من قصائد الشاعر ضيف الله بن زراق

هذه قصيده من قصائد الشاعر المرحوم ان شاء الله(00ضيف الله بن زراق بن مصاول المدلج)


اتمنى ان تحوز على رضاكم00تعبت وانا ابحث عن قصائد للشاعر ضيف الله00وحصلت على القليل00


هذه القصيده اثرت فيني معانيها جدااارائعه00في زمن غابت المصداقيه0000

(اهداء خاص من حلا نجد0 00الى ابن مصاول000ولجميع الاعضاء عامه؟؟؟؟)
--------------------------------------------------
00000يقول رحمه الله:(ابو عبدالله)

1-تركت مجلس شاذبين العراقيب
وسيرت للي هروجهم يبرد الجاش
2-وجنبت عن بعض المخاليق تجنيب
مانيب مجبور على عشرة اللآش
3-القى من الآصحاب هم والاجانيب
وابحث عن أهل العرف مع كل طراش
4-ونفسي مجنبها دروب العذاريب
خوفن عليها من بعض هرج الادفاش
5-الياحضر خبلن هروجه هذاريب
خارن بشذبات العراقيب حشاش
6-أطلق لسانه لوماله مطاليب
وليانهيته عن عروض العرب هاش
7-ماكل من ربو لحاهم على طيب
كم واحدن دقنه يربى على ماش ( )
8-بعض الملا مثل الرصاص المكاذيب
ماينفع الرامى مكاذيبن أقفاش
9-وأنا عن اللي مثلهم الازم اغيب
ومن لايعز النفس خايب ولو عاش
10-وعزي لنفسي من خيار المكاسيب
يوم الردي تمضي حياته بلياش
11-واتابع السنه بحكمه وترتيب
وأسلك طريقين مايجي حوله أعباش
12-وأقلط اليا حكو علي الطلاليب
وانجح ويسقط كل ظالم وغشاش
13-واجالس اللي ينطحون المواجيب
يومن بعض الناس من ظمن الآدباش
14-صديقنا يلقى تحيه وترحيب
وعدونا نجمع له المر بغراش
15-حنا بوقتن فيه بعض العاجيب
فيه الرخا فيه الكيافه والإنعاش
16-لكن الضان عاشت مع الذيب
والذيب ذل وشرهة فيه الأكباش
17-قلته بعد قست المعاني بتجريب
وشفت الرجال اللي لهم فكر جهاش
18-اللي على حل القضايا مداريب
يومنّ بعض الناس تايه ومنداش

العذر والسموحه اذاأخطيت بكتابة الابيات00اذا يوجد خطاء ارجواامن ابن مصاول التصحيح000

واترككم بحفظ الله ورعايته 00الراويه حلا نجد00

أحسنت يا حلا نجد على النقل المميز لقصائد والدي قصيدة تلو الأخرى وعلى الرغم على عدم معرفتي بشخصيتك ولكني يعلم الله أن لك في القلب محبة اخ صادق قد أثلجت صدره بتجشمك التعب في نقل قصائد والدي رحمة الله عليه... والقصيدة يوجد بها خطاء او خطائين ولا ألومك عليه لأنك نقلت فأبدعتي وسوف أنقل لكي القصيدة من ملفاتي وسوف أنسقها لكم وتفضلوا:

شاذبين العراقيب

تركت مجلس –شاذبين- العراقيب=وسيرت للي هرجهم يبرد الجاش
وجنبت عن بعض المخاليق تجنيب=ما نيب مجبورٍ على عشرة اللاش
القى من الأصحاب ،هم والأجانيب=وأبحث عن أهل العرف مع كل طراش
ونفسي مجنبها دروب العذاريب=خوفٍ عليها من بعض هرج الأدفاش
اليا حضر خبلن هروجه هذاريب=ضارن بشذبات العراقيب حشاش
أطلق لسانه لو ماله مطاليب=وليا نهيته عن عروض العرب هاش
ما كل من ربوا لحاهم على طيب=كم واحدٍ دقنه يربى على ماش
بعض الملا مثل الرصاص المكاذيب=ماينفع الرامي مكاذيبٍ أقفاش
وأنا عن اللي مثلهم لازم اغيب=ومن لا يعز النفس خايب ولو عاش
وعزي لنفسي من خيار المكاسيب=يوم الردي تمضي حياته بلياش
واتابع السنه بحكمه وترتيب=واسلك طريقٍ مايجي حوله أعباش
وأقلط اليا صكوا علي الطلاليب=وأنجح ويسقط كل ظالم وغشاش
واجالس اللي ينطحون المواجيب=يومن بعض الناس من ضمن الأدباش
صديقنا يلقى تحيه وترحيب=وعدونا نجمع له المر بغراش
حنا بوقتٍ فيه بعض التعاجيب=فيه الرخى فيه الكيافه والأنعاش
لكن فيه الضان عاشت مع الذيب=والذيب ذل وشرهت فيه الأكباش
قلته بعد قست المعاني بتجريب=وشفت الرجال اللي لهم فكر جهاش
اللي على حل القضايا مداريب=يومن بعض الناس تايه ومنداش

