اقسلى قصيده حب ((حلوه))

لا جيت ابنسى واتراجـع واسامحـك
صاحن جروحي واشتكن لي طعونـك


كلك خيانه قول .. وشلـون ابمنحـك
وش موقفك من شخص دايم يخونك !!


اكبر خطا.. لو جيت يمـك اصالحـك
اول تحـوّل .. لاتـغـرّك إلحـونـك


اللي تقوله صح .. لو كنـت جارحـك
(مير) انت غارق للاسف في ظنونـك


وصفك نسيته بس .. باقي ملامحـك
بنهيـك وانهـي بالنهايـه جنـونـك


ماتستحـق امـد (كفـي) واصافحـك
مثلك غلط عمري وابحيـا .. بدونـك


لعبـت دورك شاهـداتٍ مسـارحـك
خدعتنـي واظهـرت خافـي فنونـك


كنت اعتقد .. قلبي هو ابرز مطامحك
اللي يبيـع النـاس لجلـه يصونـك


تعبت اسوق الشوق يمك واصارحـك
اخلصت لك بالحب .. شوفت عيونـك


لكن خسارة صرت غايـة مصالحـك
ياليتنـي ماجيـت .. لحظـه بكونـك


بالامس كنت بنشوة الحب .. امازحك
اخيـل برقـك واتحـرى امـزونـك


واليوم من صفحة حياتي .. ابمسحـك
هديت صرحـك ثـم طاحـت ركونـك


ولابي عيوني لـو تصـورت تلمحـك
اعلنت موتك .. وانسجن لي كفونـك


وان جيت تطلب .. ترتجيني اسامحك
بهديك طعنه .. مـن بقايـا طعونـك


ومنقول

يعطيك العافيه يابن صحران

لكن يستحب ذكر اسم صاحب القصيده

ابن صحران
صح لسانك

والله لا يهينك

تقبل مروري
سيف الشجيع

صح لسان الشاعر العذب محمد عبدالله العسكر شاعر من اهل القصيم (بريده) واحسنت النقل اخي ابن صحران وهذه القصيدة تسمى القاسيه

وصراحة من أروع قصائده والشاعر وانت تقرأ قصيدته كانك تراه يعاتب أو يتكلم بقسوة مع من حبها تدخلك في جو القصيدة غصب عنك..


أشكرك لنقلك الموفق وأشدد على كلام بن غلاب ..


والقصيدة هي أقسى قصيدة وليس (أقسلي قصيدة)!!!


اخوك ابن مصاول

اشكركم على المروررر

صـح الـله لسآنـه ‘‘
ولآهنـت يآبـن صحران على نقلك الرآئع

دمت بفحـظ الرحمـآآٍن

اشكرك ع المرور اخوي
ذيب الروسان

صح لسانك ابن صحران
تـقـبـل مـروري

صــح بدنـــكـ اخوي صالــح اسعدنــي
مروركـ

صح لسان الشاعر ولاهنت على النقل والعذر أخووي أنا نقلت
القصيده ولاكان عندي علم انك ناقلها السمووحه ولاهنت