍ شرب ملي طاسـه من فضل من لاحسب النقص والزود=ماهمّته دنيـاه مـن طيـب راسـه ماكل رجـالٍ يبـي يـدرك الفـود=ولا كـل ريـس يستـوي للرياسـه سقوى ليا جتنـا مخاييـل ورعـود=الروض يزّي الروض عقب اليباسه سيله من العارض الى خط فرهـود= كـل مـدح فالـه بليـا لسـاسـه يازين تغريد ام سالم علـى العـود=كنّك مسعّطها مـن الخمـر كاسـه ليا شافت النوّار بالـروض ماجـود=يطير عـن راس ام سالـم عماسـه الرّيـع يانخّاشـة الجحـر مسـدود=راع القفى يقعد علـى كسـر باسـه اللي يقول بربـع عسـاف منقـود=انـا قبيلـه ليـن يرمـي عطاسـه أنا خوي حسيـن والعلـم مـردود=مانـي خـوي الكنـدرة والبساسـه [CENTER]ولشاعرنا سحلي العواي قصائد كثيره جداً ولكن لاأريد أن أطيل عليكم وبهذا أكتفي توفي سحلي العواي عام1998هـ رحمه الله رحمةً واسعه ورحم أموات المسلمين عامّه في الأخير أتمنّى من الله أن تحوز تلك القصائد على رضاكم وتقبلوا خالص تحياتي ............................. منقول من منتديات مطير للكاتب (خلاص راحت)<<<<له الشكر على إتحافنا بروائع الشاعر الكبير سحلي العواي ابن مصاول: ماطمن الراس حدر الروس=تزعـل علـي المطيريـه
|
|
|
«
الموضوع السابق
|
الموضوع التالي
»
الساعة الآن 02:16 PM.
| ||||||||||||||||||||||||||