أخوكم ابن مصاول

[all1=0033FF]صح لساان
الشاعر ضيف الله المدلج


ويعطيك العافيه حلااا نجـــــد [/all1]

مشكور ابن مصاول أتمنى أن يكون النقل أعجبك00لقد تعبت وأنا أبحث عن قصائد والدك(والأن أبحث عن سيرة الشاعر ضيف الله00الذاتيه لالا كن لم أجد أي رد علي أسئله)0

أما عن سرد القصائد الواحده تلو الثانيه كله علشان خاطر00أخي الشيبه ابن مصاول (علشان عين تكرم مدينه)

0000000000000000000حلا نجد

تسلمين ياحلا نجد على نقل قصائد شاعر المدالجه ضيف الله بن زراق ....وسوف تكون سيرته الذاتيه وقصائده كاملة على صفحات منتدانا حيث سيكون لمنتدانا السبق في نشرها على صفحاته

دمتي بخير....أخوك الشيبه ابن مصاول

واجالـس الـلـي ينطـحـون المواجـيـب يومن بعض الناس من ضمن الأدباش
قصيدة رائعه للشاعر ضيف الله بن زراق بن مدلج الميزاني..
شكراً لك اختي حلا نجد على هذا النقل ..
وبيض الله وجهك اخوي ابن مصاول على هذا التعديل لشاعر ذوي ميزان رحمة الله عليه وتغمد الله روحه بالجنه..
مع فائق تحياتي واحترامي ..
سلطان الميزاني.

مشكووره على القصيده القمه في الروعه وشكرا..

وتقبلي مروري..

اختج:جرحتني وانا أحبك...

شكرا ياحلا نجد............ورحم الله الشاعرفكم اتعب اضداده قبل اصحابه.....وقد وجدت في هذي القصيدة تصويرا لواقعنا المعاش اليوم مع بعد الفارق الزمني...الغير طويل نسبيا.....ومما اعجبني :

اليـا حضـر خبلـن هـروجـه هـذاريـب=ضـارن بشـذبـات العراقـيـب حـشـاش
أطـلـق لـسـانـه لـــو مـالــه مطـالـيـب=وليا نهيته عن عروض العرب هـاش

كم نعاني يا اخوان من هذ الحال .....حسبي الله عليهم

امااخر القصيدة فبدون تعليق..............:

حـنـا بـوقـتٍ فـيـه بـعـض التعـاجـيـب=فيـه الرخـى فـيـه الكيـافـه والأنـعـاش
لكـن فيـه الضـان عاشـت مـع الـذيـب=والذيـب ذل وشـرهـت فـيـه الأكـبـاش
قلـتـه بـعـد قـسـت المعـانـي بتجـريـب=وشفت الرجال اللي لهـم فكـر جهـاش
الـلـي عـلـى حــل القضـايـا مـداريــب=يومـن بعـض النـاس تـايـه ومـنـداش

صح الله لسانك اختي حلا
وصح الله لسان الشيخ والفارس والشاعر/ضيف الله بن زراق بن مدلج-رحمة الله رحمة واسعه
وانا اقول ابن مصاول منين جاب الجزاله بالشعر اثره وارثها

أبن جويبر مرحبا بك الف مره يا من تسعدنا بطلاتك البهيه يا نسل العيبانيه .
أبن مصاول أبوه شاعر وجده الفارس سند بن مصاول ( راع الشرفا ) شاعر مجيد كذالك وجده مصاول هوا قاضي القبيلة رجل حكيم ومعروف بالدها والفطنه وقو الحجه فلا تستغرب منه الطيب والعلوم الغانمه فلقد قطف من كل الأزهار ورده (

عرب وليدك عربه = ونار من مقباسها

).

عليك في بنت القروم المغذاه = مجودةٍ من جيدات الأصايل
يجي ولدها كل ما احتجت تلقاه = معلقٍ مثل السيوف الصقايل

أبن مدلج1