عيال الدجيما

بسم الله الرحمن الرحيم

العقيلي

يامرحبا ترحيبةٍ تضفي على غرب القصيم=ترحيبة تضفي على عيال الدجيما كلها
ياعلي ابا احذرك لاتلعب على النهج القديم=حنا درسنا الوضغ والغازك ليقينا حلها

الدجيما

دام البقا ياللي ترحب فالشفاء ولا النسيم=ياهل الرياض اللي ليا مني سريت ادلها
انا على نهج الرجال اهل الشجاعه مستقيم=اعز ناس(ن)من فضل ربي وناس اذلها

ا

العقيلي

مالك ومال اهل الشفا والشرق وافهم يافهيم=خلك بظل الشجره اللي تستظل بظلها
يابو حسين اعلم ترا مابه عيال بلا حريم=وياليت بعض الناس من شوري تبات احسن لها

الدجيما

انته طعنت الطعنه اللي وقعت وسط الصميم=بسيوفك اللي لنتفخ راسك قعدت اتسلها
بس انتبه لاتلتفت يمي ترا ماني يتيم=انا لحالي لو اجي حاذه تراي احتلها

العقيلي

لا لا حشا مانطعن اللي من مثل شخصك حشيم=مثلك ترا تضحك لها الدنيا وتفرش زلها
لكن انا اوحي لي رعد حولي واشوف الجو غيم=وعبله من اللي يهتويها دام عنتر خلها

الدجيما

ياراعي العقل السليم اكيد فالجسم السليم=كم واحد(ن) تدخل عليه اعلوم مايفطن لها
انكان جوك غيم من حضك ترا ربي كريم=بكره تعوذ من ذنوبك والاغاثه صلها

العقيلي

حنا ترانا عيال ادم من مواطن او مقيم=وانا رفيقك وانت عادات الوفا راعٍ لها
يمكن تهيا لي بدونك باذن رحمنٍ رحيم=وتشوفني قدامك انطق نطقها وارطن لها

الدجيما

يابو حمد ناري تراها ماتولع فالهشيم=وانته بعد حاول علوم(ن) ماتناسب زلها
وانكانك امصمل ابيك اتقول والله العظيم=ان الجزيره ماتراسلني وانا مرسل لها

مع الشكر للجميع

دام البقا ياللي ترحب فالشفاء ولا النسيم=ياهل الرياض اللي ليا مني سريت ادلها
انا على نهج الرجال اهل الشجاعه مستقيم=اعز ناس(ن)من فضل ربي وناس اذلها

يعطيكم العافية متابعين لكم

الله يحييك العنود وعساك من جمهوري ضد العقيلي ههههههههههه

مالك ومال اهل الشفا والشرق وافهم يافهيم=خلك بظل الشجره اللي تستظل بظلها
يابو حسين اعلم ترا مابه عيال بلا حريم=وياليت بعض الناس من شوري تبات احسن لها

صحت السنة الشاعرين الكبيرين عبدالرحمن العقيلي و علي الدجيما وإذا حضر هذان الشاعران حضر الشعر والمعنى العميق ..

وبداية قويه من أبو حمد ورد رائع من شاعر الجزلات أبوحسين

ونحن متابعون بإهتمام لهذا الفن الراقي

المشاركة الأصلية كتبت بواسطة عنود الصيد

يعطيكم العافية متابعين لكم

حياااااااااااااك معي يالعنود ضد الدجيما وشوفيني مدحت الحريم على شانك في الرد الاخير قولي تم
هههههههههههههههههههههههه

المشاركة الأصلية كتبت بواسطة أبن مصاول

صحت السنة الشاعرين الكبيرين عبدالرحمن العقيلي و علي الدجيما وإذا حضر هذان الشاعران حضر الشعر والمعنى العميق ..

وبداية قويه من أبو حمد ورد رائع من شاعر الجزلات أبوحسين

ونحن متابعون بإهتمام لهذا الفن الراقي

مرحبا ملالالالالالالاييييييييييييين يابوضيف الله

تشرفنا بحظورك يابعد رااااااااسي ولناعودة للتعليق على مداخلتك

انته طعنت الطعنه اللي وقعت وسط الصميم=بسيوفك اللي لنتفخ راسك قعدت اتسلها
بس انتبه لاتلتفت يمي ترا ماني يتيم=انا لحالي لو اجي حاذه تراي احتلها

الله يحييك يابو ضيف الله ويحيي جميع الاخوان والاخوات وشهادتك وسام
وتواجدك يسعدنا ويزيدنا فخر